Sharof rashidov nomidagi samarqand davlat unversiteti tarix fakulteti

Mavzuning tarixshunosligi

Qo‘qon xonligi tarixi chuqur tadqiq etilgan. Dastlabki tarixchilari tomonidan xonlik tarixining turli sohalari dastlabki tasavvurlar va ayrim to`liq bo`lmagan ma`lumotlar asosida yoritib berilganligi bilan alohida xususiyatga ega. Bunday tarixchilar va tadqiqotchilar qatorida XX asr boshlarigacha ijod qilgan va tarixiy asarlar yozib qoldirgan bir qator rus tarixchilarini ko`rsatib o`tish mumkin. Jumladan xonlik hududiga elchilik bilan kelgan kishilar,xususan F.Nazarov, N.I.Potanin, V.V.Velyaminov Zernovlarning hisobotlari, A.Makshevlarning<sup>1</sup> asarlarini va maqolalarini kiritish mumkin. Bir qator tadqiqotchilar esa xonlik tarixini o`z asarlarida u yoki bu jihatlarini yoritib o`tishga harakat qilganlar.Bunday tadqiqotchilar tarixchilar qatorida V.Bartold, N.Ostroumov, M.A. Terentev, P.P. Ivanov va boshqalarni ko`rsatib o`tish mumkin. Ular o`z asarlarida xonlikning Rossiya imperiyasi tomonidan harbiy bosqinchilik yo`li bilan bosib olingan jarayonlarni yoritib berganlar. Mustaqillik yillarida amalga oshirilgan tadqiqotlar va ilmiy adabiyotlar masalaning mohiyatiga bo`lgan yondashuv tubdan o`zgarib, endi tarix haqqoniy ravishda ilmiylikka asoslangan holda yoritila boshlandi. Bu davrda yaratilgan ishlarga H.Z.Ziyoyev, H.N.Bobobekov, Sh.H.Vohidov, Z.Ilhomov, V.Ishquvvatov, Sh.Mahmudovlarning<sup>2</sup> ilmiy ishlarini ko`rsatib o`tish mumkin. Shuningdek, xonlik tarixi bilan xorijlik bir qator olimlar ham shug`ullanganlar. Bularning xonlik tarixshunosligining to`rtinchi guruhiga kiritish mumkin. Ular orasida bizga ma`lum bo`lgan sifatida D.Berghorn, E.Bekon, R.Konnuest,E.Ollvort, T.Ranovski-Xarmstoun, L.Tillet, D.Xusonlarning ishlarini ko`rsatib o`tish mumkin.

Kurs ishining obyekti – Qo’qon xonligidagi mansab unvonlar, saroy unvonlari, diniy mansablar va qozixona unvonlari to’g’risida ma’lumot berish.
Kurs ishining predmeti – Qo’qon xonligidagi mansab va unvonlarning o’ziga xos jihatlari va boshqa xonliklardagi mansablardan farqli tomonlarini tahlil etish