Reja: Maxsulotlarni kimyoviy taxlil qilish

Sharob va xom sharoblarni mikrobiologik chidamliligiga baho berish usullari.
Dastlabki baholash usuli. Dastlabki, taxminiy-ekspress baholash usuli xom sharoblarni mikroorganizmlar -achitqilar, sut kislotasi, sirka kislota bakteriyalari bilan ifloslanganligi darajasini aniqlashga asoslangan. Olingan namunani mikroskopda ko‘rish yoki sentrifugalab, so‘ngra mikroskopda ko‘rish yo‘li bilan mikroorganizmlar hujayrasining umumiy soni aniqlanadi.
Oldin sentrifugalab, keyin mikroskopda ko‘rish uchun tekshiriladigan 10 ml material 25s^-1 (1,5·10³ ob/min da) tezlikda 10 minut yoki 50 s^-1 ( 3,0·10³ ob/min) aylanish 5 minut sentrifugalaniladi. Keyin cho‘kma ustida suyuqlikni butunlay quyib olib, mikroskopda ko‘rish uchun preparat tayorlanadi.
1 ml xom sharobdagi mikroorganizmlar hujayrasi sonini aniqlash uchun hisoblash kamerasidan foydalaniladi.
Mikroorganizmlarning sistematik guruxlarini taxminiy aniqlashda ularning mikroskopda ko‘rilgandagi morfologik belgilariga asoslanadi.
Sharob materiallarining xolatiga dastlabgi taxminiy ekspress baho berishda 9-jadvaldan foydalanib, mikroorganizmlarning miqdorini hisobga olish ma’lumotlari asosida baho beriladi.


3. Degustatsiya asoslari. Sharob o‘ziga xos ta’mli mahsulot bo‘lib, uni organoleptik baxolash kimyoviy tekshirishlar natijasida olingan ma’lumotlarga axamiyatli qo‘shimchadir. Bizning sezgi a’zolarimiz tomonidan aniqlanadigan nozik idrok etish o‘rnini kimyoviy taxlil bosa olmaydi. Masalan, hidlash natijasida bir litrdagi xavo tarkibidagi aralashmada 1,10 dan to 1,10 mg miqdoridagi aromatik moddalar seziladi, xuddi shunday analiz bilan aniqlash mumkin bo‘lmagan moddalar ta’m organlari orqali seziladi. Barcha sezish organlarining aniqlashidan olingan ta’ssurotlar o‘z murakkabligiga ko‘ra takrorlab bo‘lmas analiz va sintez natijalaridir.
Mahsulotlarni sezish organlari yordamida tekshirish organoleptik tahlil deyiladi. Qisqacha esa asosan ta’mini aniqlashga qaratilgan bo‘lganligi uchun "degustatsiya” deb ataladi. Degustatsiiya-lotincha gustus so‘zidan olingan bo‘lib, ta’m ma’nosini anglatadi. Degustatsiya mohiyati sharobni sezgi a’zolarimiz, asosan, mazasini tatib ko‘rish. xidlash va ko‘rish orqali sinash bilan sezish (xis etish) dan iborat.