Sifat so’z turkumi Sifatning morfologik xususiyatlari

C) leksik-morfologik usul: sal ko’kish, xiyol kattaroq, biroz chiroyliroq

4. Orttirma daraja 
Belgining me’yordan ortiq ekanligini bildirgan sifat shakli orttirma daraja shakli deyiladi . Sifatning orttirma darajasi 
quyidagi yo’llar bilan hosil bo’ladi :

a) leksik usul 

Oddiy darajadagi sifat oldidan(sifat oldidan!!!) eng , g’oyat , bag’oyat , juda , nihoyatda , benihoya , o’ta , behad , biram(bir ham) 

, rosa , tengsiz , obdon ; to’q , tim , g’irt , zap , xo’p , jiqqa , liq kabi so’zlarni qo’llash orqali hosil qilinadi . eng ulug’ , g’oyat
ajoyib , bag’oyat xursand , juda sezgir , nihoyatda mushkul , benihoya katta , o’ta aqlli , behad shod , biram yoqimli , rosa 
badjahl , tengsiz ustakor , obdon pishiq ; to’q qizil , tim qora , g’irt mast , zap yaxshi , xo’p katta , jiqqa ho’l , liq to’la
Diqqat!!! Yuqorida sanab o’tilgan so’zlarning aksariyati fe’l oldidan qo’llanib , harakat-holatning belgisini ifodalay oladi . 
Shuning uchun ular ravish sanalib , gapda daraja-miqdor holi vazifasida qo’llanishi kuzatiladi .
rosa charchadim , obdon pishirdi , behad sevindi , juda taltayib ketdi , o’ta kamayib ketgan . 


b) fonetik usul 

---sifatning boshlang’ich tovushlarini olib , ularga p , m , s tovushlarini va yonidan sifatning o’zini keltirish orqali yuzaga 

keltiriladi : qop-qora , sap-sariq , ko’m-ko’k , yam-yashil , bus-butun

---sifatning dastlabki tovushlari bilan o’zini juftlashtirish orqali yuzaga keltiriladi : pak-pakana , dum-dumaloq , yap-yapaloq ,
yum-yumaloq 


---sifatning dastlabki qismiga -ppa elementini qo’shish orqali yuzaga keltiriladi : teppa-teng , oppa-oson , tuppa-tuzuk , to’ppa-
to’g’ri , quppa-quruq , soppa-sog’
Diqqat!!! Oppoq sifati orttirma darajada bo’lib , op-oq so’zining fonetik o’zgarishi sanaladi .

---sifat tarkibidagi ma’lum bir unli tovushni cho’zish orqali yuzaga keltiriladi : kaaatta , shiiirin , baaaland