DAVUDA HÖKMDARLIĞIN VƏ PEYĞƏMBƏRLİYİN BİRLİKDƏ VERİLMƏSİ Uca Allah buyurur: «20. Biz onun mülkünü (səltənətini) möhkəmləndirmiş, ona hikmət (peyğəmbərlik) və (haqla batili ayırd edib) düzgün hökm vermək qabiliyyəti bəxş etmişdik.» (Sad: 20). Biz ona böyük mülk və keçərli hökm bəxş etmişik. Ona hikmət, yəni peyğəmbərlik vermişik. Həmçinin ona həm danışığında, həm də hakimlik etdiyi məsələlərdə düzgün danışıq və seçim etmə qabiliyyəti vermişdik. İbn Cərir də ayənin bu cür açıqlanmasının tərəfdarıdır.
DAVUDUN TÖVBƏSİ 21. (Ey Peyğəmbər!) Sənə (Davudun padşahlığı vaxtı) dava edənlərin xəbəri gəlib çatdımı? O zaman onlar (Davuda məxsus) məbədə (ibadət vaxtı ora daxil olmaq qadağan edildiyi üçün) divardan aşıb gəlmişdilər.
22. Onlar Davudun yanına gəldikdə (Davud)onlardan (məbədə qapıdan deyil, divardan aşıb daxil olduqları üçün) qorxdu. Onlar dedilər: “Qorxma, biz bir-birimizə haqsızlıq etmiş iki iddiaçıyıq. Aramızda ədalətlə hökm et, haqqı tapdalama (heç birimizin tərəfini saxlama) və bizə doğru yolu göstər!”
