Şahlar həSƏNOĞLU
Yüklə 1,51 Mb. Pdf görüntüsü
|
|
**** ***** **** Sürəyya isə! Qəm çəkirdi Sürəyya, intizar çəkirdi, hicran oduna yanırdı, unuda bilmirdi Kamalı, başından-beynindən çıxarıb ata bilmirdi. Neyləsə, nə qayırsa ata bilmirdi Kamal fikirini başından. Şerlər yazmağa başlamışdı. Bir xatirat dəftəri açıb qəlbinin hissinin, həyəcanı bu xatirat dəftərinə köçürürdü. Sürəyyanın xatirat dəftərçəsindən yarpaq: Öz əlimlə öz qolumu Kəsib qırdım bilə-bilə. Gözlərimdə yaşım qalıb, Zıldır-zıldır gilə-gilə. Ürəyimin ahı sönməz, Məndən gedən mənə dönməz. İntizara son görünməz, Ürək sızlar ölə-ölə Nolar qeybdən ümüd düşə Sınıq könüllər bitişə, Gələ Kamalım görüşə, Gözüm yaşın silə-silə! 170 Fəqət yoxdur qəmin sonu Gedər biri, gələr onu, Ömrün fəna olduğunu Anlayıram çilə-çilə Sürəyyanın xatirat dəftərçəsindən yarpaq: Oyum- oyum oyalanıb oldürəcək bu qəm məni! Öz qanıma qəltan edib öksüz qoydu nəğməm məni! Qayğısız bir bülbül ikən "Sona bülbüllər oxudum" Elə bildim bu nəğməmlə tapacaqdır həmdəm məni. Həmdəm gəlib çıxar oldu üç an kimi üç gün keçdi Bu üç günün fitrətindən alışdırdı sinəm məni Bihuş oldum sözlərinə, bihuş oldum gözlərinə, Apardı bir röya kimi ala yaşıl aləm məni. Gözlərimi bir də açıb gördüm o yox, gedibdi o, Pörşələyib ərşə çəkdi köksümdəki naləm məni! Üç günə bax: intizarı ay çəkərmiş, il çəkərmiş, Bu üç günün intizarı eyləyəcək vərəm məni. Mən bir sona bülbüləm ki, ayrılmışam budağımdan, Xan Əsli bir xanımam ki, tərk edibdir Kərəm məni Fəqət günah öz başımda, fəqət günah özümdədir Mən elə bir quşcuğazam, Quzğun çala öləm məni! Sürəyyanın gördüyü şirin bir yuxuda oxuduğu şən mahnı: 171 Çayır çəmənə yaraşır Çaylar çimənə yaraşır, Kamal da mənə yanaşır, Bir görün nə yaraşır! Ay ellər nə yaraşır, Ay güllər nə yaraşır! Süsən süsənə yaraşır, Küsən küsənı yaraşır, Kamal da mənə yaraşır! Bir görün nə yaraşır! Ay ellər nə yaraşır, Ay güllər nə yaraşır! Yüklə 1,51 Mb. Dostları ilə paylaş:
|