“Konstruktor sənədlərinin texnolojiliyinə nəzarət”
Konstruktor sənədlərinin texnolojiliyinə nəzarət ГОСТ 2.121-83-ə əsasən
aparılan elə nəzarət nəzərdə tutulur ki, kontruktor sənədlərinin texnolojiliyinə
və bu standart üzrə verilən tələblərə uyğun tərtib edilməsi yoxlanılır. Məmulun
konstruksiyasının texnolojiliyi kontruksiyanın ümumi xassələrini: istehsal
xərclərinin azaldılmasını, istismar və təmir keyfiyyətinin optimallığını,
istehsalın həcmini və iş şəraitinin vəziyyətini xarakterizə edir. Məmulun
kontstruksiyasının texnolojiliyi bir çox istehsal və texniki tələbləri özündə
birləşdirdiyi üçün onları aşağıdakı təsnifata ayırmaq olar:
1. Məmulun
konstruksiyasının istehsal texnolojiliyi. Bu sahədə
konstruksiyanın layihə edilməsində standart və unifikaisya edilmiş detal və
yığma vahidlərindən istifadə edilməlidir ki, son nəticədə konstruksiyanın
layihələndirilməsi az əmək sərf etməklə tez bir zamanda yerinə yetirilsin.
2. Məmulun
konstruksiyasının istismar texnolojiliyi. Bu sahədə
konstruksiyada texniki xidmət və onlara sərf edilən vaxtın azaldılması,
idarəetmənin asan və rahat olması, cari təmir təmir texnologiyasının işlənməsi,
təmir xərclərinin ümumilikdə azaldılması üzrə işlər nəzərdə tutulur.
Konstruksiyanın texnolojiliyinə işlənməsinə verilən əsas məsələlərdən biri
də məmulun növü, istehsal həcmi və istehsalın tipidir.
Məmulun növü , hazırlanan məhsulun konstruktor və texnoloji əlamətləri
və texnolojiliyə verilən tələbləri müəyyən edir.
Dostları ilə paylaş: | 
