Sharof rashidov nomidagi samarqand davlat universiteti huzuridagi ilmiy darajalar beruvchi ds
Yüklə 1,45 Mb. Pdf görüntüsü
|
| Ikkinchisi,
jamiyatning ijtimoiy hayotida korrupsiyaga qarshi immunitetni shakllantirishga erishish zarur. Chunki, huquqiy davlatda konstitutsiyaviy qonun ustuvorligini ta’minlash, korrupsiyaga qarshi samarali kurash olib borishda davlat idora tashkilotlari va boshqaruvi organlari faoliyatida ochiqlik, oshkoralik va shaffoflikka erishish orqali demokratik tamoyillar ustuvor bo‘lgan jamiyat qurish mumkin[104]. Bu mexanizmni yo‘lga qo‘yishda albatta, jamiyatdan (xalq va davlat organlarida) chuqur istak va xohish bo‘lishi talab etiladi. Aslida, jamoatchilik nazorati orqali korrupsiyaga barham berish mumkin bo‘ladi. Chunki, davlat hokimiyati va boshqaruvi organlari faoliyatining ochiqligi, oshkoraligi va 55 shaffofligini ta’minlashdagi eng samarali mexanizm bu jamoatchilik nazorati hisoblanadi[28; 47-b.]. Ammo, bugungi jamiyatimizda davlat organlari faoliyati ustidan jamoatchilik nazoratini olib boruvchi fuqarolik jamiyati institutlarining (jamoat va nodavlat tashkilotlar, fuqarolar uyushmalari va idoralari) xalq bilan uzviylikda ishlash tizimida bir qator ijtimoiy muammolar ham mavjud bo‘lib, bularni bartaraf etmasdan turib, davlat organlari faoliyati ustidan ta’sirchan jamoatchilik nazoratini o‘rnatish mushkul kechadi[104]. Masalan, bugungi kunda aksariyat fuqarolik institutlari xalq bilan ijtimoiy muloqotni amalga oshirishdagi kamchiliklari, xususan davlat organlari va fuqarolar o‘rtasida bog‘lab turuvchi “ko‘prik”ni yarata olmayotganligi natijasida − davlat organlari faoliyatidagi muammolarni aniqlash hamda fuqarolarning huquqlari va qonuniy manfaatlarini himoya qilish jarayonlariga salbiy ta’sir ko‘rsatmoqda[101]; ikkinchidan, jamoatchilik nazoratini olib borish vakolatiga ega bo‘lgan fuqarolik institutlarini jismoniy va yuridik shaxslarning murojaatlarini ko‘rib chiqish masalalariga mas’uliyatsizlik bilan yondashishi, jumladan fuqarolarning qonun hujjatlarini takomillashtirishga va jamiyatdagi muammolarni hal qilishga doir takliflariga beparvo munosabatda bo‘lish holatlari, davlat organlari faoliyatining samaradorligini oshirishga hamda davlat va xalq o‘rtasida “muloqot maydoni”ni[82] shakllantirishga to‘sqinlik qilmoqda; uchinchidan, fuqarolik jamiyati institutlarining axborot berish bazasida fuqarolarda davlat organlari faoliyati to‘g‘risida batafsil axborot olish imkoniyatining yo‘qligi, ko‘pchilik hollarda ularga bunday axborotni taqdim etish asossiz ravishda rad etilayotganligi xalqning bunday fuqarolik instituti organlariga bo‘lgan ishonchini pasaytirmoqda[82]; to‘rtinchidan, xalq nomidan faoliyat olib boruvchi institutlarning aksariyat bo‘g‘inida davlat organlari faoliyatida sog‘lom ishchanlik muhitini va qonuniylikni joriy etishga, xodimlarning huquqiy madaniyatini yuksaltirishga qaratilgan chora- tadbirlarning lozim darajada amalga oshirilmasligi, ular tomonidan o‘z vakolatlarini suiiste’mol qilish holatlarining ko‘payishi, fuqarolarning huquqlari buzilishi, davlat organlari xodimlari xatti-harakatlari ustidan shikoyatlar sonining ortishi va 56 aholining davlat organlari faoliyatidan noroziligi kuchayishi uchun shart-sharoitlar yaratmoqda[82]. Demak, jamiyat taraqqiyotiga salbiy ta’sir etuvchi korrupsiya illatlariga qarshi kurash uchun, faqatgina jamoatchilik nazoratini yo‘lga qo‘yish orqali mavjud muammoga yechim topilmaydi. Balki, jamoatchilik nazoratini olib boruvchi institutsional tizim samaradorligini ham ta’minlash kerak bo‘ladi. Yüklə 1,45 Mb. Dostları ilə paylaş:
|