qonuniylik; Izoh: jamiyatda huquqiy ong va huquqiy madaniyatni yuksaltirib borish
qonun ustuvorligini ta’minlash va qonuniylikni mustahkamlashning eng muhim
shartlaridan biri hisoblanadi[28; 54-b.]. Shu sababli, bugungi pragmatik islohotlar
olib borayotgan jamiyatimizda jamoatchilik nazoratini olib borish vakolatiga ega
bo‘lgan subyektiv institutlarning jamiyat ijtimoiy hayotidagi ishtiroki, sezilarli
darajada oshmoqda[104]. Masalan, Ommaviy axborot vositalari jamiyatda
qonuniylikni qaror toptirishda har bir soha va tarmoq bo‘yicha jamoatchilik
nazoratini amalga oshirishning eng muhim va ta’sirchan vositalaridan biri sifatida
ijtimoiy faollikni ko‘rsatish borasida alohida e’tibor qozonmoqda – albatta xalq
orasida.
−
fuqarolarning huquqlari, erkinliklari va qonuniy manfaatlari ustuvorligi; Izoh: har qanday davlat boshqaruvida olib borilayotgan islohotlardan bosh
maqsad − adolatli jamiyat barpo etishga qaratilgan bo‘lishi kerak. Demak, “Islohot
islohot uchun emas, avvalo inson uchun, inson manfaatlarini ta’minlash uchun”
shiori amalda bo‘lishi uchun ham yuqoridagi prinsipga bo‘lgan zarurat mavjud.
Chunki, O‘zbekistonda fuqarolik jamiyatini barpo etish sharoitida inson huquq va
erkinliklarini ta’minlash borasidagi konstitutsiyaviy kafolatlar tizimini hayotga
tatbiq etishga qaratilgan islohotlar, jamiyatning shu maqsad yo‘lidagi vazifalariga
to‘liq mos kelishi shart va zarur deb bilamiz. Buning asosiy sababi shuki, bugun
mamlakatimizda inson huquqlarini kafolatlovchi milliy mexanizm yaratilmoqda.
Inson huquq hamda erkinliklarini ta’minlovchi va kafolatlovchi davlat organlari
tizimi[79] takomillashtirilayotganligini hisobga olganda, hozirgi paytda insonning
huquqhamda erkinliklarini ta’minlash mexanizmini yanada rivojlantirishmaqsadida
inson va fuqaro huquqi hamda erkinliklarining kafolatlari to‘g‘risidagi normativ
hujjatlarni yanada insonparvarlashtirish ham dolzarb hisoblanadi.
−
