SosiologiYA. Sosial psiXologiYA. Sİyasət sociology social pshychology politics 2022 Cild 2, n 3

SOSĠOLOGĠYA. SOSĠAL PSĠXOLOGĠYA. SĠYASƏT
SOCIOLOGY. SOCIAL PSHYCHOLOGY. POLITICS 2022 Cild 2, N 3 
8-15 
 

---

~ 14 ~ 
Əliyevin hakimiyyəti dövründə əsası qoyulan bir siyası xətt kimi xarakterizə olunsa da, ondan sonra 
ölkəni idarə etməyə başlayan davamçısı cənab İlham Əliyev tərəfindən layiqincə davam 
etdirilmişdir. Sözügedən sahədə daim davamlı, mütərəqqi islahatlar həyata keçirilir, qanunvericilik 
bazası təkmilləşdirilir, cəmiyyətin həssas təbəqəsinə daxil olan üzvlərin lehinə qanun, əmr və 
sərəncamlar qəbul olunur. Bütün dünyanı əhatə edən və ölkəmizdən də yan keçməyən yeniləşmə, 
inkişaf, tərəqqi strategiyalarına müvafiq olaraq bəhs etdiyimiz kateqoriyaya daxil olan fərdlərin 
müasir tibbin ən son yeniliklərindən istifadə edə bilməsi, onların sosial təminatının, sosial rifah 
səviyyəsinin yüksəldilməsi, sosial və digər bazalı problemlərinin həll edilməsi aparılan dövlət 
siyasətinin əsas istiqamətini təşkil etməklə bu gün dünya ölkələrinin əksəriyyətinə örnək təşkil edir. 
Ümumiyyətlə Azərbaycan Respublikası son dövrlər dünya arenasında özünə layiqincə yer qazanmış 
və dünyanın inkişaf etmiş hegemon dövlətlərinin sadiq müttəfiqinə çevrilmiş, bir sıra nüfuzlu idman 
və ya musiqi müsabiqələrinin keçirilməsində yüksək səviyyəli təşkilatçılıq nümayiş etdirməklə 
müstəqilliyini yeni əldə etmiş, hələ inkişaf etmək yolunda irəliləyən bir dövlətin nələrə qadir ola 
biləcəyini gözlər önünə sərmişdir. Məhz bunun məntiqi nəticəsi olaraq istənilən kateqoriyadan olan 
Azərbaycan Respublikası vətəndaşları dövlətin tam diqqət və qayğısını daim öz üzərlərində hiss 
etmişdirlər. Biz xüsusilə buna gəncləri, sağlamlıq imkanları məhdud şəxsləri, idmançıları və s. aid 
edə bilərik. Dövlətimizin 90-cı illərin əvvəllərindən etibarən həyata keçirdiyi uğurlu siyasətin 
mərkəzində insan faktoru, insan kapitalı dayanır. Belə ki ulu öndər Heydər Əliyevin dövründən 
etibarən dövlət idarəçiliyində əsas məsələlərdən biri neft kapitalının insan kapitalına çevrilməsi 
kimi müəyyənləşdirilmişdir. Yeni iş yerlərinin açılması, gənclərin işlə təmin olunması, dövlət 
idarəçiliyində onların rolunun artırılması, gənclərin milli-mənəvi dəyərləri mənimsəməsi üçün 
vətənpərvərlik ruhunda tərbiyə olunması, gənclərin təşkilatlanmasının təmin olunması ölkədə 
mövcud olan əsas siyası xətlərdən yalnız bir neçəsi idi. Hər bir vətəndaşın cəmiyyətə qazandırılması 
üçün təhsilin əlçatanlığının təmin olunması, mənzil-məişət şəraitinin yaşılaşdırılması üçün maddi 
dəstək göstərilməsi, həssas təbəqəyə daxil olan insanların məşğulluğunun təşviq edilməsi məqsədilə 
əmək müəssisələrinə kvotanın tətbiq olunması, asudə vaxtlarının səmərəli keçirilməsi üçün 
infrastrukturun təkmilləşdirilməsi Azərbaycan Respublikasında son dövrlərdə həyata keçirilən 
mütərəqqi islahatların yalnız bir qismidir. Bütün bu qeyd etdiklərimiz təbii ki qeyd-şərtsiz olaraq 
xromosom anomaliyası ilə dünyaya göz açan vətəndaşlarımıza da şamil edilir. Təsadüfi deyil ki, 
ölkəmizdə həril 3 dekabr günü əlilliyi olan şəxslərin müdafiəsi günü kimi qeyd olunur. Ölkə başçısı 
cənab İlahm Əliyev demək olar ki, bütün çıxışlarında Azərbaycan Respublikası ərazisindəki bütün 
sağlamlıq imkanları məhdud şəxslərin cəmiyyətdə fəal rol oynaması və təcrid olunmasının 
qarşısının alınmasını əsas prioritetlərdən biri kimi qiymətləndirir.