2.12. Qiymətqoyma (Pricing) Hər bir malınız və ya xidmətiniz üzrə qiymətlər cədvəli hazırlayın. Bunu etməmişdən əvvəl rəqiblərinizin qiymətлярini öyrənmək zəruridir. Potensial müştərilərdən sorğu alıb və sizin mal və xidmətlərinizi hansı qiymətə ödəyəcəklərini müəyyənləşdirmək çox vacibdir. Ancaq öz mal və xidmətlərinizin dəyərini müəyyənləşdirdikdən sonra son qiymətlərinizi tə`yin edə bilərsiniz.
2.13. Gələcək satışlar (Future sales) Sonrakı iki ilin hər ili üçün mal və xidmətlərin proqnozlaşdırılan satış həcmi üçün cədvəl qurun. Öncəgörmənin üç növünü qurmaq zəruridir: nikbin, bədbin və daha real. Bu cədvələ malın qorunması xərcləri də daxil edilir. Bu məlumatlar bölgədə malın və ya xidmətin hər növü üzrə ümumi potensialı xarakterizə edəcək. Bu cədvəl həm də sizin bazarda tutacağınız real payı göstərəcəkdir. Bu mə`lumat satışın proqnozlaşdırılan tam həcmini tə`min etməkdən ötrü bazarın yüksəlmə dərəcəsi üzrə sizin fərziyyələrinizlə uyğunlaşdırılmalıdır. İnflyasiya nəticəsində əmələ gəlmiş yüksəliş ilə həqiqi, natural vahidlərlə ölçülən yüksəliş arasındakı fərqi nəzərə alın. Əmək haqqı və e`zamiyyət məsrəfləri də ticarət xərclərinə daxil olmalıdır.
