Tədqiqatın obyekti. Reproduktiv yaşda olan miomektomiya tətbiq edilmiş qadınlar.
Tədqiqatın məqsədi – reproduktiv yaşda olan qadınlarda mamalıq ağırlaşmalarının və perinatal patologiyaların azaldılması məqsədi ilə uşaqlığın miomasının cərrahi müalicəsinin optimallaşdırılması.
Tədqiqatın metodları. Tədqiqatda qadınların xəstəlik tarixləri öyrənilmişdir. Ümumi klinik, laborator, instrumental müayinə metodlarından istifadə edilmiş, həmçinin hər bir pasiyent üçün müayinə kartı və sorğu-anketi tərtib edilmişdir.
Tədqiqatın vəzifələri:
1. Tikiş nahiyəsinin böyük piyliyin sərbəst ucu ilə əlavə peritonizasiyası aparılmış laparotom miomektomiyanın nəticələrini öyrənmək;
2. Miomektomiyadan sonra hamiləliyin gediş xüsusiyyətlərini və çapığın keyfiyyətinin klinik və sonoqrafik əlamətlərinin informativliyini təyin etmək;
3. Miomektomiyadan sonra uşaqlığında çapıq olan qadınlarda ana və döl üçün müxtəlif doğuş üsullarının üstünlük və çatışmazlıqlarını qiymətləndirmək;
4. Həm doğuşdan sonra, həm də modifikasiya olunmuş texnika ilə əməliyyatın aparılmasından asılı olaraq yenidoğulmuş üçün doğuşun nəticələrinin müqayisəli təhlilini aparmaq.
Dostları ilə paylaş: | 
