Şəkil 2. Atı parçalayan aslan (XIX əsrə aid Qacar xalçası,175x118 Cleviland Museum of Art)
Yolbars, ayı və aslan. Yolbars qutlu bir heyvan kimi divlə (Yılbegen) ilə qarşılaşmaq məqsədilə yola çıxmağa hazırlaşan igidə deyir: «İgid, divə çatmaq üçün 7 gün yol gedəcəksən. Yolda ayı, aslan və yolbars görəcəksən. Onların üzünə baxmadan yoluna davam elə». Ancaq yolda yolbars gəncə yaxınlaşıb ona məsləhətlər verir, qutlu (müqəddəs) bir heyvan kimi çıxış edir.
Qaplan dərisinə bürünmüş dərvişlər. «Qaplan dərisi geyənlər, gəlin, gəlin, duruşalım!..». Koroğlu belə deyərdi. Anadoluda, özəlliklə də İstanbulda keşidləri təsvir edən miniatürlərdə aslan dərisinə bürünmüş dərvişlərə sıx-sıx rast gəlinməkdədir.
Aslanlar və vəhşi heyvanlarla yoldaş olma. «Kara-Kükül adlı igid səhrada aslan və ayılarla yoldaş oldu. Atası odun istədi, ayı ilə aslan ona odun gətirdilər və aş bişirdilər»…
Qoçu (Turfan) dağında qaplan yox! Uyğur mətnlərində rastlanmış bir atalar sözündə belə deyilir: «Qoçu dağında qaplan yox, quyu yox, balıq yox»… (Ögel B., 1995, s. 535-536).
Şəkil 3. Üzərində çöl atının aslan tərəfindən parçalanması motivinin də yer aldığı Azərbaycan xalçası (XVIII əsr)
