Tədqiqatın praktik əhəmiyyəti. Aparılan tədqiqatlar əsasında miomektomiyadan sonra uşaqlıqda keyfiyyətsiz çapığın formalaşmasının mümkün səbəbləri müəyyən edilmişdir. Göstərilmişdir ki, miomektomiyadan sonra hamiləliyin gedişatı bilavasitə formalaşmış çapığın keyfiyyəti ilə əlaqədardır. Uşaqlığında çapıq olan qadınlarda hamiləliyin sonadək davam etməməsi təhlükəsinin yüksək tezliyi müəyyən edilmişdir. Aşkar edilən pozuntuların vaxtında korreksiya edilməsi və uşaqlıqda çapığın vəziyyətinin proqnozlaşdırılması üçün ana-cift-döl sistemində hemodinamikanın qiymətləndirilməsinin zəruriliyi müəyyən edilmişdir. Bundan başqa, bu hamilələrdə doğuşun sonlandırılma müddətinin seçilməsi ilə yanaşı eyni zamanda həm çapığa, həm də ana və dölün vəziyyətinə daimi nəzarət etməklə, doğuşu təbii doğuş yolları və ya cərrahi yolla başa çatmasının adekvat qiymətləndirilməsi mümkündür.
