Sidqiy xondayliqiy nasriy asarlari badiiyati

1.3. Shoir ijodida an’ana va yangilik.

1.4. Sidqiy Xondayliqiy she’riyatining mavzular olami va badiiyati.

II.BOB. Sidqiy Xondayliqiy nasriy merosining o‘ziga xos xususiyatlari va badiiyati.

2.1. “Sad irshod yoxud sad qonun”- xalq donoligining go‘zal durdonasi.

2.2. “Zarbulmasali Sidqiy”- savol-javobga asoslangan asar.

2.3. “Holoti Sidqiy”- biografik asar namunasi.

2.4. Imom A’zam siymosi Sidqiy Xondayliqiy talqinida.

2.5. “Mezoni shariat”- diniy asar namunasi.

Xulosa.

Foydalanilgan adabiyotlar ro‘yxati.

Kirish

Mavzuning dolzarbligi.Vatanimizning mustaqilligi yildan yilga an’ana va qadriyatlarimizni e’zozlash, ularni zamon talablari asosida boyitish va rivojlantirish, o`zligimizni anglash, dunyo hamjamiyatida munosib o`rin egallashdek ezgu maqsadlarimizni amalga oshirishda ulkan imkoniyatlar yaratib kelmoqda.

Sidqiy Xondayliqiy jadid adabiyotida munosib o`rin egallagan ulkan ijodkordir. Xondayliqiy nafaqat shoir balki arab va fors tillarini puxta bilgan ajoyib tarjimon hamdir. Shoirning lirik asarlari shuni ko`rsatadiki, u mumtoz adabiyotimizdagi hayotiy, insoniy muhabbat va odamiylik singari eng yaxshi an’analarni davom ettiradi. U buyuk Alisher Navoiyga alohida ixlos va muhabbat bilan qaraydi. Lekin 20- asrning shoiri bo`lgani sababli unga demokratik ruh va ma’rifatparvarlik qarashlari har narsadan ustun turadi.

Jadid adabiyotimizni shakllanishida hissa qo’shgan Sidqiy Xondayliqiyning adabiy merosi insonni ma’nan yetuk, qalban pok bo`lishga chorlaydi. Sidqiy Xondayliqiyning yuksak axloq mezonlariga yo`g`rilgan hamda ilm-ma’rifatga da’vat etuvchi asarlarini o`rganish, adib asarlarini barkamol avlod tarbiyasida tutgan o`rnini belgilash adabiyotshunoslar oldidagi muhim masalalardan biridir.

Umuman olganda, Sidqiy Xondayliqiyning erk va ozodlikka chorlovchi faoliyati hamda ilmiy- ma’rifiy va axloqiy - ta’limiy asarlarining tadqiqi o`z ilmiy yechimini topishga mushtoqligi bitiruv malakaviy ishining dolzarbligini bildiradi.