Şahlar həSƏNOĞLU
***** ******* ******
Yüklə 1,51 Mb. Pdf görüntüsü
|
|
140 ***** ******* ****** Orxan isə hələ də tarlaya sancılıb gözləməkdəydi. Kolxozçular içində olmadı Sürəyya, ondan sonra da neçə kərə avtobuslar gəldi, adamlar düşdülər avtobuslardan, ümidləndirdilər Orxanı, gəlib çıxmadı Sürəya. Saat 1 tamam oldu, 3 tamam oldu, 5 tamam oldu, gəlib çıxmadı Sürəyya. Tir- tir titrəyib əsirdi Orxan, gözləri qaralırdı durduğu yerdə, başı hərlənirdi, çıxıb getmək qərarına gəlirdi bu yerdən, lakin elə istəyirdi addım atıb gedə ürəyi gəlmirdi, düşünürdü qoy bir az da gözləyim. Saat 6- ya qalmış yolda yenə bir avtobus dayandı. Avtobusdan iki adam düşdü, düşən kimi də belə baxıb tanıdı onları: Adillə Sahibovdu gələnlər. Yəqin onu axtarmağa gəlirlər bu kəndə. Istər-istəməz papaq qaldırıb harayladı onları: - A-a-d-i-i-l! Uzaq olsa da eşitdilər deyəsən onu, tanıdılar deyəsən, tarlaya girib təngimiş ona doğru yüyürdülər. Adil ona çataçatda ürəyi dolan kimi oldu, hiss etdi ki, gözləri də qaralır, ikisini dörd görür . Istədi bir söz deyə dişləri bir-birinə dəyib şaqqıldamağa başladı. Heç nə deyə bilmədi. - A Orxan, nə qayırırsan burda? Orxan cavab verəcək halda deyildi. - A Sahibov tez ol gəl o biri qolundan tut, nəsə olub buna. Sahibov ona çatınca Orxan addım atıb yerimək istədi, başı gicəllənib yerə sərildi. Tutub qollarından ayaq üstə qaldırdılar: - A Orxan noolub sənə, döyüb eləyiblər yoxsa səni? Elxangil eləyib yoxsa? Onlar olacaq Sahibov! Başını buladı Orxan, dililə deyə bilmədi, qırqınc olmuşdu dili, hərlənmirdi ağzında. Qup-quru qurumuşdu dili. Adil əlini onun alnına qoyub qışqırdı: - A Sahibov, od qızdırmanın içindədi bu! Tez ol çıx yola bir maşın əylət, mən dalıma alıb gətirəcəm yola! 141 Bundan sonra artıq nələr baş verdiyi huşunda deyildi Orxanın. Yüklə 1,51 Mb. Dostları ilə paylaş:
|