Reja: Hajmiy gidroyuritmalar uchun ish suyuqliklari va ularning asosiy xossalari. Suyuqliklarni tozalash (filtrlash). Filtrlash sxemalari va ularning asosiy turlari

16.2. Pnevmoyuritgichlar, uning asosiy qismlari va farqli xususiyatlari. Havoning ohirgi issiqlik darajasi va solishtirma energiyasi.

Porshenli nasos qurilmasining eng sodda sxemasi 16.1 - rasmda keltirilgan. Bu nasoslarda suyuqlikning so‘rilishi va haydalishi porshen yoki plunjerning (16.1 rasm) silindrdagi ilgarilanma-qaytma harakatiga asoslangan. Bunda porshen 3 yoki plunjer 3 tarkibida shtok 2 bo‘lgan krivoship shatunli mexanizm 1 yordamida harakat qiladi. Porshen (plunjer) silindr ichida qaytma (orqaga) harakat qilganida uning oldidagi ish bo‘lmasining hajmi ortib, siyraklanish hosil bo‘ladi. Bu siyraklanish ma’lum bir chegaraga etganida ish bo‘lmasidagi bosim bilan tirgak klapan 7 ostidagi xropovikda bo‘lgan bosim orasidagi farq so‘rish klapani 4 ni ochadi va suyuqlik so‘rish trubasi 6 orqali ish bo‘lmasiga kiradi. So‘rish jarayoni porshen (plunjer) o‘zining eng chekka so‘rish chegarasiga etguncha davom etadi. Bunda so‘rish trubasidagi siyraklanish so‘rish klapani oldiga joylashtirilgan vakuumetr yordamida o‘lchanadi. Ta’minlovchi idishdagi suyuqlik sathidan nasos silindrining eng yuqori sathigacha bo‘lgan balandlik so‘rish balandligi (N_s) deyiladi. So‘rish balandligi chegaraviy so‘rish balandligi (N_s^kr)dan katta bo‘lmasligi kerak. Porshen (plunjer) ilgarilanma (oldinga) harakat qilganida esa ish bo‘lmasidagi bosim ortib, so‘rish klapani yopiladi. Bo‘lmadagi bosim ortishida davom etib haydashga yetarli bosim R_x ga etganda haydash klapani ochilib, suyuqlik haydash trubasi 9 ga uta boshlaydi. Suyuqlikni haydash porshen eng chekka chegarasiga etguncha davom etadi.

Nasosni ishga tushirganimizda u avval so‘rish trubasidagi havoni tortadi va suyuqlik so‘rish trubasiga ko‘tariladi Nasos bir oz vaqt ishlagandan so‘ng so‘rish trubasi va silindrdagi havo xaydab chiqarilib, suyuqlik silindrni to‘ldiradi. SHundan so‘ng nasos moslangan tartibda ishlay boshlaydi. Natijada ta’minlovchi idishdagi suyuqlik qabul qiluvchi idishga o‘ta boshlaydi

Silindrdagi yuqori sath bilan suyuqlik ko‘tarilgan eng yuqori sathning farqi haydash balandligi (N_x) deyiladi.

So‘rish balandligi bilan haydash balandligining yig‘indisi
N_st=N_s +N_x nasosning tortish balandligi yoki to‘liq statik bosimdan iboratdir.

Porshenli nasoslar yuqori bosim kerak bo‘lgandagina ishlatiladi. Amalda, ko‘p hollarda, porshenli nasoslar markazdan qochma nasoslarni siqib chiqaradi. Hajmiy gidrouzatmalar tarkibida ishlayotgan nasoslar asosan porshenli nasoslar turiga kiradi. Bu aytilganlardan tashqari porshenli nasoslarning yana bir ustunligi foydali ish koeffitsientining yuqoriligidir.

Porshenli nasoslarning markazdan qochma nasoslardan yana bir farqi shundaki, uning so‘rishini haydash trubasida o‘rnatilgan berkitkich yordamida o‘zgartirib bo‘lmaydi. Lekin haydash trubasining kesimi kichrayib borishi bilan tezlik ortib boradi va berkitkich oldida bosim ortib boradi. Agar berkitkich butunlay berkitib qo‘yilsa, bosim juda kattalashib ketishi natijasida yo nasos buziladi, yoki truba yoriladi,yo bo‘lmasa zo‘riqishning ortib ketishi, natijasida dvigatel to‘xtab qoladi. SHuning uchun porshenli nasoslardan yuqori bosimda o‘zgarmas so‘rish zarur bo‘lgan hollarda foydalaniladi.

Porshenli nasoslarning markazdan qochma nasoslar bilan taqqoslagandagi asosiy kamchiligi ularning kattaligi, qimmatga tushishi, ishlatishning murakkabligidir. Bu nasoslarga markazdan qochma nasoslarga qaraganda ko‘proq qarab turish va diqqat talab qilinadi. CHunki porshenli nasoslarning klapanlari tez-tez ifloslanib turadi. Ifloslanish nasosning boshqa qismlarida ham bo‘ladi.

16.1-rasm.
Porshenli nasosning silindrdagi absolyut bosimning porshenning yurishiga yoki ish bo‘lmasi hajmining o‘zgarishiga bog‘liqligini ko‘rsatuvchi yopiq chiziqdan iborat grafik indikator diagramma deyiladi.U ishlab turgan nasos silindriga o‘rnatilgan va indikator deb ataluvchi maxsus asbob yordamida chiziladi.