Sorğu-sual protokolu

Sorğu-sual protokolu

3 noyabr 1937-ci il, Mən - 6-cı şöbənin kiçik leytenantı Ustinov

1. Soyadınız-Rəsulova

2. Adınız və atanızın adı - Ümbül Banu Əbdül Əziz qızı

3. Doğum tarixiniz - 1888-ci il, Bakı

4. Ünvanınız - Bakı şəhəri, Qasım İsmayılov küçəsi, 129

5. Milliyyəti və vətəndaşlığınız - azərbaycanlı, SSRİ

6. Pasport 20.12.35. 5 şöbə BQM J2 101609

7. Məşğuliyyəti - yoxdur

8. Sosial durumu - fəhlə deyil

Ailə tərkibi-5 nəfər. Anası Musa qızı 1871; qızı Xalidə 1916; oğlu Azər 1921 və həyat yoldaşı Rəsulov Məmməd Əmin - xaricdə, Türkiyənin Konstantinopol şəhərindədir.

Təhsili - azsavadlı

Partiyalılığı - üzv deyil

Günahlandırılan şəxsin ifadəsi

3 noyabr 1937-ci il

Sual: Həyat yoldaşınız Məmməd Əmin Rəsulovun hal-hazırda harada olması barədə məlumat verin.

Cavab: Mənim həyat yoldaşım Rəsulov Məmməd Əmin 1920-ci ildən xaricdə -Türkiyənin Konstantinopol şəhərində yaşayır, inqilabdan sonra ora qaçıb.

Sual: Həyat yoldaşınızla əlaqəniz olubmu və necə?

Cavab: Bəli, 1924-cü ilədək. Həyat yoldaşımla məktub vasitəsilə əlaqə saxlamışam, 1924-cü ildə ondan 18 dollar pul almışam, amma 24-cü ildən sonra onunla heç bir yazışmam olmayıb.

Sual: Həyat yoldaşınızla yazışmanı niyə dayandırdınız?

Cavab: Həyat yoldaşım mənə uşaqlarla bağlı yazırdı və biz onların gələcəyini korlamamaq üçün məktublaşmağı dayandırmağı qərara aldıq.

Sual: Ailə tərkibiniz haqqında ətraflı məlumat verin.

Cavab: Ailəm 5 nəfərdən ibarətdir. Ümbülbanu, anam Maral Musa qızı, qızım Xalidə, oğlum Azər və Türkiyənin Konstantinopol şəhərində yaşayan həyat yoldaşım Rəsulov Məmməd Əmin.

İmza: Rəsulova

Sual: Deyin, bizə saydıqlarınızdan başqa ailə üzvünüz varmı?

Cavab: Başqa heç kəs yoxdur.