Signature Example Individual

Şərtlər:
1. Bu şəhadətnamə “PAŞA Həyat Sığorta” ASC-nin 23.05.2023-cü il tarixli “Həyat sığortası”
qaydaları və “Sağalmaz xəstəliklərdən sığorta” qaydaları (bundan sonra birlikdə “Qaydalar”
adlandırılacaq) əsasında tərtib edilmişdir. Qaydalar “PAŞA Həyat Sığorta” ASC-nin rəsmi
saytında (www.pasha-life.az) yerləşdirilmişdir. Sığortalı sığorta haqqı ödəməsi ilə həmin
Qaydalarla tanış olmasını təsdiq edir.
2. Bu sığorta şəhadətnaməsi (müqaviləsi) üzrə sığorta haqqı Sığortalı tərəfindən birdəfəlik
qaydada ödənilir. Sığortalı sığorta haqqını bu şəhadətnamənin (müqavilənin) Sığortaçı
tərəfindən imzalanma tarixindən sonra 1 aydan gec olmayaraq ödəməlidir.
3. Sığortalı tərəfindən sığorta haqqının ödənilməsi anından bu sığorta şəhadətnaməsi
(müqaviləsi) bağlanmış sayılır və onun şərtləri qüvvəyə minir. Sığortalı sığorta haqqını
ödəməsi ilə sığorta şəhadətnaməsinin (müqaviləsinin) şərtləri ilə tanış olduğunu təsdiq edir.
4. Sığorta şəhadətnaməsi (müqaviləsi) qüvvədə olmadığı müddət ərzində baş vermiş hadisə və
ya hala görə sığorta ödənişi verilmir.
5. Sığorta hadisəsi hesab edilə bilən hadisə və ya hal baş verən zaman Sığortaçı aşağıdakı
hallarda sığorta ödənişi etməkdən imtina edir:
- müqavilə bağlanan an bu şəhadətnamənin sığorta təminatı hissəsində göstərilən hallardan hər
hansı birinin Sığortalıda mövcud olması;
- bu şəhadətnamənin 10-cu bəndində göstərilən halların tam və ya qismən, bilavasitə və ya
dolayısı şəkildə hadisə ilə əlaqəsinin olması.
6. Sığorta hadisəsi hesab edilə bilən halın və ya hadisənin birbaşa və ya dolayı yolla səbəbi
olan hadisə və ya hal sığorta təminatının qüvvəyə minməsindən əvvəl mövcud olmuşdursa, bu
zaman baş verən hal/hadisə təsadüfi deyil, gözlənilən olduğu üçün Sığortaçı sığorta ödənişinin
verilməsindən imtina etmək hüququna malikdir.
7. Bu şəhadətnamə (müqavilə) üzrə baş vermiş sığorta hadisəsi ilə əlaqədar istənilən müvafiq
təminat üzrə sığorta ödənişi Sığortaçıya hadisənin araşdırılması ilə əlaqədar lazım olan son
sənədlər daxil olduğu tarixdən 7 iş günü ərzində faydalanan şəxslərə birdəfəlik qaydada
ödənilir.
8. Sığortalı (Məlumat verən tərəf) razılıq verir və qəbul edir ki, ona daha geniş istiqamətdə
xidmət göstərmək üçün Sığortaçı Sığortalı barədə fərdi məlumatları ona heç bir zərər
vurmamaq, habelə yayılmaması üçün məsuliyyət daşımaqla müxtəlif informasiya
ehtiyatlarından əldə edə, habelə Məlumat verən tərəfin hər hansı məlumatlarını və sığorta sirri
təşkil edən məlumatlarını öz işçilərinə, nümayəndələrinə, ona hüquqi və digər xidmət göstərən
şəxslərə, özünə aidiyyəti olan şəxslərə, sığorta fəaliyyətini həyata keçirərkən ondan tələb edən
dövlət orqanlarına, maliyyə bazarlarına nəzarəti həyata keçirən orqanlara, ölkədaxili və
ölkədən kənara ötürə bilər. Sığortalı qəbul edir və təsdiq edir ki, sığorta müddətində baş verən
sığorta hadisəsi hesab edilə bilən hadisə və ya halın araşdırılması məqsədilə Sığortaçının
məlumat verənə aid istənilən fərdi (sağlamlıq və ailə vəziyyəti barədə) məlumatları və sənədi,
o cümlədən həkim sirrini təşkil edən məlumatları həkimlərdən, tibb müəssisələrindən, tibb
müəssisələrinin tabe olduğu qurumlardan (“Tibbi Ərazi Bölmələrini İdarəetmə Birliyi” publik
hüquqi şəxs, bütün dövlət və özəl müəssisələrindən) və ya digər qurumlardan əldə etməsi,
sığortalıya aid olan sığorta sirri hesab edilən məlumatların sığorta əməliyyatlarının aparılması
və bu bənddə göstərilən digər məqsədlər üçün digər şəxslərə ötürməsi və qeyd edilən bütün
məlumatların Sığortaçı tərəfindən toplanılması və işlənilməsi, qanunvericiliklə müəyyən
olunmuş qaydada məhv edilməsi və ya arxivləşdirilməsi üçün razılıq verir, bunun üçün
Məlumat verən tərəfindən əlavə yazılı razılıq tələb olunmayacaq. Sığortaçı məlumatı ötürdüyü
şəxslərin həmin məlumatları məxfi saxlayacağına təminat verir. Sığortalının bu bənddə verdiyi
razılıq sığorta şəhadətnaməsi (müqaviləsi) qüvvədən düşdükdən 5 (beş) il ərzində etibarlı
sayılır.
9. Sağalmaz xəstəliklər təminatı üzrə sığorta müddətinin başlandığı tarixdən 3 ay müddətində
gözləmə müddəti (hadisə nəticəsində yaranan itkilərin sığorta təminatı ilə əhatə olunmadığı
müddət) və hadisənin baş vermə tarixindən 28 gün ərzində sağ qalma müddəti (sağalmaz
xəstəlik diaqnozu qoyulan tarixdən Sığortalının sağ qalmalı olduğu müddət aralığı) tətbiq
edilir.
10. Sığorta ödənişinin həcmi sığorta şəhadətnaməsi üzrə müəyyən edilmiş sığorta məbləğindən
çox ola bilməz. Bu şəhadətnamə üzrə müəyyən edilmiş təminatlardan hər hansı biri üzrə
sığorta ödənişi həyata keçirildiyi təqdirdə, Sığortaçı Sığortalı qarşısında sığorta şəhadətnaməsi
(müqaviləsi) üzrə öz öhdəliklərini tam olaraq yerinə yetirmiş hesab edilir və sığorta
şəhadətnaməsi (müqaviləsi) qüvvədən düşmüş sayılır.
11. Sığortalı sığorta haqqını ödəməsi ilə ürəyin işemik xəstəliyinin, hipertoniya, miokard
infarktı, ürəkdə qüsur, aritmiya, tromboz, ürək çatışmazlığı, böyrək çatışmazlığı, qan
xəstəliyinin istənilən forması, qaraciyər xəstəliyi, hepatit, bədxassəli və ya xoşxassəli şişlər,

---

Sənəd №: PHS/F-447
Yoxlama №: 13
Yoxlama tarixi: 29.08.2023
Qüvvəyə minmə tarixi: 29.01.2018
diabet, astma, ağ ciyər vərəmi, iflic, insult xəstəliklərinin olmadığını, peşəkar və ya həvəskar
şəkildə təhlükəli və ya ekstrimal idman növləri ilə məşğul olmadığını, sağlamlıq vəziyyəti ilə
əlaqədar əlillik dərəcəsinin müəyyən edilməməsini və ya müəyyən edilməsinə hər-hansı əsasın
olmamasını təsdiq edir.
12. Sığorta şəhadətnaməsi (müqaviləsi) qüvvədə olduğu müddət ərzində qanunvericiliyə
dəyişiklik olduğu təqdirdə Sığortaçı sığorta şəhadətnaməsi (müqaviləsi) qüvvəyə minən tarixə
qüvvədə olan əlillik meyarlarına əsasən sığorta hadisəsinin tənzimlənməsini və ödənişin
verilməsini həyata keçirəcəkdir. Qanunvericiliyə olan istənilən dəyişiklik sığorta
şəhadətnaməsinin (müqaviləsinin) tərəflərindən hər hansı birinin vəziyyətini pisləşdirdiyi və/və
ya sığorta şəhadətnaməsi (müqaviləsi) üzrə riskin qiymətləndirməsinə təsir etdiyi təqdirdə
həmin dəyişiklik bu şəhadətnamə (müqavilə) üzrə tətbiq edilməyəcəkdir.
13. Əlilliyin qiymətləndirilməsi Azərbaycan Respublikasının qanunvericiliyinə uyğun olaraq
təyin edilməli, Azərbaycan Respublikasının müvafiq icra hakimiyyəti orqanının müəyyən
etdiyi orqan (qurum) tərəfindən keçirilməli və əlilliyin müəyyən olunması sözügedən müvafiq
orqanın (qurumun) qərarı ilə təsdiq edilməlidir.
14. Sığorta hadisəsi hesab edilə bilən hadisə və ya hal baş verdikdə Sığortalı Sığortaçıya bu
sığorta şəhadətnaməsini (müqaviləsini) təqdim etməlidir. Sığorta şəhadətnaməsi (müqaviləsi)
itirildikdə və ya məhv olduqda Sığortalı onun dublikatını Sığortaçıdan tələb edə bilər.
15. Sığortalı sığorta haqqını ödəməklə Yaddaş vərəqi və “Qaydalar” ilə təmin olunduğunu,
həmçinin onun bu şəhadətnamədə (müqavilədə) qeyd olunmuş ünvanı, e-poçt ünvanı və ya
mobil telefonuna, habelə Sığortaçının və ya sığorta agentinin mobil tətbiqetməsinə göndərilmiş
hər hansı yazışma, məktub, bildiriş, mesaj və s.-nin onun tərəfindən qəbul olunmuş kimi hesab
ediləcəyini bildirir.
16. Şəhadətnamə (müqavilə) üzrə həyata keçirilən bütün hesablaşmalar (sığorta ödənişi, sığorta
haqqının ödənilməsi və s.) nağdsız qaydada aparılacaq.
17. Şəhadətnamədən (müqavilədən) irəli gələn məsələlər Azərbaycan Respublikasının
qanunvericiliyi ilə tənzimlənir.
Sığortalı sığorta şəhadətnaməsi (müqaviləsi) üzrə əlavə məlumat almaq, həmçinin sığorta hadisəsi baş verdikdə Sığortaçının nümayəndəsi ilə əlaqə
saxlamaq (dərhal, lakin 30 (otuz) təqvim günündən gec olmayaraq) üçün aşağıdakı telefon nömrəsinə zəng edə bilər: Əlaqə nömrəsi: (+994 12)
942
Sığortalının sığorta şəhadətnaməsi (müqaviləsi) ilə bağlı şikayəti olduqda o, Sığortaçının şikayətlərin idarəedilməsi üzrə təyin edilmiş məsul
əməkdaşı - koordinator ilə əlaqə saxlaya bilər. Tel: (012) 942 (şikayətlər bölməsi), ([phone]; e-mail ünvanı: [e-mail].
Şikayət üzrə verilmiş cavab Sığortalını qane etmədiyi təqdirdə, həmçinin sığorta şəhadətnaməsi (müqaviləsi) üzrə hüquqlarının pozulmasını hesab
etdiyi hallarda, Sığortalının Azərbaycan Respublikasının Mərkəzi Bankına şikayətlə müraciət etmək hüququ var. Ünvan: Azərbaycan Respublikası
Bakı şəhəri, Bülbül prospekti 27, Tel: [phone]