| Birbaşa yerində hüquqi yardım
Biz şikayətçilərin gəlib bizə şikayət etməsini gözləmirik, biz şikayətçilərin ayağına gedib yerlərdə görüşməyi üstün tuturuq. Bu səbəbdəndir ki, 9 mart 2017-ci ildə AŞT Gəncə ofisi Şəmkirin Könüllü kəndində hüquqi yardım sessiyaları təşkil etmişdir. Auditoriyanının suallarını cavablandırarkən, Vətəndaşların Müraciəti haqqında qanun, eləcə də Azərbaycan Cinayət Məcəlləsində korrupsiya hüquqpozmalarını nəzərdə tutan cəzalar daha ətraflı müzakirə edilmişdir.
12 Aprel 2017-ci ildə AŞT-nin Quba ofisi Azərbaycanın Siyəzən rayonunun 3 nömrəli orta məktəbinin işçi kollektivinə hüquqi yardım sessiyaları təşkil etmişdir. Sessiyada auditoriyanın torpaq qeydiyyatı, elektrik təminatı, polis, notariat və ictimai nəqliyyat ilə bağlı məsələlər müzakirə edilmişdir.
19 may 2017-ci ildə AŞT Gəncə Ofisi Gəncə Reabilitasiya Mərkəzində fiziki məhdudiyyətli uşaqların valideynlərinə hüquqi yardım sessiyası təşkil etmişdir. Gündəlikdə olan əsas mövzu dövlət qurumlarında vətəndaşların müraciətlərinə baxılması proseduru, eləcə də ünvanlı sosial yardımın təyin edilməsi, alimentlərin ödənilməsi, banka olan borclar, miras və torpaq qeydiyyatı ilə məsələlər olmuşdur.
Dostları ilə paylaş: |
