«40. (Süleyman taxtın daha tez gətirilməsini istədi). Kitabdan bir qədər xəbəri olan birisi dedi:» Məşhur məlumata görə bu Asif ibn Bərxiya idi. «“Mən onu sənə bir göz qırpımında gətirərəm!”» Deyilənə görə burada məna – gözün görən qədər məsafəyə göndərdiyin elçi gedib qayıdana qədər mən onu gətirərəm, deməkdir. Digər məna: Ən uzaqda gördüyün insan sənin yanına gələnə qədər. Başqa məna: Gözün baxmaqdan yorulub qırpılana qədər. Yaxud, ən uzaqda görünən bir şeyə gözünü dikib çəkənə qədər. Ən yaxın mənalar bunlardır.
