Mövzunun işlənmə dərəcəsi. Tarixən bir çoxları tərəfindən şərh edilmiş vergilər haqqında günümüzdə də həm xarici, həm də yerli bir iqtisadçılar əsərlər yazmış, bu sahədə onların müxtəlif kitabları nəşr olunmuşdur. Bunlardan Tim Vorhisin “Ən yaxşı vergi planlama alətləri”, S.Konesin “Biznes və investisiya planması üçün vergitutma prinsipləri”, Stefan Simitin “Vergitutma, qısa giriş”, A.Burhanın “Vergi tarixinin kökləri: Şumerdən qədim Misirə, Yunanıstandan Romaya qədim dövrdə vergitutma fəaliyyəti” kitabını qeyd edə bilərik. Vergilərin inkişaf tarixini, ölkəmizin və digər dövlətlərin vergi sistemlərinin xüsusiyyətlərini, onun prinsiplərinin mahiyyətini ətraflı şərh edən müasir iqtisadçılardan isə M.Kamiloğlu, Y.Balakişiyeva, Y.A.Kəlbiyev, Ə.Məmmədov, A.F.Musayev və başqalarının adlarını çəkə bilərik.
