1787-ci ildə general Burnaşov və gürcü çarı İrakli rus qoşunlarının müşaiyəti ilə Gəncəyə daxil oldular. Şuşa qalasından qaçmış məlik Məcnun və məlik Abov dərhal Burnaşovun və İraklinn yanına yollandılar. Onlar ümid edirdilər ki, verilən vədlərə uyğun olaraq, kömək gələcək və hər iki məlik yenidən öz təbəələrinin başına dayanacaqlar. Həqiqətən də knyaz Orbelianinin rəhbərliyi altında dörd minlik qoşun əmrə müntəzir dayanmışdı.
Lakin həmin 1787-ci ildə ikinci rus-türk müharibəsi başlandı və general Burnaşov gözlənilmədən öz batalyonu ilə Rusiyaya qayıtmaq əmrini aldı. Nəticədə də Burnaşov və İrakli verdikləri sözü yerinə yetirə bilmədilər. İrakli rus ordusu ilə Tiflisə döndü. Köməkdən məhrum olmuş məlik Məcnun və məlik Abov da onunla birlikdə getdilər.
