(o‘z fikri va
qarashlariga ega xalq)
qatlamini shakllantirish oson kechmadi. O‘zbekistonning
birinchi Prezidenti Islom Karimov 2010 yil 12 noyabr kuni O‘zbekiston
Respublikasi Oliy Majlisi Qonunchilik palatasi hamda Senatining qo‘shma
majlisidagi “Mamlakatimizda demokratik islohotlarni yanada chuqurlashtirish va
fuqarolik jamiyatini rivojlantirish konsepsiyasi” nomli ma’ruzasida mazkur
muammo xususida to‘xtalib, “davlat hokimiyati va boshqaruvi organlari tomonidan
qonun hujjatlarining ijro etilishi ustidan jamiyat, fuqarolik institutlari nazoratini
amalga oshirishning tizimli va samarali huquqiy mexanizmini yaratishga qaratilgan
“O‘zbekiston Respublikasida jamoatchilik nazorati to‘g‘risida”gi qonunni qabul
qilish fursati yetdi”
[10; 51-b.]
, deb ta’kidlashida katta ma’no bor edi. Ammo
obyektiv va subyektiv sabablarga ko‘ra bu qonunni ishlab chiqish va hayotga tadbiq
etish ishlari sust kechdi. Shu sababli, davlatimiz rahbari Sh.M.Mirziyoyev Oliy
Majlisga Murojaatnomasida to‘g‘ri tanqid qilganidek, “...bugungi kunga qadar
davlat organlari faoliyati ustidan samarali jamoatchilik nazoratini amalga
oshirishning aniq huquqiy mexanizmlari yaratilmagan. Bu esa nodavlat notijorat
tashkilotlari tomonidan davlat organlari va mansabdor shaxslar faoliyatini xolisona
baholashga xalaqit bermoqda
[28; 6-b.]
.
2018 yil 12 aprelda “Jamoatchilik nazorati to‘g‘risida”gi O‘zbekiston
Respublikasi qonuni
(O‘RQ-474-son)
qabul qilindi. Umuman olganda ushbu qonun
va boshqa me’yoriy huquqiy hujjatlar asosida bugungi kunda mamlakatimizda
jamoatchilik nazoratining qanday huquqiy mexanizmlari yaratilmoqda va ularni
ijtimoiy hayotimizdagi ahamiyati darajasi qanday kechmoqda? Bu kabi savollarga
atroflicha to‘xtalish, mantiqan to‘g‘ri bo‘ladi.
− O‘zbekiston Respublikasi Konstitutsiyasining 32-moddasida “O‘zbekiston
Respublikasining fuqarolari jamiyat va davlat ishlarini boshqarishda bevosita hamda
o‘z vakillari orqali ishtirok etish huquqiga egadirlar. Bunday ishtirok etish o‘zini
84
o‘zi boshqarish, referendumlar o‘tkazish va davlat organlarini demokratik tarzda
tashkil etish, shuningdek davlat organlarining faoliyati ustidan jamoatchilik
nazoratini rivojlantirish va takomillashtirish yo‘li bilan amalga oshiriladi”[1; 13-b.]
− deb, belgilab qo‘yilgan.
− O‘zbekiston Respublikasi “Jamoatchilik nazorati to‘g‘risida”gi
qonunining 3-moddasida “O‘zbekiston Respublikasi fuqarolari, fuqarolarning o‘zini
o‘zi boshqarish organlari, shuningdek qonunchilikda belgilangan tartibda ro‘yxatga
olingan nodavlat notijorat tashkilotlari, ommaviy axborot vositalari jamoatchilik
nazorati subyektlaridir. Jamoatchilik nazorati − jamoatchilik kengashlari,
komissiyalari va boshqa jamoatchilik tashkiliy tuzilmalari tomonidan qonunchilikka
muvofiq amalga oshirilishi mumkin”[82] deyilgan.
− O‘zbekiston Respublikasi Prezidentining “Mamlakatimizda ijtimoiy-
iqtisodiy sohadagi islohotlar ustidan jamoatchilik nazorati samaradorligini,
shuningdek, fuqarolarning demokratik o‘zgartirishlardagi faolligini oshirishga oid
qo‘shimcha chora-tadbirlar to‘g‘risida”gi qarorida “Aholini jamoat va davlat
ishlarini boshqarishga faol jalb etish, fuqarolarning huquqiy madaniyati va yuridik
savodxonligini oshirish, fuqarolik jamiyatini rivojlantirish, davlat hokimiyati va
boshqaruvi organlari faoliyatining ochiqligini ta’minlash, tegishli sohalarda davlat
siyosatini ishlab chiqish va amalga oshirishda”[82], jamoatchilik nazoratidan
samarali foydalanish ko‘rsatilgan.
− O‘zbekiston Respublikasi Prezidentining “Davlat organlari va
tashkilotlarining faoliyati ochiqligini ta’minlash, shuningdek, jamoatchilik
nazoratini samarali amalga oshirishga doir qo‘shimcha chora-tadbirlar to‘g‘risida”gi
farmonida “Davlat organlari va tashkilotlari faoliyatining ochiqligi va shaffofligini,
axborot
olish
erkinligini
ta’minlash
orqali
jamoatchilik
nazoratini
takomillashtirishning ustuvor yo‘nalishlari”[82] keltirib o‘tilgan.
− “Davlat organlari, xo‘jalik boshqaruvi organlari hamda ular mansabdor
shaxslarining O‘zbekiston Respublikasi Konstitutsiyasi va qonunlarini, O‘zbekiston
Respublikasi Oliy Majlisi palatalari va ular organlarining qarorlarini, davlat
dasturlarini ijro etish, shuningdek o‘z zimmalariga yuklatilgan vazifalar hamda
85
funksiyalarni amalga oshirish bo‘yicha O‘zbekiston Respublikasining “Parlament
nazorati to‘g‘risida”[82]gi qonuni – nafaqat jamoatchilik nazoratining huquqiy
mexanizmlarini mustahkamlashga xizmat qildi, balki, ularning ijtimoiy mavqeini
ham oshirdi.
− O‘zbekiston Respublikasi Prezidentining “Konstitutsiya va qonun
ustuvorligini ta’minlash, bu borada jamoatchilik nazoratini kuchaytirish hamda
jamiyatda huquqiy madaniyatni yuksaltirish bo‘yicha qo‘shimcha chora-tadbirlar
to‘g‘risida”gi qarorida “Amalga oshirilayotgan islohotlar samaradorligini
kuchaytirish, qonun ustuvorligini so‘zsiz ta’minlash, jamiyatda huquqiy ong va
huquqiy madaniyatni yuksaltirish, fuqarolik jamiyatini taraqqiy toptirishda
jamoatchilik nazoratining samarali shakllarini joriy etish”[82]ning tartib qoidalari
ishlab chiqilgan.
− O‘zbekiston Respublikasining “Nodavlat notijorat tashkilotlari
faoliyatining kafolatlari to‘g‘risida”gi qonuning 10-moddasida “Nodavlat notijorat
tashkilotlari davlat organlarining g‘ayriqonuniy qarorlari, ular mansabdor
shaxslarining g‘ayriqonuniy harakatlari (harakatsizligi) ustidan bo‘ysunuv tartibida
yuqori turuvchi organga yoki sudga shikoyat qilish huquqiga ega”[82] ekanligi
belgilab qo‘yilgan. Bu o‘z navbatida jamoatchilik nazoratini olib borish huquqiga
ega bo‘lgan nodavlat notijorat institutining huquqiy mexanizmlarini yanada
mustahkamlaydi.
− O‘zbekiston Respublikasi Prezidentining “Davlat organlari huzurida
jamoatchilik kengashlari faoliyatini tashkil etish chora-tadbirlari to‘g‘risida” qarori
“Mamlakatda demokratik islohotlarni yanada chuqurlashtirish, davlat va jamiyat
o‘rtasida ta’sirchan hamda samarali muloqotni yo‘lga qo‘yish, davlat organlari
faoliyati ustidan jamoatchilik nazoratini amalga oshirishning mustahkam
mexanizmlarini rivojlantirish, ular faoliyatining ochiqligi va shaffofligini, fuqarolik
jamiyati institutlari bilan samarali hamkorlikni ta’minlash”[82]ning huquqiy
mexanizmlari ishlab chiqilgan.
− O‘zbekiston Respublikasi Prezidentining “Fuqarolarning o‘zini o‘zi
boshqarish organlari xodimlarini ijtimoiy qo‘llab-quvvatlashga doir qo‘shimcha
86
chora-tadbirlar to‘g‘risida”gi farmonida “Fuqarolar o‘zini o‘zi boshqarish
organlarining jamiyatdagi o‘rni hamda rolini kuchaytirish, ularning aholi kundalik
muammolari bilan ishlash va ta’sirchan jamoatchilik nazoratini amalga oshirishdagi
mavqeini mustahkamlanishi”[82], ya’ni, uning huquqiy mexanizmini belgilab
qo‘yilishi, jamoatchilik nazoratini olib borish vakolatiga ega institutsional tizim
elementlarini jamiyatimiz hayotidagi o‘rni va mavqeini ko‘rsatadi.
Umuman olganda, bugungi globallashuv davrida jamoatchilik nazoratining
nafaqat huquqiy mexanizmlari rivojlanmoqda, balki, ularning subyektiv elementlari
ham taraqqiy etib bormoqda. Xususan, Gʻarb mamlakatlarida jamoatchilik nazorati,
uning ijtimoiy-huquqiy mexanizmlari birmuncha yuqori bosqichlarda ketmoqda.
Dostları ilə paylaş: |