Şahlar həSƏNOĞLU
****** ******** *******
Yüklə 1,51 Mb. Pdf görüntüsü
|
| ****** ******** *******
Axşam olanda Tibb institutunun qaldığı binaların qarşısında maşın maşına söykənirdi. Müxtəlif markalı maşınlar valideynlərin, qohumların sosial vəziyyətlərindən, yaşayış səviyyələrindən xəbər verirdi. Baxırdın budur, darvaza önündə qara bir “Volqa” dayandı, içindən geyimli-keçimli toxsun kişi- lər, qadınlar tökülüşdü. Bu “Volqa”nın adamları o birininkinə qarışdı, “Jiqulilərin”, “Moskviç”lərin gətirdiklərinə qarışdı. Siqnal siqnala calandı, darvaza önündə maşınları saxlamağa yer tapılmadı. Öpüşlər, görüşlər, qucaqlaşmalar müəllimlərin gözləri önündə baş verirdi, dolu çamadanlar hamının gözü qarşısında otaqlara daşınırdı. Gətirilən payları qoymağa tələbə çamadan- larında yer tapılmırdı, dəvət olunmuş qonaqlıqlarda müəllim- lərin yeyib içməsinə iştah, həvəs tapılmırdı, sağlıq deməyə başlarında söz tapılmırdı, xahiş olunan tələbələrə icazə verməyə üz tapılmırdı. Əl-ayaq yığılışıb gəlib-gedənlər səkinidikdən sonra tələbələri kino zalına toplayıb institut rəhbərliyinin qrup rəhbərlərinin məlumatlarını dinlədikləri ümumi iclas zamanı kuratorların bəyan etdikləri rəqəmlər də bu gəlib gedən maşınlar, valideynlər kimi rəngarəng, onlar kimi böyük, kiçik idi. Kimi 80-100 kq, kimi 40- 50 kq, kimi də 4-5 kq yığırdı. Qrup r əhbərləri az yığanları tənbeh edib danlamaq istəyirdilər, amma axşam olanda darvaza önündə gəlib dayanan “Vol- qa”ların, onlardan tökülüşən sirli-sifətli, nəcib üzlü adamların “zəhmi” basırsı elə bil onları, kəkələyirdilər ad-familiya oxuyanda, bunların üstündən tez keçib başqalarının üstündə nəfəslərini dərirdilər... Növbəti toplantıdan çıxıb tələbələr həyətə səpələndikdə Adil gördü Zərifə çəpər dibində dayanıb ona baxır, nəsə söz var qızda. Adil bildi xeyir iş olacaq, Zərifənin valideynləri gəlmişdi bayaq. 29 - Dayanın burda, gəlirəm, - deyib qıza tərəf getdi. - Sahibovun dərhal dalağı sancdı: - Pay gəlib, görərsiniz! - Nə bildin? - Qızın duruşuna baxın!.. Adil Zərifəylə qızların olacağına girib az sonra əlində bağlama qayıdıb gəldi: - Musanı tapın! - Nə var bağlamada? - Nə desən var! - Neynirsən Musanı anadanolma günüdü? - A Sahibov, Musasız nə məclis! - Yeznəsi gəlib icazə alıb apardı. - Nəçidi ə yeznəsi? - Qonşu rayonda prokurordu. - Afərin Musa!? Bəs Zahid hardadı? - Qoy gərək göz eləyib qədeşlərindən ayıra biləcəyikmi? Bir azdan tələbələr dördləşib yeyib içməyə yer axtarmağa başladılar. Hara getdilər gördülər tutuldu. Navesin kiçik otağı, bufet, yeməkxana, dəyirman artırması, poçt böyrü, ağac dibləri. fikirləşdilər kəndin içiylə gedib bir xoşsifət adam tapıb onun evində yeyib içsinlər. Elektrik dirəyinin altında işıqlıqda dayanmış 55-60 nömrəli QAZ-51 maşınını görüb Orxan pıçıldadı: - Gəlin çıxaq bu maşının üstünə, oturacağı var yaxşı. - Nə bilirsən? - Bizim kəndin maşınıdı. Belə deyən kimi hamısı maşının kuzasına dırmaşdı. Kuzada oturacaq yeri, hələ üstəlik on-oniki bağ da yonca vardı. Sahibov əlini əlinə sürtüb yonca kiplərindən masadüzəltdi birini də dikinə öz altına qoyub: - Siz skamyada oturun. -dedi. - Az şey bilirsən ha... -Zahid öz dediyi sözə qəşş edib uzun uzadı güldü. 30 Yerbəyer olub süfrə açdılar: nə yoxdu bağlamada! Çolpa qovurması, kotlet, soyutma ət, göy-göyərti, soğan, duz, cürbəcür xarici konfetlər, qoğallar: - Gərək on gün qabaq yox,bu gün anadan olaydım! - Doğrudan bu nədi ə belə: Yerevan konyakı, tut arağı, Russkaya vodka kefdi sən öl! - Mən o qədər vurum burda, Rafael müəllim sabah leşimi göt ürüb atsın avtobusa. -Zahid yenə öz dediyinə uzun-uzadı güldü. Tələbələr bərk ac imiş. Şirin-şirin yeyib içməyə başladılar. Bir azdan harada olduqları da unuduldu. Bir də duyuq düşdülər tərpəndi maşın. Orxan istədi kəndçisini saxladıb qonaq çağıra. - Dəymə, qoy sürsün -Adil dedi, -bu da bir məzədi. Harda duyuq düşsə ordan da qaytarırıq geri. - Adə qaranlıqdı adam ağzının yerin tapmır adə! - G əlin bu badəmizi də içək tanımadığımız bu şoferin sağlığına! - Ta nımadığımız niyə? Adı Nüşürdü, özü də yaman vurandı. - Yox bir alə, onda saxladın, toqquşdurum onunla! Maşın kənddən üç-dörd kilometr o tərəfdə dolaylanan asfalt yola doğru irəliləyirdi. Tələbələrə yamanca kef verirdi bu mənzərə. Küləkləyib sərinlədir, gecənin qaranlığı içində, sayrışan ulduz kalağayısı altında romantik bir hava doldururdu içib duman lanmış başlarına. Zahid də hey çığırırdı: - Saxladın alə, toqquşdurmaq istəyirəm şoferlə! Necə oldu onun adı? Nüşür? İçək Nüşürün sağlığına! - Nüşürün sağlığına! - Nüşürün sağlığına! Tələbələr şofer eşitsin deyə səsləri gəldikcə bərkdən qışqırıb stəkanları bir-birinə toqquşdurmaq istəyəndə yetmişlə gedən maşın qəfil dayandı. Zahid Sahibova guya kəllə vurur muş kimi ona doğru atıldı. Sahibov da öz növbəsində 31 Adilə doğru atıldı. Adillə toqquşub bir-birini saxladılar. Zahid isə ayaqlı başlı yerindın qopub xoşbəxtlikdən kuzaya səpələnmiş yonca kiplərindən biri üstündə bənd aldı. Nüşür kabina yanındakı ayaq yerində durub irişirdi: - Bu nə kələkdə ə belə? Nüşürün maşınında xəlvətcə oturduğunuz bəs deyil, hələ bir doluyursunuz da onu? Bir belə baxın görüm kimsiniz, nəçisiniz? - Bu kəndçin oturdub qağa bizi! - Kimdi ə, o kəndçim? Boy, Orxan? Vay sənin, belə bilsəydim tormuzu yavaş vurardım! - Bir işığa sür, işıqda saxla. Özün də çıx yanımıza! - Ziq xayl, ştandartan fürer... Nüşür maşını yol kənarındakı başında işıq yanan elektrik dirəyi altına sürdü. - Alə söydü diyəsən bu bizə! Nüşür maşını söndürüb kuzaya çıxdı: - Paho dəsgah var ə burda. Nüşürünkün Allah həməşə belə yetirir. Tök görək qağa, iki saatdı dilimə içki dəyməyib. - Hansından istəyirsən alə? Konyak, tut arağı, Russkaya?.. - Üçü də yaxşıdı. Russkaya tök! Sizin canınız üçün doğmaca əmim oğludu bu Orxan. Amma yaman utancaqdı. Heç bilmirəm bu qədeşlərlə necə oturub? - Qədeş kimə deyirsən alə, qədeşik biz? - Bəs nəsüz alə? Toqquşdur gəlsin. Görünür çox danışdığındandı, ya elə danışığı xoşuna gəldiyindəndi. Nüşür üzünü Zahidə tutub danışırdı, stəkanı da birinci onunkuna toqquşdurdu: - Sağlığıma içməsəydiniz, düz aparıb tökəcəydim sizi milisin qabağına. Tutub hamınızı salacaqdılar içəri. Yaxşı qurtardınız! - Nə təhər saldırardın alə bizi, deyərdik tələbəyik, qaçırdıb gətirib bu bizi! - Nədən ötrü qaçırdıb? - Elə belə məzəllik üçün! 32 - Bəs bu araq şüşələri nədə guppusunuz? - O da məzəllik üçün! - Bəs xalxın maşınına niyə minmisiniz xəbərsiz? - Məzəllik üçün! - Salın bunları kepezeyə, məzəllik üçün! - Salmazdılar mən ölüm! - Sən o dijurnu Mərdan kişini tanısan belə deməzsən. Bircə kərə qulağına pıçıldayacaqdım, piyan olub kəndin qızlarına sataşırdılar. Yanınıza-yanınıza döydürəcəkdi o saat. - Alə yox bir alə! - Qədeş, hələ bir de görüm sən niyə belə arıqsan? Sümürüb eləmirsən? - Nə sümürmək alə? - Siqaret, Kazbek, dovşan qığı... - Bu nə danışır alə! - Özünü bicliyə vurma, Bakılı olasan bilməyəsən nəşə nədi? - Alə heç mən Bakılı deyiləm, Lənkəranlıyam! - Yox qağa, lənkəranlılar qıp-qırmızı olurlar. - Alə sən özün elə nəşəxora oxşuyursan ki? - Ziq xayl, ofeder zeyn. Mən nəşəni bundan alıram qağa, tök gəlsin. Adil Nüşürün hər sözünə gülüb qəşş edirdi. O qədər gülmüşdü gözlərindən yaş axıb tökülürdü. Zahid isə hər sözünə əsəbiləşirdi Nüşürün: - Alə yenə söydü bu bizə. - Söyüş dəyil qağa bu, kinodandı. Hələ bir de görüm bu qara gədək oğlan haralıdı? - Sahibovam mən qağa, mənə qadınlardan danış, qadın sərrafıyam! - Heyləmi? Olar, olar, qadınlar elə həmişə sənin kimi qara- qura adamlara yem olurlar. Bəc bu güləyən qardaş hardandı, cırılmasa yaxşıdı bunun qarnı gülməkdən, haralısan əmoğlu? - Mənmi? 33 - Dayan, dalısını tay gətirmə. Gürcüstanlısan. Araq tök a Sahibov ağrın alım! Qadın sərrafı qardaş! Nüğür gürcüstan ləhcəsiylə danışdıqda Adilin gülməyi bir az da şiddətləndi. Nüşür bu stəkanı da vurub Adilə tərəf döndü: - Gülməyə görürəm yaxşısan Gürcüstanlı qardaş. Bir anekdot deyim gül. Bizdə bir Gülmalı var, bu Orxanla bir oxuyub orta məktəbi. Çox da ağızdan partav adamdı. Bir gün dedi dədəmdən on manat çırpışdırmışam, gedək vuraq! Ayınnan-oyundan götürüb, bir araq da alıb maşınnan kənddən ç ıxdıq. Bir taxıl zəmisinin yanında göyçümənlikdə başladıq yeyib içməyə. Yanımızdan kənd əl içi kimi görünürdü. Bu Gülmalı qayıtdı ki, heyf bu yekəlikdə kənddə ikicə kişi var. Dedim: kimdi onlar? Dedi biri sən, biri mən. Dedim yox üçdü. Dedi ikidi. Mən dedim üçdü, o dedi ikidi. Axırda hirslənib qayıtdı: kimdi ə, o üçüncü qurumsaq? Dedim dədən Zillət Gülmalı qaldı boğazı qurumuş. Əlacı kəsilib başladı gülməyə. Nüşür gecə saat onikiyə kimi lətifə danışıb, onlarla yeyib içib 12 radələrində tələbələri gətirib olacaqları yanında düşürdü. Zahid ayaq üstə dayana bilmirdi. Nüşür Adilə baxıb dedi: - Gürcü qardaş, bunun tək bircə çarəsi var, boynundan tutub b aşını salasan arxa. O saat ayılacaq. Dədəm heylə çox ayıldıb məni. Tut bas suya. Kabinaya mindirdiyi "əmoğlusu" düşmək istədikdə dizindən basıb qoymadı. "Sabah tülkü yerindən durmamış səni burda eliyəcəm, düşmə" -deyib maşına qaz verərək uzaqlaşdı. Yüklə 1,51 Mb. Dostları ilə paylaş:
|