Siyahısı 20 Mart 2019 IL Ümumi məlumat

Müsəlman Birliyi Hərəkatı haqqında məlumat
Müsəlman Birliyi Hərəkatı 11 yanvar 2015-cı il tarixdə Qəhrəmanov Nahid Nəsib oğlu, İsgəndərov Elxan Səyədullah oğlu və Şirvanov Seyfəddin Nurullah oğlunun iştirakı ilə təsis edilib. Birliyin təsisçiləri olan yuxarıda adı çəkilən şəxslər həm də Birliyin İdarə Heyətinin üzvləri seçilib. Qəhrəmanov Nahid Nəsib oğlu İdarə Heyətinin sədri seçilib və Hərəkatın adından qanuni təmsilçilik hüququ ona verilib. Həmin vaxt Taleh Bağırzadə AR CM-nin narkotik vasitələrin qanunsuz dövriyyəsi ittihamıyla həbsdə olub.

MBH Nizamnaməsinə görə Azərbaycanın inkişafını arzulayan, müstəqil və azadfikirli şəxslərin birliyidir. Hərəkat öz fəaliyyətini Azərbaycan Respublikasının Konstitusiyası və qanunları, həmçinin öz Nizamnaməsi əsasında qurur.

Hərəkatın məqsəd və vəzifələrinə insanlar arasında şüurlu vətənpərvərlik, həmrəylik və dini münasibətlərini yaymaq və inkişaf etdirmək, demokratik düşüncə və demokratik həyat tərzinin təbliğ edilməsi və bu dəyərlərin cəmiyyətdə təşəkkül tapması, baş verən ictimai proseslərlə bağlı obyektiv məlumat verilməsi, tərəqqi istəyən gənclərin birgə fəaliyyəti üçün şərait yaradılması, cəmiyyətdə milli-mənəvi-islami dəyərlərin qorunması və inkişafı, gənclərin arasında maarifləndirmə işinin aparılması və s. daxildir.

Hərəkatın əsas fəaliyyət formaları müxtəlif tematikada debatların, mədəni tədbirlərin təşkil edilməsi, idman yarışlarının keçirilməsi, kütləvi informasiya vasitələri ilə əməkdaşlıq, gənclər arasında müxtəlif elmi istiqamətlərin inkişaf etdirilməsi, ekoloji tədbirlərin keçirilməsi, sosial araşdırmaların aparılması, kitabların nəşr etdirilməsi, seminarların, simpoziumların, treninqlərin keçirilməsi, öz dövrü nəşrlərinin çap edilməsi daxildir.