Spread the invitation of madni sms islamic group

AS-SALAM ALAIKUM!

ST SMS GROUP (ISLAMIC SMS)

TOPIC "MADAD"

SMS (1-27)

SPREAD THE INVITATION OF MADNI SMS ISLAMIC GROUP

-----------------------------------------------
MADAD@1

Allah Wahdahu Lasharik hy.Zaat, Sifat, Af'aal, Ehkam,

Asma may iska koi Sharik, Sajhi w Hamsar nhi.

Wajibul Wujud, Qadeem, Baqi, Azali, Abadi, Beyparwa hy.

Wahi iska Mustahiq hy k uski Ibadet w Paristish ki jaey

Wahi khaliq e Haqiqi hyTamam jahan uski Muhtaj aur uski Zaat ka Idrak Aqalan Mahaal

MADAD@2

Koi Musalman kisi banday ko Allah ki Misl, Uski Manind ya us k bagair Madadgar nhi samajhta.

Or Allah k Izan w Ata sy honey wali madad goya Allah he ki madad hy.

Kainat ka koi B zarra Allah ki marzi w hukum k bagair madad nhi kar sakta.

Khaliq apnay Mehbubon ki Dua w Wasilay ko qabul farmata hy.

or aisa krnay may wo majbur nhi bal k jab wo kisi ko Mehbub banata hy

to apni sifat ka inko mazhar bana k unki bat ko Qabul farmata hy

(Bukhari w Musim)

MADAD@3

Sunniyon ka Aqeeda.

Allah ki tamam sifaat Haqiqi, Daimi,

Mustaqil or Qadeemi hain.

Or jb in sifat ki nisbat Bandon ki taraf kartay hain to in sy murad

Aarzi,Ataai,Majazi aur Haadis hain

Munkireen sy sawal hy k hamarey is aqeeday may kia suqam or buraee hy?

Khaliq w Makhluq aur Maabud w Aabid k farq w faslay k sath kisi ko

Allah ki sifat ka mazhar jan'na kia Shirk w Kufr hy?

Para 6 ruku 12

Allah ka Daste Aqdas kushada hy jisay chahey Ata farmata hy

MADAD@4

Hamara Aqeeda e Ataai Qur'an sy ibaret hy

Allah apnay mehbubon or maqbulon ko her qisam ki Taqet,

Ikhtiyarat w Tasarrufat Ata frmata hy

Para2 ruku15

Bandon ko Zameen ka Malik

Para8 ruku4

Bandon ko zameen ka Waris

Para17 ruku5

Pahar or janwer bandon k tabe'a

Para5 Ayet11

Banday ko Rauf w Rahim

Para12 Ayet61

Bandon ko Wali w Madadgar

Para3 Ayet49

Banday ko murda zinada karnay wala, bey jan may jan dalnay walaWgera

BESHUMAR ATAE ILAHI K NAMUNEY HEN

MADAD@5

Nabi pak k ikhtiyarat k hawaley sy hamara Aqeeda

Quraan w Hadees k ain mutabiq hy

"Allah k Izn w Ata sy Takween may Huzur Mukhtare kul hain.

Allah ki mumlikat k malik, mutasarrif w mudabbir e Aazem hain.

D1-Apnay fazal sy Ghani kartay hain(toba #74)

D2-Neamat bakhstay hain(ahzab #37)

D3-Tamam jahanon k liye Rehmat hain(anbiya # 107)

D4-Ineh beshumar khubiyan ata ki gaee hain(Kosar #1)

D5-Momineen ki jan sy ziyada malik hain(ahzab #6)

MADAD@6

Jahan tak ta'alluq hy hamarey Aqeeday

Ya Rasulallah pukarnay k jawaz ka to

Is k suboot may Aayat w Ahaadees k jo anbar hain

uneh apnay dawey ki daleel py peash krnay sy

Qabal

Munkireen sy sawal hy k

Agar koi

HUZUR alaehi salamko Seega e Nida sy Bulaey to us py kia hukum hy

aur pukarey to us py kia hukum?

Neez wo ye B bata dain k Arbi Zaban may Nida k liye kitnay Seegay hain

aur in may Huzur k liye koan koan sy Jaiz or Baqi k liye kia hukum?

Madad@7

Ulama e Balaghat w Ma'ani

(Allama Taftazani etc) farmatay hain

Asnad (Nisbat) ki 2 Aqsam hain

1-*HAQIQAT E AQALIYA*

(yani kisi Feal ki Nisbat Asal Fa'il ki Taraf ho)

Jaisay kaha jaey,

Allah nay Sabza ugayaYa Allah ny Mareez ko Shifa DYa

Meamaron ya Mazdooron ny Shehar ko banayaYa

Allah nay Doobtay ko bachaya

Ya Allah nay Dadrasi ki

2-*MAJAZ E AQALI*(yani Feal ki Nisbat Asal Fa'il ki Bajaey

Mutaliqat ki taraf ho)

Jaisay kaha jaey,

Maosam e Bahar nay Sabza ugaya

Ya Doctar nay Mareez ko Shifa D

Ya Ameer ya Hakim nay Shehar ko tameer kia

Ya Tairak nay Doobtay ko bachaya

Ya Wakil nay Dadrasi ki

Madad@8

Momin ka Eeman hy k Sabza ugana

Allah ki sifat,

Pas jab Nisbat Allah fail e Haqiqi ki taraf ki gaee

to isay Haqiqat e Aqaliya kaha jaey ga

Isi tarah shifa deanay wali zat Allah ki,

Haqiqi Dad ras Allah he hy.

Aur ye nisbat B Haqiqat e Aqalia hy

Isi tarah haqiqatan Shehar ki tameer meamaron aur mazduron ka kam hy

magar chun k Ameer aur Hakim sabab hain,

un k kehnay per Shehar Tameer kia gaya,

is liye majazan Tameer ki nisbat unki taraf kr D gaee

MADAD@9

Agar Momin kahay Maosam e Bahar nay Sabza Ugaya

to wo kafir o Mushrik na hoga

Q K Momin ka ye Aqeeda hay k Sabza uganay ka Asal Fail o Khaliq Allah he hay maosam e Bahar ki Haqiqi sifat nahi,

bal k Allah nay usay ye sifat ata ki hy

Pas ye Nisbat majazi hay aur isay majaz e Aqali kehtay hainLekin yahi bat Mushrik kahey

to ye kufria shirkiya jumla hay.

Q k kehnay wala sabzay ki pedaish ka haqiqi sabab BAHAR ko manta hay uska ALLAH per eeman naHi.

MADAD@10

Momin agar kahey k Dr. ny Shifa D to uska Aqeeda hy

fil waqey Shifa dena Allah ka kam hy.

Dr. chun k shifa ka sabab bana hy is liye

majazi tor pr uski Taraf Shifa ki nisbat kr D.

Aur Kafir chun k Allah ki Taseer ka Qail he nahi pas

uska ye kehna k Dr. ny Shifa D, ye Shirkiya jumla hoga.

Ba'aeni he kafir ka Qoal k Tairak ny Doobnay sy bachaya,

kufriya Jumla, jb k Momin ka yoon kehna k

Tairak ny Doobnay sy Bachaya,Majaz e Aqali

aur Durust hy

MADAD@11

Ab agar koi Momin Qur'an o Hadees ki roshni may

Toheed per Eeman rakhtay huwey kahey k

Anbiya o Aoliya ny Madad ki, Shifa D, Rooh phunki,

Aolad D, Murda Zinda kia ya Beenai D,

To uska Emandar hona is bat ki alamat hy k

is k nazdeek Karsaze Haqiqi, Maqasid ka poora karnay wala,

Hajatain Bar lanay wala ALLAH he hy.

In umoor ki nisbat Anbiya o Aoliya ki taraf

Majaz e Aqali k Toar pr ki gaee hy.

K wo Maqasid k poora honay k liye Sabab o Wasila hain

Madad@12

In Aayat pr Ghoar Karen.

1# Bey Shak Allah Logon pr Rauf o Rahim Hy

(Baqara 143)

2# Mominon pr (RASUL) Rauf o Rahim Hain

(Taoba 128)

3# Musalmanon ka Madadgar Allah Hy

(Muhammad 11)

4# Bey Shak Allah inka Madagar hy aur Jibrael aur Neak Momineen Madadgar Hain

(Tehreem 4)

5# Allah Mominon ka Wali hy inko Zulmat sy Noor ki Taraf Nikalta Hy

(Baqara 257)

6# Ta k Aap (Aey Mehbub) Logon ko Zulmat sy Nikal kr Noor ki Taraf lay Jaen.

KIA TATBEEQ HOGI ?

Madad@13

Tatbeeq ye hy k

Allah ki Sifat Zati aur Haqiqi jb kNabiyon aur Waliyon ki Sifat Ataee aur Majazi hain

QUR'AN ki 50 sy Ziyada Aisi Aayat hain

Ye Farq Wazeh honey k bad Nateeja nikla k

Hajat rawaee aur Mushkil kushaee krna,

Zulmat k Aseeron w Qaidiyon ko Noor ka Safeer w Mehman bana daina,

inko Sirat e Mustaqeem pr chala dena ye Allah k Izan sy Nabi o Wali B kartay hain

bal k Allah ny inki Duty laga rakhi hy.

Yaqeenan Wajibul wujud wala Wasf Majazan nhi dia ja sakta,

Mustahiq e Ibadat wala wasf Ataee nhi ho sakta

Magar Madad karna Allah k Izan sy Nabiyon aur Waliyon Ka

MANSAB e Ataee w Majazi hy

Madad@14

Makhkluq bal k un k Tabarrukat ko

Allah ki Madad ka Mazhar Samajhna

Qur'an o Sunnat sy Ibarat hy.

Aqeeda ye ho k Makhluq ki Madad Allah he ki Taofiq o Izan sy hy.

Jis weqt Hazrat Yaqoob ki beenaee ja chuki thi,

to un k Betay Hazrat Yousuf ny apnay Bhaiyon ko Misar sy 1 Tuhfa day kr bheaja,

aur un sy farmaya,Jisko Qur'an Bayan karta hy"Meri ye Qameez lay jao,

isko Meray Walid k chehray par Dal dena, Inki Aankhen Roshan ho jaen gi"

(aur Beenaee Loat Aaee)

(YOUSUF # 93)

Ye Allah he ki Shan hy k wo Apnay Nabi ki Barkat sy 1 Qameez ko

jab Nawazta hy to us sy Apni Qudrat w Fazal ka Izhar farmata hy

Madad@15

Makhluq k kisi bhi Fard sy Madad chahna

Ya Makhluq k kisi fard ka kisi ki Madad karna,

Is Aqeeday ki Bunyad pr k

Mutasarrif Biz'zat to Allah he ki Zat hy,

Ye Wali ya Nabi to Allah ki Zat ka Mazhar hain,

Haqiqat may ye Allah he ki Madad hyYahi Wajah hy k

Soore Namal Aayet 40 may

Hazrat Sulaiman

ny Apnay 1 Wazeer (jo Aalim w Wali they) k zarye,

2 Maah ki Musafat sy, 1 Wazni Takht mangwaya.

Aankh jhapaknay sy Qabal wo Takht jb unki Bargah may Aaya

To Hazrat Sulaiman ny Frmaya

"Ye sab kuch meray Rab k Fazal ki wajah sy hy"

Yani isko lanay wala to mera 1 Ghulam hy lekin

Taqat is may Allah he ki hy.

Madad@16

Hamara Eeman hy k

Agar Allah Na Chahey to

Makhluq sy zarra bhar B Faida Nhi ho sakta

Aur agar Allah apnay Izan sy jo Chahey to

Makhluq k kisi Fard sy B Faida Dilwa sakta hy.

Isko Allah he ki Madad Shumar kia jaey gaBadar k Maidan may Bazahir Madad Farishtay kr rahay they

Magar Allah ny Farmaya

"Ye Madad Allah ki he hy"

(Aale Imran #136)

Goya Farishton ki Madad Haqiqat may Allah ki Madad thi

Wo Allah ki Madad ka Mazhar aur Majazan Madadgar They

Madad@17

Ibadat may 2 Qismain nhi hoteen, aur Ibadat Majazi hoti he nhi

Magar Madad Haqiqat o Majaz may Taqseem hoti hy.

"IYYAKA NASTAEEN"Ki Tafseer may

Shah Abdul Aziz Muhaddis Dehalwi farmatey hain k

"Allah k siwa Gair sy Madad Mangna us gair ko Mustaqil Bizzat samajh kr,

k wo Allah ki Marzi k Bagair Apnay Pas sy kr raha hyye HARAM hy

Magar koi kisi Nabi ya Wali ko Allah ki Zat ka Mazhar jan kr

un sy istiaanat chahta hy to ye Baat Marfat say Door nhi aur JAIZ hy

Allah ko Qadir e Mutlaq samajh kr Gair ko Allah ki Madad ka Mazhar

jan kr Madad talab karna ye Tariqa e Anbiya o Aoliya hy"

(Tafseer Azizi)

Madad@18

Allah Pak Farmata hy

"Ay Eman Walon, Allah k Madadgar Ban jao"

Sawal paida hota hy k Banday kaisay Madadgar hon?

To Khud Allah pak Tariqa samjhata hy k

"Jis tarah kaha tha Eesa Bin Maryam ny apnay Hawaryon sy, Kon hy Mera Madadgar Allah ki Traf? Hawaryon ny Jawab diya, Hm Allah k Madadgar hain"

(Saf #14)

Yani ye Madad ka Tariqa naya Nhi. Murdon ko Zinda karnay walay Ruhullah ny B Bandon sy Madad Talab ki thi. Bandon sy Madad Talab krna agar Jaiz na hota to Hzrat Eesa kabhi na kartay aur Na kabhi Qur'an isko bayan karta. Bandon ko Taqat Allah he ny D aur in sy Mangna khud ALLAH sy Talab krna hy

Madad@19

Allah pak ny Apnay Maqbul Banday Hazrat Sikandar Zulqarnain pr 1 Zimaydari Aaid farmai

k wo Fasadi Qoam Yajuj, Majuj k Aagey 1 Aisi Deewar Tameer frma dain k Qaome Yajuj Majuj Qayamat tk k liye Qaed ho jaey

Ab Zulqarnain ny apnay sathiyon sy kaha,

Jisay Qur'an Bayan krta hy

"logon wo kam jiski Rab ny Mujh pr ZimayDari lagai hy usko Agar Acha Samajhtay ho to

POORI QUWWAT SY MERI MADAD KARO"

(Kahaf #95)

Zulqarnain Jantay they K Allah ny Jis Kam pr meri Duty lagai hy us k liye khud B Madad Frma Skta hy Mgar inka Amal in k is Aqeeday ka Ghammaz hy k Bandon ki Madad, Haqiqat may Allah he ki Madad hy

Madad@20

Allah ko Haqiqi Mueen, Mughees, Musta'an, Mujeeb o Madadgar Man kr Majazan kisi kam k liye kisi Banday sy Ruju krna Ikhtiyar e Asbab k Ziman may Aaega

Qur'an may kai bar Momineen ko Apas may Aik Dusray ki Madad ka Hukum Diya gya hy

"Neki w Parhezgari pr Aik Dusray ki Madad kia kro aur Gunah w Zulm pr Aik Dusray ki Madad Na kro"

(Maida #2)

Allah Tamam Musalmano ko aik dusray ki Madad w Ta'awun e Ba'hami ka Hukum farma rha hy, Zahir hy ye Tabhi mumkin hy k Baz Pasmanda Hal, Khush Hal Momineen sy Madad mangain

Ye Hukum Chun k Alal-Itlaq hy lihaza Maaddi w Ruhani sb Muamlat is Hukum may Shamil hain

Madad@21

Allah Frmata hy

"Agar Wo Deen may Tum sy Madad Chahain to Tum pr Madad daina Wajib hy"

(Anfal #72)

Hm Rozana Sainkron Muamlat may Aik Dusray ki Madad kartay aur Mangtay hain aur agar iski Afadiyat sy inkar kr diya jaey to Nizame Zindagi Darham Barham ho jaey.

Bachpan, Jawani,Burhapay, Beemari , Jang, Hawadis Algarz Zindagi k hr Marhalay pr Insan Aik Dusray ki Madad ka Muhtaj hy aur Hamara Baham Aik Dusray ki Madad krna Hukm e Rabbani ki Tameel

Madad@22

Istaghasa aur Istiaant ka Matlab Madad Talab krna hy

Jahan ye Donu lafz Qur'an may Allah sy Madad Talab krnay k liye Mutaddid bar Aaey wahan Bandon k liye Majazi Manon may istimal huwey

Hazrat Moosa sy 1 Fard ka Madad Mangna aur Apka uski Madad krna, is Waqiey ko Qur'an ny Lafze ISTIGHASA sy zikar kia hy

"To Jo Shakhs inki Qoam may sy tha, us ny Dusray shakhs k Muqablay may, jo Moosa k Dushmanon may sy tha, Moosa sy Madad Talab ki"

(Qasas #15)

Madad@23

Istighasay ki 2 Surtain ho sakti hain

Istighasa Bil Qaol

Istighasa Bil Amal

1# ISTIGHASA BIL QAOL

Mushkil Halaat may ghira huwa Shakhs agar Apni Zuban sy Alfaz Ada kartay huwey kisi sy Madad Talab karay

Qur'an may Hzrat Moosa k Hawalay sy Istighasa Bil Qaol ki Misal Yoon Mazkur hy

"Aur Ham ny Moosa k pas (ye) Wahee Bheaji Jb us sy uski Qoam ny Pani Manga k Apna Asa Pathar pr Maro"

(Aaraf #160)

Allah Qaome Moosa k Istighasay pr khud Hazrat Moosa ko Izhar e Mojiza ki Takeed farma kr ye samjhata hy k Haqiqi Kaarsaz to may hun, magar Izhar e Mojiza k liye apnay Ikhtiyarat Moosa may Tafweez krta hun

Madad@24

2# ISTIGHASA BIL AMAL

Musibat k weqt Zuban sy kisi qisam k Alfaz ada kiye bagair, kisi Khas Amal aur Zuban e Hal sy Madad Talab krna

Qur'an may Gaey (Baqara) k hawalay sy Istighas bil Amal ki misal Mazkur hy, lafz e Istihasa mazkur nhi.

"To Hm ny Farmaya k is Maqtul ko Gaey k kisi Tukray sy Maro. Yoon Allah Murdon ko Zinda krta hy"

(Baqara #73)

1 Maqtul jis k Qatil ko Talash krna tha, 1 Maqbul Banday ki Zibah ki huwi Gaey k Tukray ko Maqtul k jisam pr Marnay ka Hukum diya gya. Jb wo Tukra Maqtul k Jisam ko laga to Maqtul Yakdam Zinda ho gya aur Qatil ka Naam Bata kr Sb ki MushkilKushai kr dee.

Madad@25

Istighasay ki Behas may

Asbab k Ziman may

Umoor ki 2 Qismain hain

1# Umoor e Aadiya/

Ma Tehtul Asbab

2# Umoor e Gair Aadiya/

Ma Faoqul Asbab

@Wo kam jo Bil umum Asbab k Zarye sir injam patay hain, ya jin kamon ka Aam Zarayon sy wuqu ya Zuhur Mumkin ho, in Asbab e Aadiya ko Ikhtiyar krtay huwey Madad Chahna yo Hona

"MA TEHTUL ASBAB"hy

Jb k wo Kam jis k Asbab Hamain Zahiri Toar pr Nazar Nhi Aatey ya Aam Zarayon sy jiska Wuqu ya Zuhur bazahir Namumkin ho ya wo kam jo Umumi Asbab sy Hat kr Sir Injam Patay hain in Asbab e Gair Aadiya ko Ikhtiyar kartay huwey Madad Chahna ya Hona

"MA FAOQUL ASBAB"hy

Madad@26

Hazrat Jibrail Jb Allah k Izan sy Hazrat Eesa ki Wiladat k Silsilay may Hazrat Maryam k Pas Insani Roop may Aaey to Un sy Kaha

"(Jibrail ny) Kaha May to Faqat Tearay Rab ka Bheaja Huwa hun (is liye Aaya hun) k May Tujhey 1 Suthra Beta Ata karun"

(Maryam #19)

Shadi aur Azdwaji Zindagi k Bagair Betay ka hona aur Jibrail ka is pr ye kehna k May Tujhey Pakiza Beta Dun, ye MA FAOQUL ASBAB Umoor may Madad ki Buhat Bari Qur'ani Misal hy. Aur Asbab e Aadiya k Bagair is Dunya may iska Tasawwur B Mahal hy Hamara Aqeeda yahi hy k Ma Tehtul Asbab ho Ya Ma Faoqul Asbab, Makhluq ki Madad Ataai w Majazi he hy

Madad@27

Hzrat Eesa ny jb Apni Qoam k Samnay Eala e Haq kia to Ap ny unko Mukhtalif Moajizat Dikhaey

(Aale Imran #49) may Hzrat Eesa ny 5 Ma Faoqul Asbab o Fitrat Aamal ki Nisbat Apni Janib ki

1-Matti sy Parinda Bana kr isay Zinda krna

2-Madarzad Andhey ko Beena krna

3-Bars (Safaid Dagh)ka Ilaj krna

4-Ihya e Maota (Murdon ko zinda krna)

5-Ghaib ki khabren Sar e Aam Btana

In Umoor may Agar Banday sy Madad Talab ki jaey to Mangnay wala phir B Insan Rehta hy, magar Apni Taraf in umoor ka Mansub krna, Bazahir ye Sra sar Khuda Ban'nay k Mutaradif hy. Lekin ye Nabi ka Qoal aur Ma Faoqul Asbab k Makhluq ki taraf Mansub karnay ki Qur'ani Daleel hy .

Faail e Haqiqi Allah hy Wahee Karsaz e Haqiqi hy.

Usul aur Zabta ye Huwa k Aisay Alfaz ka istimal Majazan Jaiz hy