Ölçü avadanlıqları və ölçmənin yerinə yetirilməsi metodikası. Bu halda
son nəticədə tələb edilən ölçü dəqiqliyini təmin edən ölçmə metodu və ölçü
vahidlərinin seçilməsi aparılır:
1. Ölçmə metodunun aparılması və attestasiya metodikasının tərtib
edilməsi. Bu halda nəzərə almaq lazımdır ki, standartlaşdırılmış və unifikasiya
edilmiş ölçü vahidlərindən istifadə edilsin.
2. Ölçmə vasitələrinin əməliyyatlar üzrə verilən dəqiqliyin təmin edilməsi
ilə ölçmənin məhsuldarlığı, onun maya dəyəri, həssaslığı və s. göstəricilərinin
qiymətləndirilməsi.
Metroloji ekspertiza metroloji xidmət təşkilatları və onların bölmələri
tərəfindən tərtib edilmiş metodikaya əsasən aparılır. Metroloji ekspertizanın
nəticəsi ekspert-metroloqlar keçirilərək rəy hazırlanır. Rəyin nəticəsinə görə
ölçü vahidləri və ölçmə metodikasının qiymətləndirilməsi aparılır. Buraya
əsasən yoxlama barədə qərar çıxarılır.
Ümumilikdə metroloji ekspertizanının aparılmasında əsas məqsəd ölçmə
vasitələri və ölçmə prosesinin aparılmasında ölçmənin vahidliyi (eyniliyi) və
dəqiqliyi ilə əlaqədar tələblərdən düzgün istifadə edilməsinə nəzarətin ekspert
metroloqlar tərəfindən qiymətləndirilməsidir. Məhsulların ekspertizasının
keçirilməsi onun bütün həyat dövrünün layihələndirilməsi, hazırlanması,
ölçmənin aparılması, yığılması, sınağın aparılması kimi bütün mərhələləri
əhatə edir.
