Şahlar həSƏNOĞLU
****** ****** ******
Yüklə 1,51 Mb. Pdf görüntüsü
|
| ****** ****** ******
Bir həftə sonra Sürəyyanın adına bir məktub gəldi. Konvertdə göndərən şəxsin nə ünvanı, nə adı-familiyası yazılmışdı. Sürəyya şübhlənib istədi heç oxumamış cırıb ata, sonra fikirləşdi bu da bir əzab qaynağı olacaq ona. Bir də kim biləcək oxuyub, ya heç oxumayıb? Məktubun konvertini cırıb, çox səliqə ilə, olduqca gözəl bir xətlə yazılmış məktubu oxumağa başladı: “Sürəyya! Mən düşünəndə Sürəyyaya məktub yazıram, elə bu düşüncədən bütün ruhum, varlığım titrəyir, axı Sürəyya adı mənim üçün bu dörd il ərzində adi bir qız adı olmaqdan çıxıb bir səcdəgah, bir qibləgah bildirən məhfuma çevrilmişdir!”... Sürəyya məktubu iki bölüb masanın üstünə atdı, lakin daha kiçik parçalara cırıqlamağa ürəyi gəlmədi, nəsə elə bil məktuba doğru çəkməkdəydi onu. Fikirləşdi Elçin yazmış olacaq, onunçun iki bölüb masa üstünə atdı. Bir az düşünüb yenə məktubu əlinə götürərək bir-birinə calaşdırdı: “görsün nə yazır bu nadan, görsün necə dəyib ona o günkü hərəkəti?” “C ırmayın məktubu Sürəyya, çox xahiş edirəm son nöqtəsinədək oxuyun bu məktubu. Axı siz heç vaxt onu yazanın kim olduğunu bilməyəcəksiniz, bəlkə heç görməmisiniz də onu? Mən heylə siz deyən gözəgəlimli, boy-buxunlu bir oğlan da deyiləm görükəm gözünüzə. Indiki qızlar oğlanlarda gözəl 199 boy- buxun, şöhrətli-şanlı ata-ana, mal-pul axtxrırlar. Məndə bunlardan heç biri yoxdur, boyum balaca, cılız bir oğlanam, b aşım bədənimə görə bir az iri, zəkam gövdəmə görə bir az samballıdı. Bir məhəbbət məktubu yazmıram mən sənə, baxmayaraq sevirəm sizi, bütün yer üzü gözəlliklərinin ən gözəli bilirəm sizi, bütün yer üzü nəşələrinin ən üstünü, ən idealı, ən əlçatmazı bilirəm sizi və yəqin də bütün ömrüm boyu belə də biləcəyəm. Axı bir mən deyiləm sizə belə vurulan bənd olan, çoxları var mənim kimi. Lakin onların duyğusu mənim duyğularımca deyil, onların sevgisi mənim sevgimcə deyil. Özünüz gördünüz onlardan birini. Elç in gəlib bizə deyəndə ki, Sürəyya ilə görüşümüz var, başqa yoldaşlarımı bilmirəm, elə bil qayalar- daşlar guruldayıb uçdu üstümə, həyat bircə anda gözlərimdən düşdü, gözəllik, incəlik, qadınlıq iyrənc bir həşərata dönüb sinirlərimi cırmaqladı. Lənət olsun dedim hamısına, gözəlliyə, sevgi-məhəbbət duyğularına, qadınlığa, qızlığa! Ən gözəl qız-qadın obrazı deyəndə siz gəlib durardınız gözlərim önündə, mən də inanardım, etiqad edərdim bir qız gözəlliyinə, sədaqətinə, vəfasına, ağlına. Indi mənim ideal bildiyim o qız bir alçağın, qızbazın, pullunun birilə görüşə çıxacaqdı, ona könül verəcək, onun ağuşuna atılacaqdı, atasının ad- sanına, özünün gözəl formasına, boy-buxununa al olacaqdı! Lənət olsun o qıza dedim, lənət olsun qadınlığa, şan-şöhrət, pul düşkününə, bər-bəzək aludəçisinə, dedim. Içimdə elə bir sarsıntı oyanmışdı, titim-titim titrəyirdim. Amma nəsə bir ümid də yanırdı qəlbimdə, Elçinin yalan söylədiyinə, Elçinin müvəffəqiyyətsizliyinə, bir ümid də yanmadaydı içimdə. Siz bilmədiniz Sürəyya mən evinizdən çıxıb hələ əyninizə ilk dəfə geydiyiniz o yaşıl donunuzla ta kino-teatra gedincəyədək qarabaqara izlədim sizi. Içimdəki o iyrənc sarsıntıları necə çatdıra bilərəm sizə? Axı siz heç vaxt keçirtməmisiniz bu hi ssləri, heç vaxt keçirməyəcəksiniz də, necə başa düşərsiniz siz məni? Elçinə qoşulub parka sarı yönəldiyinizdə elə bil gözlərim içində yaxtikan ocağı çatılmışdı, ruhum, varlığım, 200 zəkam titrəyirdi, yanırdı. Elə bilməyin Elçinə bəslədiyim həsəddəndi bu, ya paxıllıqdandı, yox, o nə vücud yiyəsidir paxıllığım tuta ona, həsədim tuta. Boş bir formadı o, saxta bir göz əllikdi, heçlikdi o. Əgər sizi də belə bir gözəllik hesab elə- səydim, içdən sarsılıb titrəməzdim. Amma siz mənim gözümdə bir gözəllik, ülvilik timsalıydınız və belə bir ülvilik timsalınin qəfil bir fitnəylə, Elçin tərkibli bir katalizator vasitəsiylə birdən-birə belə bir puçluğa, heçliyə çevrilməsi öldürürdü məni. Elçin sizin əlinizi əlinin içinə alanda mənə də bir tabut lazım idi, qaraca bir tabut, iç inə qoyub qəbrstanlığa aparaydılar! Elçin sizin kürəyinizi açıb baxanda, mənə bir yuyucu gərəkdi, gəlib ölmüş bədənimi yuyub, təmizləyib dəfn etməyə aparaydı. Elçin dodaqlarını sizin kürəyinizə yapışdıranda, mən də elektrik ölüm kürsüsünə yapışdırılmışdım! Ağacın daldasına qısılıb sizi güdmüş olsam da, ruhum ölüm kürsüsünə bağladılmışdı, milyon voltlu bir gərginlik yandırıb külə döndərməkdəydi varlığımı. Birdən siz o sorğunuzu sordunuz: təsvir elə o kürəyi. Necə ürəyimcəydi bu sorğu! Dərhal dirildib cana gətirdi bu sorğu məni, duydum dərhal o sorğudakı ülviliyi, ucalığı, qüdsiyyəti. Amma yenə titrəməkdəydi bədənim, əsmədəydi vücudum: A llahın işinə bax, gör kimə verilir bu ülvi sorğu, gör kimdən sorulur! Nə biləcək o ağzı otlu heyvan bu sorğunun mənasını, nə tapıb deyə biləcək? Kaş mənə veriləydi o sorğu, kaş məndən soruşulaydı! Heç baxmayaydım da mən, yumub sarıtlayaydılar da gözlərimi dolama keçə sarıqlarla, dəmir örtüklərlə, qurğuşun kubiklər izolyasiyalarıyla, sarıtlayaydılar gözlərimi belə qaranlıq, görməməzlik içində Sizin kürəklərinizi təsvir eləməyi soruşaydılar məndən! Fəqət bu heyvan nə deyə biləcəkdi? Heyvanın dünyadan ən çox aldığı həzz yeməyidir Sürəyya, "yeməlidi" söylədi Elçin! Öz xislətini açıb bildirdi, öz duyğisunu dilə gətirib söylədi. Və onda siz öz sözünüzü dediniz: “ ayı, canavar, it yeyər adamı” söylədiniz! Xislətini açıb bir kino bileti kimi üzünə çırpdınız onun. Dünyanı dəyişdirdiniz gözlərimdə Sürəyya, gözəlliyi, qadınlığı, qızlığı 201 ucaldıb yüksətdiniz gözlərimdə! Gözəlliyə, qadınlığa, qızlığa sarsılmaz bir inam yaratdınız məndə, qız ağlına, qız sədaqətinə, q ız vəfasına sönməz-uçurulmaz bir inam yaratdınız! Sizə məktubu da elə buna görə yazdım. Indi bilmirəm necə imza qoyum özümə. Xəyali bir ad yazacağam özümə Sürəyya, özümün özümə qoyduğum xəyali bir imzayla bitirə- cəyəm məktubu: sizi bütün varlığıyla sevən Kamal.” Bir həftə gecə-gündüz ağladı Sürəyya. Bu sonuncu sözə görə, bu xəyali ada görə ağladı. |