Sharof rashidov nomidagi samarqand davlat universiteti huzuridagi ilmiy darajalar beruvchi ds
Yüklə 1,45 Mb. Pdf görüntüsü
|
| Ikkinchidan,
davlat organlari faoliyatida adolatlilik prinsipini qaror toptirish hamda jamoatchilik nazoratini ta’minlashda muhim “drayver” vazifasini o‘tovchi “Davlat xizmatlari agentligi” − vositachi institut bo‘lib, bu tashkilot garchi davlat muassasasi bo‘lsada, ammo uning bajaruvchi funksiyalari orqali jamoatchilik nazoratini olib borish vakolatiga ega bo‘lgan fuqarolik institutlarining harakatlanish mexanizmida amaliy natijadorlik yuzaga keladi. Chunki, “Davlat xizmatlari agentligi”ning asosiy funksiyalariga: − jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish; − ortiqcha ma’muriy tartib-taomillarni bartaraf etish hisobiga davlat xizmatlari ko‘rsatish tartibini takomillashtirish, shuningdek, idoralararo elektron hamkorlikni rivojlantirish; − Davlat xizmatlari yagona reestrini shakllantirish, ushbu sohada davlat organlari va boshqa tashkilotlarning faoliyatini muvofiqlashtirish; − davlat xizmatlari ko‘rsatishda foydalaniladigan axborot tizimlari, resurslar va ma’lumotlar bazalarini loyihalashtirish, ishlab chiqish, joriy etish va integratsiya qilishga yagona yondashuvlarni ishlab chiqishda ishtirok etish; − davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini nazorat qilish va samaradorligini baholash; 128 − davlat xizmatlari ko‘rsatishning innovatsion shakllari va usullarini joriy etishni tashkil qilish, ushbu sohada qonunchilik va huquqni ko‘llash amaliyotini takomillashtirishga doir takliflar ishlab chiqish[91] kiritilib, ular orqali jamiyatning og‘riqli nuqtasi bo‘lib kelayotgan korrupsionerlik holatlarini kamaytirish imkoniyati paydo bo‘ladi. Bu o‘z o‘zidan jamoatchilik nazorati rivojiga ta’sir etadi. Jamoatchilik nazorati tizim samaradorligini ta’minlashga o‘z hissasini qo‘shib kelayotgan “Davlat xizmatlari agentligi” faoliyatini yanada demokratlashtirish uchun, uning quyidagi mexanizmlarini rivojlantirish zarurati mavjud: 1. Davlat xizmatlari ko‘rsatuvchi davlat organlari va boshqa tashkilotlar faoliyatini qonun hujjatlari va ma’muriy reglamentlar talablariga rioya etilishi nuqtayi nazaridan tekshirish. 2. Davlat xizmatlari ko‘rsatuvchi davlat organlari va boshqa tashkilotlar rahbarlariga aniqlangan qonun buzilishlari, ularga imkon beruvchi sabablar va shart- sharoitlarni bartaraf etish haqida ko‘rib chiqilishi majburiy bo‘lgan taqdimnomalarni jamoatchilik muhokamasiga qo‘yish. 3. Davlat organlari va mansabdor shaxslardan Agentlikka yuklangan vazifalar va funksiyalarni bajarish uchun zarur bo‘lgan hujjatlar va axborotlarni, shu jumladan, statistik ma’lumotlarni olish[82] tizimini takomillashtirish orqali jamoatchilik nazorati tizim elementlari faoliyati samaradorligini oshirish mumkin. Yüklə 1,45 Mb. Dostları ilə paylaş:
|