2.14. Ticarətin təşkili (Sales Organisation) Planlaşdırdığınız ticarətin istifadə etmək üçün təşkili formasını təsvir edin. Siz satışınızın təşkilində rəqiblərinizin fəaliyyətini nəzərə ala bilərsiniz. Buna görə də rəqiblərinizin istifadə etdiyi ideyalardan da üstün ideyalara malik olsanız belə onların necə işləmələrini anlamaьыnız zəruridir.
2.15. Müştərilərin təhlili (Customer Analysis) Bu bölmədə siz təklif etdiyiniz mal və xidmətlərin (və ya oxşarlarının) alınmasında, sizin fikrinizcə, müştərilərin rəhbər tutduğu əsas meyarları təhlil edəcəksiniz. Xidmətlərin hər ayrıca növü üzrə hər müştəri qrupunun əsas meyarları hansılardır? Siz bu meyarları öz şəxsi təcrübəniz vasitəsilə də tapa bilərsiniz. Amma sizin ehtimalınızın təsdiq edilməsi daha da yaxşı olardı. Buna görə də, müştərilərin müxtəlif qrupları arasında sorğunun aparılması onların sizin ehtimalınızca hərəkət edəcəklərini aydınlaşdırmağa imkan verəcək. Siz təəccüblənə bilərsiniz ki, niyyətiniz müştəriyə necə də asan aşılanır. Amma biznesə uğur gətirən şey müştərinin niyyətini anlamaqdır.
Alış meyarlarına qiymət, keyfiyyət, məhsulun daşınması (çatdırılması) müddəti və e`tibarlılığı, müdirlərin və satıcıların peşəkar səviyyəsi, üslub, mal və xidmətlərin çeşidinin müxtəlifliyi daxildir.
