Sədrlik eləyən. Vətəndaş deputatlar, indi də parlamentdə qulluq eləyən əməkdaşlara çəkilən xərclər və parlamentdə ştatların artırılması ilə bağlı məsələni sizim müzakirənizə vermək istəyirəm.
O (qətiyyətlə). Onların hamısı mühakimə olunacaqlar. Hər biri də xalqa qarşı törətdikləri cinayətlərə görə cəzalanacaqlar.
Birinci Mən.Demək terror başlayacaq.
O. Məhkəmə hələ terror demək deyil.
Birinci Mən. Fransız inqilabının qurbanlarının hamısını Tribunalın hökmü ilə gilyotinə göndərmişdilər. Hər birinin də günahı, hüquq baxımından əsaslandırılmışdı.
İkinci Mən.Nə olsun ki?
Birinci Mən. Onların bu əməli əslində terror idi. Bu insanların Azərbaycanda birinci parlamentli respublika yaratdıqlarını da unutmaq olmaz.
