Şahlar həSƏNOĞLU
***** ***** *****
Yüklə 1,51 Mb. Pdf görüntüsü
|
|
***** ***** ***** Səhər saat 9 çatacağında 55-60 nömrəli bir QAZ - 51 maşın gəlib müalıcə-profilaktika fakültəsinin qaldığı uşaq bağçası qarşısında dayandı. Maşından, arıq, göygöz, üzünü tük basmış sarılığı-qaralığı bilinməyən 30-35 yaşlarında gülümsər bir şofer, bir də 22-23 yaşlarında başına yekə çil-çil kepka qoymuş, sarışın-qırmızı yanaqlı ucaboy bir oğlan düşdü. Oğlan dar vazadan içəri girib binaya sarı gəldikdə iki cavan qız gülüşə- gülüşə onun qarşısına çaxdı: - Boy ə Orxan, niyə getməmisən işə? - Bəs siz niyə getməmisiniz? - Qardaşım gəlib. Bir azdan aparacaq. - Mən də kənddən gəlirəm. - İcazə almışdın? - Yox səs salma. - İşın fırıxda onda. 41 Şofer gördü söhbət uzandı, darvazadan girib irişə-irişə tələbələrə sarı gəldi: - Ziq xayl xanımlar. Bizim əmoğlu axşam bərk vurmuşdu, gördüm burd a qalsa biabırçılıqdı, aparıb kəndə ayıldıb indi gətirirəm. - Boy, sağ ol Orxan, sən də pozuldun ə? - Səfehləmə Natella, sən Nüşürü tanımırsan? - Bu ölsün xanımlar bu gecə əlataş eləyib məni. Başına bir bojqa su töküb güclə atıltmışam. Dost doğma əmim oğludu, yalan deyərəmmi? Baxın, heç dünənki paltarıdı əynindəkilər? - Sən öl sübutnu deyir! - Yaxşı, ay Natella, bilmədin bizimkilər hansı sahəyə getdilər? - Yenə o göygöz Məhəmmədin sahəsinə. - Yaxşı, biz getdik Nüşür! Orxan bunu deyib maşına doğru qaçdı. Nüşür hələ bir az daqalıb qızları maraqlandırdı. - Canlara dəyən oğlandı. Zarafat eləyirəm heylə. Utandığından qaçıb getdi. Nə qədər eləyirəm ayılmır bacıqızı, yatılıdı hələ! - Hə, çox utancaqdı dayı! - Axmaqdı də, heç belə gözəl qızlarla oxuyub utanar adam? - Belə də kefkom əmisioğlu ola-ola! Lakin "əmisioğlu" siqnalı peydərpey basırdı. Nüşür kön ülsüz də olsa qızlardan ayrılıb gəlməli oldu. Mühərriki işə salıb qızlara baxa-baxa maşını kənd yoluna çıxardı. Nüşürün tülkü yerindən dutmamışı gəlib oldu beləcə saat 9. Orxan kənddə saat beşdən oyanıb onu gözlədi. Nüşür yalnız saat 8-də gəlib çıxdı. Orxan qaşqabağını töküb gileyləndi: - Ay Nüşür nə təhər adamsan, demirdin lap tezdən durub gələcəksən? - Başın sağ olsun həkim, eşitməmisən şoferlərə yetmiş üçüncü millət dediklərini? Düz söz olar şoferlərdə? 42 Orxan da bundan sonra bir söz deməyib maşına oturdu. Bütün yol boyu Nüşür məzəli lətifələr danışıb onu güldürmək istədi. Amma Rafael müəllimin sir-sifəti gəlib gözləri önündə durunca gülüşü üzündə donub qalırdı. İndi də elə onu fikirləşirdi görən nə desin müəllimə. - Qağa bu qızlar sənnən oxuyur? -Nüşürün sorğusu fikrindən ayıltdı onu. - Mənnən oxuyurlar. - O ağ-appaq qız da? - O da. - Yaf elə bir sinifdə? - Bir sinifdə. - Heç bir skamyada oturmusan onunla? - Oturmuşam. - Vay dədə vay! Bəs nə təhər dinc durmusan, həkim? - Şofer deyiləm ona görə. - Demək şofer vələddüzzinadı, həkim? - Yox, heylə demədim. - Heylə dedin, həkim! Nüşür buralara yaxşı bələddi. Düzdü, onların kəndi qonşu rayonun qonşu kolxozunda yığırlar. Nüşür də avrallara xidmət eləməlidi. Ancaq Nüşür də öz bildiyində, öz çal-çapındadı. O dildə ondadı nə təhər olsa çıxacaq işin içindən. Amma elə bil çox getdilər. Həmişə heç on beş dəqiqə keçməmiş çatırdılar. Nüşür isə hələ yol getməkdədi. Həm də bir asfalt yola düşüb asfaltla gedirlər, Məhəmmədin sahəsinə isə heç vaxt belə asfalt yolla getməyiblər. - Ay Nüşür elə bil çox getdik axı? Bu nə asfalt yoldu belə? - İndi mənə tanıdacaqsan Məhəmmədin sahəsini? Əlbbətdə düz deyir. Hərləyib farlayıb onda görəcək Məhəmmədin sahəsinə gətirdibdi onu. Daş yola düşəndə lap arxayınlaşdı. Bu yolla da bir 3-4 km getmiş Nüşür sol tərəfdəki artezianı göstərib dedi: 43 - Bax, bu artezianı yaxşı qadında saxla! - Nədi ki? - Sonra bilərsən! Bu neyləyir belə? İndi də bir kənd içinə girdi. Əyri-üyrü yollarla kəndin içindən keçib bir narlığa çıxdı. Narlıqdan keçib maşını saxladı: - Çatdıq, di düş! - Burda heç pambıq sahəsi var, haradı bura? - Necə yoxdu? Bəs niyə düşürürəm səni? - Var, niyə görünmür? - Düş çıx o dikin başına, görəcəksən! Orxan maşından düşüb dikə sarı aralaşcaq Nüşür arxadan səsləndi. - Bayaq göstərdiyim artezian vardı ha, Məhəmmədin sahəsi oradı, həkim. Şoferləri bic-bəzzat sayırsan, di piyada qayıt get! Bunu deyib Nüşür damaq ilə qımışıb qazı basdı. Maşın ardınca qalın toz burulğanı qaldıra-qaldıra gözdən itdi. Orxan bilmədi gülsün, bilmədi acıqlansan, üzündə hər iki hissdən qarışıq, kəndə doğru yola düşdü. Onsuz da ona olan olubdu, axşam Rafael müəllim ağzının bütün zəhərini tökəcək üstünə. Bu düşüncəylə xeyli getmiş gördü arxadan içi qızlarla dolu bir yük maşını gəlir. Qızlar çapan çalıb oynaşır, oxuyur, qışqırışırdılar. Onu görüb heç qamaşmadılar da. Maşın gəlib yanından keçəndə şoferə əl elədi onu da götürsün. Şofer mənalı-mənalı gülümsünüb sürəti kəskin azaltdı. Lakin oxuyub oynamaqlarını dayandırmayan bu qızların yanına qalxmaq gülünc vəziyyətə özünü salmaq demək idi. Yüyürüb kabinənin qalxa cağında dayanaraq orda getmək istədi. Elə maşına çatmaq üzrə olanda onun yüyürüşünə maraq götürmüş qızlar birdən... pamidor, qoza ilə atəşə tutdular onu. Qaçıb güclə özünü narlığa sal a bildi. Şoferin mənalı gülüşünün səbəbini indi anladı. Üst- başı abirdan çıxmışdı, papağından, yaxasından, çiyinlərindən pamidor suyu axıb tökülürdü. Yaylığını çıxarıb yola qayıda- 44 qayıda onları təmizlədi. Bu vaxt arxadan bir maşın da göründü, onun arxasınca da bir maşın. Hər ikisi də çalıb oynaşan qızlarla dolu. İstədi qaçıb narlığa girsin, sonra fikirləşdi niyə axı? Bayaq günah özündə oldu, çalıb oynaşan qızlara baxıb istehza ilə gülümsündü, həm də yüyürüb maşına minmək istədi. Bu dəfə heç dönüb baxmayacaq, maraqlanmayacaq da qızlarla, daha niyə daşa bassınlar onu? Belə də etdi. Qabaqkı maşın artıq ötüb keçmişdi, arxadakı maşın isə yetirha-yetir idi. Birdən bir fit verildi, istər-istəməz qayıdıb baxanda yekə bir pomidor başına dəyib kepkasını başından saldı. Əyilib kepkanı götürüb qaçana qədər iki maşın qızın atəşi arasında qaldı. İmkanı da olmadı barı yerdən bir kəsək götürüb onlara ata. Medtexnikumun qızlarıydı bunlar, haqlarında eşitmişdi, ancaq inanmamışdı deyilənlərə, indi özü şahid oldu. Deyirdilər qızları aparan maşın yolda görünəndə hamı qaçıb aralaşır yoldan. Gərək o da belə edəydi. Bir dərs olsun ona. İndi üst başını dəsmalla təmizləyə-təmizləyə bir gözü elə geridəydi, qorxurdu bir maşın da gələ. Doğrudan da heç yüz addım yol getməmiş arxadan bir maşın da göründü. Bu dəfə cəld qaçıb özünü narlığa saldı, istər-istəməz cır nardan qırıb ciblərini doldurdu, bir əlinə də bir yekə nar aldı. Bu maşın da qızlarla dolu idi, ancaq bunlar çalıb oynamırdılar. Hə, bunların arasında bir neçə oğlan da var, yəqin ona görədi. Hər halda ötən maşınların hayıfını bunlardan çıxmaq lazımdır. Belə düşünüb əlindəki narı var gücü ilə maşına fırlatdı. Nar deyəsən yönü o yana dayanmış qızlardan birinin kürəyinə dəydi. Elə o an da maşından "vay, ana öldüm!"-deyən bir çığırtı qopdu. Döyüb maşını saxlatdılar. Oğlanlar maşından təkülüşdükdə Orxan qaçıb narlığın dərinliklərində gizləndi. Görünür onu görməmişdilər. Bu işi də yəqin nadinc kənd uşaqlarından bilib ciddi hesab etmədilər. Bir azdan maşın yenə yola düzəlib getdi. İndi Orxan özü də pərt olmuşdu. "Vay ana, öldüm!"- deyən qızın o çılğın çığırtısı qulaqlarından getmirdi.Lap uşaq işi gördü. Gərək nayılıq eləyən qız uşaqlarına qoşulmayaydı. 45 Ara sakitləşən kimi yola qayıdıb orada arx suyu ilə üst- başını təmizləyərək yenə kəndə doğru üz qoydu. Yolun döngəsinə çatanda eşşək arabası sürən bir qocayla qarşılaşdı. Papağının pomidorunu təmizləyən qarayanız, çopur kişinin daz başının ortası qıp-qırmızı idi: pamidorun dənələri görünürdü başında. Orxanı gülmək götürdü: demək bu kişini də onun kökünə salıblar! Kişi də başını qaldırıb ona baxınca kişini gülmək götürdü: - Ay oğul, səni də bu üzü tökülmüşlər salıb bu hala? - Hə əmi! Mərifət var onlarda? heç sənin kimi ağsaqqala hörmət qoymayıblar, mənə qoyacaqdılar? - Qızışıb onlar bala, nə qanırlar ağsaqqalı-qarasaqqalı? Cəhənnəm vurmaqları ey, oğul, bu qarayaman dəymiş hürkdü özünü arxa verib addamaq istəyəndə təkər düşdü arxa, araba yanı üstə aşdı, cağın üstündən yerə gəlib diyirlənib düşdüm kolun dibinə. Eşşək də orda əvədək, di qoymurlar da qalxıb arabanı düzəldəm. Maşının biri ötür, biri gəlir. Canın haqqı oğul açıq başıma o qədər pomidor çırpıblar, bir bax! Pah atonnan, elə bil tüpüydülər gəlib keçdilər! - Məni səndən də pis abıra salıblar, bax! - Can- can, bala, görürəm! - kişini yenə uğunmaq götürdü. - Bəs, mən arabadaydım qaça bilmədim ay oğul, sən cavan oğlansan, nə olmuşdu sənə, qaçıb canını qurtara bilmirdin? - Aldatdılar məni, əmi, maşını saxlatdılar guya məni də götürələr. Mən də bilmədim, yüyürdüm minəm, basdılar daşa. - Kələyə bax ey üzü tökülmüşlərdə! Hi-hi-hi. Pah atonn an, zamanıya bax, qız uşaqlarına bax! Kişi uğunub keçə-keçə sürüb addadı. Orxan üst- başını təmizləyə-təmizləyə yola düzəlib bir azdan kənd aralığına gəlib çatdı. İdarənin qabağında dayanıb sahələrə gedəcək bir maşın axtardı. Nəinki maşın, heç adam da görü nmürdü aralıqda. Barı bir qocadan, uşaqdan da yoxdu Məhəmmədin sahəsini soruşa. Özü də bura indiyədək onun görüb tanıdığı kəndlərdən heç birinə oxşamırdı. Hara gətirib 46 çıxarıb onu Nüşür? Yarım saatdan artıq gözləyib gördü bir gəlib gedən yoxdur, daş yola çıxıb elə belə, hara gəldi yola düşdü. Kənddən çıxhaçıxda arxadan bir QAZ-51 maşın gəlib, əl qaldıracaq onu da götürdü. Şofer dedi elə Məhəmmədin sahəsinə gedir. Bayaq Nüşür göstərdiyi arteziana çatıb şofer sağa döndü, böyük bir tarla içinə girərək tarlanı başdan ayağa qədər iki yerə bölən torpaq yola çatıb indi də üzü aşağı sürdü. Bu yolla da iki- üç kilometr irəliləyib tarlanın lap ortasında maşını saxladı: - Bax bura Məhəmmədin sahəsidi, düş burda, axtar gör hansıdı sizin adamlar. Budu ey, avraldı hər tərəf. Belə deyib şofer sürüb getdi. Orxan göz işlədikcə uzanan böyük bir tarla içində qaldı. Dörd bir tərəfdə pambıq yığan adamlar görünürdü. Tələbələr olacağı güman edilə bilən sol tərəfdəki topanı nişan alıb oraya doğru irəlilədi. On beş-iyirmi dəqiqə gedib gördü orta məktəb uşaqlarıdı bunlar, daha bu tərəfə getməyin faydası toxdur. Geri qayıdıb indi də o biri toplara doğru getməyə də könlündə həvəs duymadı. Bir də gəlib bu dayandığı yerdə hədsiz pambıq vardı. Xoşu gəlib yığıb toplamağa başladı. Bir fartuq qərarı yığıb üstündə oturdu. Hava olduqca xoş, ətraf olduqca gözəl idi. Gecə heç dörd saat yata bilməmişdi, bədəni əzgin, yorunuq olduğundan altındakı pambığı sərələyib arxası üstə uzanaraq dincini almaq qərarına gəldi. Pambıq şaxları o qədər hündür idi, üstünə əməlli-başlı kölgə salırdı. Ətrafda dinc bir sakitlik uyumuşdu. Göylərin səssizliyi daha dərin, daha dibsiz olub həm də daha baxmalı idi. Adamın gözlərini zümrüd dərinliklər içində itirib batırır, yerlə göyün bitişgəklərinə doğru hərləyərək ağ-boz tozanaqlıqlar içində gəzdirirdi. Göyün lap o yuxarılarında, zümrüd göylüklər- yaşıllıqlar peşində qanad gərib yellənişən quşlar görünürdü, bir qədər aşağılarda, bərilərdə adicə boz sərçələrin tələsik, qorxulu uçuşları göz dəlib keçir, o lap yuxarılardakı qanad gərib gər-gər süzüşən zövqlü quşların göz çəkib aparan ləzzətli uçuşları önündə sərçələrin bu səksəkəli uçuşlarına adamın ürəyində 47 dərincə bir təəssüf hissi oyadırdı. Göylərin zümrüd dərinliyi duruluq gətirdi Orxanın ruhuna, yüksəkliklərdə qanad gərmiş zövqlü quşların uçuşları şairanə duyğular gətirdi, hər şey yadından çıxıb sonsuzca bir sakitlik, dinclik aləminə qovuşdu. Elə bil strelizə ovqatlıydı göylər, beyində, başda dolanan alaşıq-dolaşıq duyğuları, düşüncələri silib təmizləyirdi beyindən-başdan, sonra da özü kimi yamyaşıl, ip-iyi, bəm- bəyaz duyğular, düşüncələr çözələyib gətirirdi. Bir azdan Orxan artıq çəkisini, ağırlığını da duyub hiss edəcək deyildi, elə bil göylərin zümrüd ənginlikləri çəkib aparmışdı çəkisini, ağırlığını, göylərdə dolaşan o zövqlü quşlarca yüngül, o ağ pambıq buludlarca yumşaq bir hissiyyat doldurmuşdu varlığını, hafizəsini. Sonra bunlar da qeyb olub şirincə bir yuxu apardı onu. Yüklə 1,51 Mb. Dostları ilə paylaş:
|