Ko`rdim.
O`TIBDO`:
25.09.2015.
26.092015. Ona tili. 6-sinf.
19-dars. MUSTAHKAMLASH
Darsning maqsadi:
O‘quvchilarning morfologiya, so‘z tarkibi, qo‘shimchalar qo‘shimchalarning turlari va ularning so‘z tarkibidagi o‘rni yuzasidan o‘rganganlarini mustahkamlash va nazorat qilish.
O‘quvchilarda mehnatga muhabbat uyg‘otish.
O‘quvchilarda nazariy savollarga yozma javob berish, amaliv mashqlarni mustaqil yozma bajarish ko‘nikmalarini shakllantirish.
Darsning metodi: yozma nazorat.
Darsning jihozi:
Yozma nazorat uchun variant topshiriqlari yozilgan varaqchalar.
Yozma ish daftarlari.
Dars noan’anaviy yozma nazorat shaklida o‘tkaziladi. O‘qituvchi darslikdagi savol va topshiriqlar asosida, ularga ijodiy yondashgan holda, yozma nazorat uchun variantli topshiriqlar majmuyini tayyorlaydi. Yozma nazorat variantlari ikki qismdan, ya’ni nazariy savollar va amaliy topshiriqlardan iborat bo‘ladi.
Yozma nazoratni boshlashdan oldin darsliklar yig‘ishtirib yoki yoptirib qo‘yiladi. O‘quvchilarga nazariy savollarga aniq, lo‘nda, ilmiy, to‘g‘ri va savodli javob berish, topshiriqlarni mukammal bajarish lozimligi ta’kidlanadi. Imlo savodxonligi va husnixatga ham alohida e’tibor qaratish lozimligi uqtiriladi.
Yozma nazorat asosida O‘quvchilarning yozma savodxonligi va mavzular yuzasidan olgan nazariy, amaliy bilimlari darajasi o‘rganiladi hamda kelgusi rejalar tadbiri belgilanadi.
Yozma nazorat ishi variantlari taxminan quyidagicha bo‘lishi mumkin:
1-variant
I topshiriq. Savollarga javob bering.
Morfologiya sohasida qanday masalalar o‘rganiladi?
So‘z tarkibi deganda nimani tushunasiz?
So‘z tarkibida qo‘shimchalar qanday tartibda joylashadi?
Dostları ilə paylaş: |
