Sinf: 3-sinf Mavzu

O’tilgan mavzuni takrorlash:

Uy vazifasini tekshirish uchun “O’z-o’zini tekshirish” usulidanfoydalaniladi. Bunda bir o’quvchi mashq matnidagi sifatga so’roq berib aniqlaydi, boshqalar javobni tekshiradilar.
265 -mashq. O‘qing. Sifatlarga so‘roq bering.
Bir tomoni keng o‘tloq,
Bir tomoni qorli tog^‘.
Go'zal va nurli makon,
Mening aziz qishlog'im.
Safar Barnoyev
Yozing. Sifatlarni aniqlab, tagiga to‘lqinli chiziq chizing.
O’quvchilar bilimini aniqlash maqsadida savol-javob o’tkaziladi.

• 
  Qanday so’z turkumlarini bilasiz?
  
• 
  Ot deb nima aytiladi?
  
• 
  Otlarning ko’plik shakli qanday hosil qilinadi?
  
• 
  Sifat deb nimaga aytilai?
  
• 
  Sifat so’z turkumning so’roqlarini aytinng.
  
• 
  Sifat shaxs yoki narsa-buyumning qanday belgi-xuxusiyatini bildiradi?
  

Aylanma daftarlar almashtirilib, husnixat daqiqasi o’tkaziladi.
Husnixat daqiqasi:
Karimaga onasi qiziqarli kitob sovg’a qildi. Karima kitobni qiziqib o’qidi.

3. 
   Yangi mavzuni tushuntirish:
   

Sifatlarnig otga bog’lanib kelishini mustahkamlash va ularning gapda ikkinchi darajali bo’lak vazifasida kelishi quyidagicha tushuntiriladi: yaylovda o’tlab yurgan toychani tasvirlivchi rasmni doskaga osib, unga o’quvchilar diqqati qaratiladi.

• 
  Rasmda nimalar ko’ryapsiz? (Yaylov, o’tloq, toycha, bolalarni ko’ryapmiz.)
  
• 
  Yaylov qanday? (Keng, ko’m-ko’k, bepoyon.)
  
• 
  O’tlar qanday? (Ko’m-ko’k, barra.)
  
• 
  Toychoq qanday? (Yosh, jajji, sho’x, o’ynoqi.)
  
• 
  Toychoq nimaning bolasi? (Tooychoq otnng bolasi.)
  
• 
  Toychoq, o’tloq haqida 5-6 ta gap tuziladi. Tuzilgan gaplardan ikkitasi tanlab olinadi. (Ko’m-ko’k o’tloq qo’y-qo’zilarni chorlaydi. Sho’x, o’ynoqi toychoq yaylovda o’tlayapti.)
  
• 
  Birinchi gapni o’qing. Gap nima haqida aytilgan? (O’tloq haqida)
  
• 
  Shu gapda ega nima bilan ifodalangan? (Ot bilan ifodalangan.)
  
• 
  Ikkinchi gap ham shunday tahlil qilinadi.
  
• 
  Demak, sifat gapda otga bog’lanib, ikkinchi darajali bo’lak vazifasida kelar ekan, degan xulosa chiqariladi.
  

Mavzuni o’quvchilar qay darajada o’zlashtirganini bilish uchun multimedia ilovasidan foydalaniladi.
1-topshiriq.

• 
  Sifatlarni topib ularga so’roq bering. Sifatlarni to’lqinli, shu sifatlar bog’lanib kelgan otlarni to’g’ri chiqiq bilan belgilang.
  

Tinmay oqar tiniq suv,
Keng dalalar qo’ynida.
Ko’m-ko’k bog’lar, gulzorlar,
Qalin o’rmon ichida.
U o’stirar borliqni,
Oq paxtani, bug’doyni,
Shirin-shakar qovunni,
Olma, o’rik va donni.