Smbkt intarpiraayizii Ijaarsa Daandiiwwan Oromiyaa

Gabatee-1

Miseensota Koree Qorannoo Sirna Madaallii Bu’aa Karoora Tarsiimoo (SMBKT)

Lakk	Maqaa	Gahee Hojii
	Ob. Roobsan Birraa	Qindeessaa
	Ob. Laggasaa Baqqaanaa	Miseensa
	Ob. Wanduu Tsaggaa	Miseensa
	Ob. Asmaraa Abbabaa	Miseensa
	Ob. Saamu’eel Makonnin	Miseensa
	Ob. Addisuu Birhaanee	Miseensa fi Barreessaa

Seensa
Motumman Naannoo Oromiyaa bakka hanqinni gabaa sochii diinagdee keessatti mul’atutti, keessattu, gama waliin gahinsa bu’uraalee miisoomaa guutuun misooma ariifachiisaa fiduf dhaabbiilee Ijaarsa bu’uralee miisoomaa irratti hirmaatan hedduu hundeesseera, hundeessaas kan jiru yoo ta’u, Intarpiraayiziin Ijaarsa Daandiiwwan Oromiyaas isa tokko dha.

Intarpiraayiziin Ijaarsa Daandiiwwaan Oromiyaa hojiiwwan ijaarsaa qulqullina qaban hojjechuf kaayyeeffatee kan hundeeffame dha. Kaayyoowwan hundeefameef kana galmaan gahuuf meeshaalee riiformii addaa addaa bu’aa raawwii hojii daran dabalan fi itti quffinsa lammiilee mirkaneessan hojii irra olchun barbaachisaa dha. Kana keessaas, Sirni Madallii Bu’aa Karoora Tarsiimoo (SMBT/BSC) bu’aawwan hojii gama kallattii maamilaan, faayinaansii, adeemsa hojii keessaa fi gama ijaarsa dandeettitiin madaalun foyya’iinsa raawwii hojiitiif gummaacha guddaa waan taasisuf kanuma qorachun hojii irra olchun kan wal-nama gaafachisu miti.

Addunyaa guyyaa guyyaan jijjiiramaa deemu kana keessatti madaalliin bu’a hojii kallattii faayinaansii qofa irratti xiyyeeffate gaggeeffamaa ture, hojiilee bu’aa fiduu danda’an kan akka -ogummaa, dorgomaa ta’uu danda’uu fi kaka’umsa hojjatootaa, teekinoloojii odeeffannoo, adeemsaalee hojii gahumsaa fi bu’aa qabeessummaa qaban, kalaqa omishaa fi kenniinsa tajaajilaa, walitti dhufeenya fi amanamummaa maamilaatiif qaban, gaggeessummaa siyaasaa fi milkaa’ina hawaasummaa bu’aa barbaadame irra ga’uun hin dandeenye. Rakkoo kana hiikuuf akka gargaaru bu’aalee guyyaa guyyaan dhufaa jiru safaruu fi madaaluun tarkaanfii sirreeffamaa fudhachaa deemuun murteessaa dha. Kanaafu, Sirni Madaallii Bu’aa Karoora Tarsiimoo (SMBKT /BSC) rakkoolee gama kanaan mudatan hiikudhaaf akka falatti yaadamee kan jalqabamee dha.
Sirni Madaallii Bu’aa Karoora Tarsiimoo (SMBKT /BSC)’n raawwii hojii madaalun cinaatti ijaarsa fi akkaataa hojii irra oolmaa tarsiimoo haaraatiif gumaachuu fi dhaabbileen tarsiimoo isaanii hojiilee guyyaa guyyaa adeemsaalee hojii, garee fi nama dhunfaa waliin walitti hidhanii itti fayyadamuu isaaniif, akkasumas meeshaa hoggansaa fi qunnamtii ta’uudhaan kan tajaajiluu dha.

Haaluma kanaan, SMBKT/BSC qophaa’e kunis Karoora Guddinaa fi Tiraanisfoormeeshinii yeroo lamaffaaf Daandii, Bishaan, Misooma Magaalotaa, Barnoota, Fayyaa fi kkf karoorfame irratti kan hudaa’eedha.

Sirni madaallii akka IIDO tti qophaa’ee kun sadarkaa ijaarsaa Ja’a fi sadarkaa hojirra oolmaa sadi qaba. Haaluma kanaan sadarkaa 1^ffaarrattii, haal duree fi sakkatta’insa mana hojii, sadarkaa 2^ffaarratti tarsiimo’aa Intarpiraayizi qopheessuu, sadarkaa 3^ffaarratti kaayyolee Tarsiimo’aa qopheessuu, sadarkaa 4^ffaarratti maappii Tarsiimo’aa walitti hidhamiinsa kaayyolee qopheessuu, sadarkaa 5^ffaarratti safartuulee Tarsiimo’aa qopheessuu, sadarkaa 6^ffaarratti tarkaanfilee tarsimoo’aa qopheessuu, sadarkaa 7^ffaarratti sirna ragaa raawwii diriirsuu (Automation) sadarkaa 8^ffaarratti sirna madaallii bu’aa karoora tarsiimoo gadii buusuu(cascading) fi sadarkaa 9^ffaan sirna hordoffii, deggarsa, gamaaggamaa fi duub-deebii (Monitoring and Evaluation System) of keessatti hamate dha.

1.