Standart və məhsul sənədlərinin işlənməsi və ekspertizası
Yüklə 0,53 Mb. Pdf görüntüsü
|
|
“Konstruksiyanın texnolojiliyə işlənməsinin əsas texniki istiqamətləri və onun mərhələlərlə işlənməsi”
Detalların və yığma vahidlərinin konstruksiyasının texnolojiliyə işlənməsi zamanı aşağıdakı texniki istiqamətlərə diqqət yetirilməsi tövsiyyə edilir: 1. Tökmə üsulu ilə pəstahların alınması. Tökmə üsulu ilə pəstahların alınmasında əsas diqqət tökmə prosesinin metodunun düzgün müəyyən edilməsidir. Bu halda müəssisədə ən çox tökmə prosesində istifadə edilən çuqun, polad və başqa ərintilərdir. Bu üsulla alınan pəstahlarının divarlarının qalınlığının eyniliyini təmin etmək, tökmə zamanı alınan əyrilik radiuslarının, qabırğalarının tələb edilən dəqiqliklə alınmasına nail olmaqdır. Tökmə prosesindən sonra alınan pəstahlarda mexaniki emal aparılmırsa, cizgidə onun kələkötürlüyünə verilən hədd qiymətləri tökmə prosesində alınmalıdır. 2. Ştamplama üsulu ilə alınan pəstahlarda ştamplama mayillikləri onların
materialların düzgün seçilməsi ştamplama əməliyyatından əvvəl onların qızdırılması, temperatur rejiminin düzgün seçilməsi, külli və iri seriyalı istehsalda müxtəlif profilli yayma materiallarından istifadə edilməsi məqsədə uyğun hesab edilir. 3. Kəsmə üsulu ilə emal vasitəsilə detalların hazırlanmasında ilk əvvəl kəsmə rejim elementlərinin düzgün seçilməsinə nail olunmalı, yuvaların və səthlərin emalında kəsici alətin emal prosesi zamanı çıxış uzunluğu detalın cizgisində göstərilməlidir. Yuvaların emalında çalışmaq lazımdır ki, detalların konstruksiyasında çox uzun yuvaların olmasına yol verilməsin. Emal dəqiqliyi və səthlərin təmizliyinə nail olmaq üçün detalların konstruksiyasında onların dəzgahda düzgün yerləşdirilməsi üçün baza səthləri nəzərə alınmalıdır. 4. Qaynaq üsulu ilə hazırlanan maşın və yığma vahidlərində materialların konstruksiyasının düzgün seçilməsinə diqqət yetirmək lazımdır. Bu üsulla alınan pəstahlar bir neçə detalların qaynaq üsulu ilə birləşməsindən əmələ gəlir. əsas vacib cəhətlərdən biri qaynaq materiallarından asılı olaraq elektrodların düzgün seçilməsi və düzgün qaynaq üsullarının müəyyən edilməsidir. Qaynaq üsulunun tətbiqində ən əsas istehsal üsulunun proqramı nəzərə alaraq, qaynağın yarımavtomat, avtomat, kontakt üsulu ilə qaynağın aparılmasına səy göstərmək lazımdır. 5. Termiki emal edilən detallar. Termiki emalın aparılmasında əsas məqsəd detalın bərkliyinin, üst qatının möhkəmləndirilməsinin və mexaniki xassələrinin yaxşılaşdırılmasıdır. Bu məqsədlə termiki emal rejimi düzgün seçilməlidir. Bu işin yerinə yetirilməsində də iqtisadi effektliyin nəzərə alınması vacib məsələlərdən biridir. Adətən detalların üst səthinin möhkəmləndirilməsi üçün termiki peçlərdə onların müəyyən temperatura qədər qızdırılması və termiki emal rejiminə uyğun uyğun soyudulması ilə detalın səthinin möhkəmləndirilməsi aparılır. Odur ki, termiki emal prosesinin seçilməsində daha məhsuldar, yüksək tezlikli cərəyanla termiki emal üsuluna üstünlük vermək lazımdır.
Konstruksiyanın elementlər üzrə texnolojiliyə işlənməsində çalışmaq lazımdır ki, konstruksiya sadə formalı səthlərdən onun üzərində olan birləşmələr standarta uyğun olmalı və səthlərin dəqiqlik və kələkötürlüyünə verilən tələblər norma sənədlərinə uyğun olmalıdır.
Maşınqayırmada məmulun konstruksiyasının texnolojiliyə qiymət- ləndirilməsində aşağıdakılar nəzərə alınmalıdır: cizgini yoxlayan texnoloq nəyinki müasir texnologiyanı yaxşı bilməli, həmçinin konstruksiyanı perspektiv nöqteyi-nəzərincə qiymətləndirə bilməlidir. Odur
ki, konstruksiyanın işlənməsi texnoloqla konstruktorun birgə işləməsi əldə edilməlidir. Bu göstərilən qayda ГОСТ 14.201-83 ilə müəyyən edilmişdir və konstruksiyanın işlənməsində bu standartda göstərilən müddəalar nəzərə alınmalıdır.
Yüklə 0,53 Mb. Dostları ilə paylaş:
|