Samarqand iqtisodiyot va servis instituti

5.3. Talabaning bank faoliyati bilan tanishuv amaliyoti o‘tish davridagi vazifalari.

Bank faoliyati bilan tanishuv amaliyotini o‘tish davrida talabaning burchlari quyidagilarda namoyon bo‘ladi, ya’ni;
- bank faoliyati bilan tanishuv amaliyoti o‘tishda taqvimiy ish rejasida keltirilgan ish turlari va mavzu yo‘nalishlariga, ular uchun ajratilgan muddatlarga rioya etishda;
- institut yo‘llanmasi bo‘yicha birkitilgan sub’ektga belgilangan muddatda yetib borish, rahbariyatni bu haqda bildirish orqali ro‘yxatdan o‘tish va bank faoliyati bilan tanishuv amaliyoti o‘tish maqsadida ruxsatnoma olishda;
- amaliyotdan tayinlangan rahbar bilan amaliyot ob’ekti va mavzulari, amaliyotni o‘tish joylari bo‘yicha taqvim rejasini tuzishda;
- amaliyotdan tayinlangan rahbar bilan shu bankning barcha bo‘lim boshliqlari va ularning vazifalari bilan tanishishi ularning ishini o‘rganish haqida ma’lumotlarni kundalik daftarida ro‘yxatga tushirish va rasmiylashtirib borish (1-ilovada keltirilgan shakl asosida). Shuningdek alohida amalga oshiriladigan ishlarni kundalik asosida yuritishda;
- ichki tartib qoidalariga rioya etishda amaliyot xodimlari kabi huquq va mas’uliyatga ega bo‘lish. Amalga oshirgan ishlari yuzasidan javobgar bo‘lishda;
- istisno tariqasida kuzatuvchi sifatida amaliyot xodimlari bilan nazariy ishlarda ishtirok etish (buyruqsiz) va nazorat natijalari bo‘yicha dalolatnomalardan nusxa olish va hisobotga ilova qilishda;
- kredit, kassa va hisob – kitob munosabatlarining shakllantirilishi bilan bog‘liq operatsiyalar va hisob – kitoblar amalga oshirilganda, unda bir nusxa hisobiga ilova qilish, agar maxsus shakllar bo‘lmagan taqdirda uning nusxasini mustaqil qo‘lda chizish va to‘ldirilishda;
- mustaqil ravishda amaliyot faoliyatini tashkil etuvchi hujjatlar bilan tanishishda (yo‘riqnomalar, tavsiyalar va hokazolar) hisob kitoblarni o‘rganish orqali mustaqil fikr yurgizishda;
- bank faoliyati bilan tanishuv amaliyotini o‘tish davrida ilmiy rahbar bilan uchrashishi va u bilan amaliyot doirasida yechilishi qiyin muammolarni muhokama qilishda va hisobotni yozilish strukturasi bo‘yicha qo‘shimcha maslahatlar (ko‘rsatmalar) olishda;
- bank faoliyati bilan tanishuv amaliyotining tugatilishi bilan talaba tomonidan yozilgan va tartibga keltirilgan yozma hisobotiga amaliyot rahbaridan taqriz olishda;
- bank faoliyati bilan tanishuv amaliyoti hisobotini belgilangan muddatda ilmiy rahbariga ko‘rsatish orqali kafedraga taqdim etishda.
Talaba bank faoliyati bilan tanishuv amaliyoti dasturida qayd qilingan mazular yuzasidan bank muassasasida mavjud bo‘lgan va bank siri sirasiga kiritilmagan ilmiy adabiyotlar, hisobot hujjatlari va boshlang‘ich hujjatlar tanishish huquqiga ega. Tanishish uchun olingan hujjatlar majburiy tarzda qaytarilishi lozim.
Barcha talabalar bank faoliyati bilan tanishuv amaliyoti boshlangunga qadar «Bank ishi» kafedrasidan tegishli tartibda rasmiylashtirilgan yo‘llanma, kundalik va uslubiy qo‘llanmani olishlari kerak. Amaliyot bazasiga yetib borgunga qadar uslubiy qo‘llanmada ko‘rsatilgan barcha topshiriqlar kundalikka kiritiladi. Talabalar amaliyotni o‘tish tartibi va amaliyot joyida texnika xavfsizligi masalalari bo‘yicha instruktaj olishlari shart.
Shuni ham e’tiborga olish kerakki, bank faoliyati bilan tanishuv amaliyoti hisobotining yozilishi bilan, uning sifatiga berilgan amaliyot rahbarining xulosasi, kundalik daftariga imzo va muhr bosilishini, talaba haqidagi tavsifnoma (bo‘lim rahbarining imzosi bilan) ish ham hisobot bilan birga kafedraga taqdim etish shart.
Hisobotda amaliyot o‘tilgan bank va/yoki uning filiali tomonidan bank faoliyati bilan tanishuv amaliyoti o‘tishi to‘g‘risidagi buyruqdan ko‘chirma bo‘lishi lozim.
Shuni ham e’tiborga olish joizki, talaba taqvim ish rejasida ko‘rsatilgan mavzular bo‘yicha bank faoliyati bilan tanishuv amaliyoti o‘tishdan oldin, institutda shu mavzuda ilmiy rahbar tomonidan olgan maslahatlarni, o‘rgangan dars materiallarini ko‘zdan kechiradi, undan so‘ng bank faoliyati bilan tanishuv amaliyoti dasturi bilan tanishadi. Yangi ko‘rsatmalar bo‘lsa uni o‘z e’tiboriga oladi, so‘ng bank faoliyati bilan tanishuv amaliyoti boshlab yuborishga ilk qadam qo‘yadi. Bank faoliyati bilan tanishuv amaliyoti o‘tish dasturidagi mavzular bosqichma-bosqich o‘rganib borilishi bilan birgalikda, har bir bosqichdan so‘ng talaba bank operatsiyalariga taalluqli hisob-kitoblarni, ularning to‘g‘riligini tekshirish, usullarini amaliyotdan tayinlangan rahbari yordamida o‘rganib boradi va olgan saboqlari haqida o‘zining xulosa va takliflarini yozma ravishda o‘z hisobotida yoritib boradi va zarur hujjatlar bilan uning tarkibiy qismlarini o‘zaro bog‘lash orqali rasmiylashtiradi.