Sevilməyi düşünmə, sevməyi öyrən

Güney-guzey Azərbaycan, bizi ayrı salan kimdir?

Qərib yerdə saldıq binə, biz də düşdüy yaman günə,

Alışmışıq sinə-sinə, qayğımıza qalan kimdir?

Yaltaq olub aramızda, çarasızdır, çaramızda,

Hey qan axır yaramızdan, köç təbili çalan kimdir?

Hələ qaçqın əsirlərin, şelləmişik qəm-kədərin,

Şuşa-Laçın-Kəlbəcərin, torpağını alan kimdir?(15.s.154)

Çağdaş könül şairimiz Əli Daşqın da bu ədalətsiz savaşda itirdiyimiz torpaqlara “Əsir torpaq-Qarabağ” adlı poema həsr etmiş və ürək qanı ilə qələmə aldığı əsərdə işğal olunmuş bütün rayonlarımızın - Şuşa, Laçın, Kəlbəcər, Qubadlı, Xocalı, Ağdam, Xankəndi, Füzuli, Cəbrayıl, Zəngilanın dərdinə sanki ağı demiş, Vətəndə Vətənsiz qalan yurddaşlarımızın böyük dərdini poetik mənzərəsini cızaraq, həm də bədii sənədini yaratmışdir...