Rəhman və Rəhim olan Allahın adı ilə

ADƏMİN  TÖVBƏSİ
37. (Nəhayət) Adəm Rəbbindən (bəzi xüsusi) kəlmələr öyrə­nə­rək (Həvva ilə birlikdə o kəlmələr vasitəsilə) tövbə etdi. Doğ­ru­dan da, O (Allah) tövbələri qəbul edəndir, mərhəmətlidir. (əl-Bəqərə: 37).

Deyilənə görə Adəm növbəti ayədəki sözlərlə tövbə etmişdir.

23. (Adəm və Həvva) “Ey Rəbbimiz! Biz özümüzə zülm etdik. Əgər bizi bağışlamasan, rəhm etməsən, biz, şübhəsiz ki, ziyana uğrayanlardan olarıq!” – dedilər. (əl-Əraf: 23).

Mücahid, Səid ibn Cubeyr, Əbul Aliyə, Rabii ibn Ənəs, əl-Həsən, Qata­də, Muhəmməd ibn Kəəb, Xalid ibn Mədan, Ata əl-Xorasani və Əbdürrəhman ibn Zeyd ibn Əsləm eyni sözləri demişlər³⁴.

İbn Abbas t aşağıdakı ayəni oxuyub deyir: «Adəm Rəbbindən (bəzi xüsusi) kəlmələr öyrənərək tövbə etdi. Doğrudan da, O tövbələri qəbul edəndir, mərhəmətlidir.» (əl-Bəqərə: 37).