Şu‘be 3 Evrâk Numarası 526 Târîh
Yüklə 27,26 Kb.
|
- Bu səhifədəki naviqasiya:
- DH. İD. 162 1/53_3 Ankara Vilâyeti Mektûbî Kalemi Aded Umûmî
- DH. İD. 162 1/53_2 Dâhiliye Nezâreti Muhâberât ı Umûmiyye Dâ’iresi Şu‘be
- DH. İD. 162 1/53_5 Adliye ve Mezâhib Nezâreti Mezâhib Müdîriyyeti Aded
- DH. İD. 162 1/53_4 Dâhiliye Nezâreti Muhâberât ı Umûmiyye Dâ’iresi
- DH. İD. 162 1/53_8 Bâb ı Âlî Dâ’ire i Sadâret Tahrîrât Kalemi
- DH. İD. 162 1/53_7 Bâb ı Âlî Dâ’ire i Sadâret Tahrîrât Kalemi İrâde i Seniyye Sûretidir
- DH. İD. 162 1/53_6 Dâhiliye Nezâreti Muhâberât ı Umûmiyye Dâ’iresi 3 Şu‘be
|
992_32 DH. İD. 162 1/53_1 Dâhiliye Nezâreti Muhâberât ı Umûmiyye Dâ’iresi Şu‘be 3
Târîh 18 Eylûl, sene [1]328 Adliye ve Mezâhib Nezâret i Celîlesine Mihalıçcık kazâsı merkezi olan Kuyucak kasabasında yerli ve yabancı olarak mukayyed ü mukîm Ermeni cemâ‘ati efrâdının icrâ yı ibâdet ü âyîni ve etfâl i zükûr u inâsın ta‘lîm ü tedrîsi içün mukaddemâ kendi aralarında cem‘ etdikleri i‘âne ile bilâ ruhsat vücûda getirmiş oldukları kilise ve mektebin ruhsat ı resmiyyeye rabtı hakkında Ankara ve Tevâbi‘i Ermeni Murahhasalığı'ndan bâ takrîr vukû‘ bulan mürâca‘at üzerine bi'l muhâbere bu bâbda Kazâ yı mezkûr Meclis i İdâresi'nden gelen mazbata ve müteferri‘âtının gönderildiğine ve ruhsat ı matlûbenin i‘tâsında bir mahzûr olmadığı anlaşıldığına dâ’ir Ankara Vilâyeti'nden alınan 9 Eylûl, sene [1]328 târîhli ve 4994/598 numaralı tahrîrât melfûfâtıyla berâber savb ı âlîlerine tisyâr kılınmış olmağla iktizâsının îfâsı menût ı re’y i âlî i Nezâret penâhîleridir. Ol bâbda. DH. İD. 162 1/53_3 Ankara Vilâyeti Mektûbî Kalemi Aded Umûmî 9728 Husûsî 1096 Hülâsa Mihalıçcık'da kâ’in Ermeni mekteb ve kilisesi hakkında ekîden. Dâhiliye Nezâret i Celîlesine Devletlü efendim hazretleri 29 Kânûn ı Evvel, sene [1]328 târîh ve 8860/1008 numaralı tahrîrâtla te’kîden arzolunduğu üzere Mihalıçcık kazâsı merkezinde mukîm Ermeni ahâlîye mahsûs mekteb ve kilisenin ruhsat ı resmiyyeye rabtı hakkındaki 9 Eylûl, sene [1]328 târîh ve 4994/598 numaralı arîza muktezâsının tesrî‘ine müsâ‘ade buyurulması mürâca‘at üzerine arzolunur. Ol bâbda emr ü fermân hazret i men lehü'l emrindir. Fî 28 Safer, sene [1]331 ve Fî 24 Kânûn ı Sânî, sene [1]328 Ankara Vâlîsi (mühür) DH. İD. 162 1/53_2 Dâhiliye Nezâreti Muhâberât ı Umûmiyye Dâ’iresi Şu‘be 3 7230
Evrâk Numarası 964 Târîh 5 Şubat, sene [1]328 Adliye ve Mezâhib Nezâret i Celîlesine 18 Eylûl, sene [1]328 târîhli ve 414 numaralı tezkireye zeyldir. Mihalıçcık kazâsı merkezinde mukîm Ermeni ahâlîye mahsûs mekteb ve kilisenin ruhsat ı resmiyyeye rabtı hakkındaki mu‘âmelenin tesrî‘i esbâbının istikmâli Ankara Vilâyeti'nden bu kerre alınan tahrîrâtda dahi bildirilmesine ve iş‘ârât ı sâbıkaya nazaran tesrî‘ i îfâ yı muktezâsıyla netîcesinin inbâsı bâbında. DH. İD. 162 1/53_5 Adliye ve Mezâhib Nezâreti Mezâhib Müdîriyyeti Aded 690
Hülâsa Kuyucak kasabasındaki Ermeni mekteb ve kilisesi hakkında. Dâhiliye Nezâret i Celîlesine Devletlü efendim hazretleri Muhâberât ı Umûmiyye Dâ’iresi Üçüncü Şu‘besi'nden muharrer 5 Şubat, sene [1]328 târîh ve altıyüzaltmışdört husûsî numaralı tezkire i aliyye i Nezâret penâhîleri cevâbıdır. Mihalıçcık kazâsı merkezi olan Kuyucak kasabasında Ermeni cemâ‘atine â’id mekteb ve kilisenin emr i âlîye rabtı hakkında Ankara Vilâyeti'nden mürsel evrâkın leffiyle makâm ı âlîlerinden evvelce vârid olan tezkire ve melfûfâtının komisyon ı mahsûsunca lede't tedkîk tanzîm kılınan mazbata ile ma‘an 23 Kânûn ı Evvel, sene [1]328 târîhinde makâm ı Sadâret'e takdîm kılındığı ve Vilâyet i müşârun ileyhânın mu’ahharan tevdî‘ buyurulan tahrîrâtı üzerine de 8 Kânûn ı Sânî, sene [1]328 târîhinde te’kîd i keyfiyyet edildiği kayden anlaşılmışdır. Ol bâbda emr ü fermân hazret i men lehü'l emrindir. Fî 1 Rebî‘u'l âhır, sene [1]331 ve Fî 25 Şubat, sene [1]328 Adliye ve Mezâhib Nâzırı nâmına Müsteşâr (imza) DH. İD. 162 1/53_4 Dâhiliye Nezâreti Muhâberât ı Umûmiyye Dâ’iresi 7503
Şu‘be 3
Târîh 28 Şubat, sene [1]328 Ankara Vilâyet i Aliyyesine 24 Kânûn ı Sânî, sene [1]328 târîhli ve 1096/9728 numaralı tahrîrât ı aliyyelerine cevâbdır. Mihalıçcık kazâsı merkezi olan Kuyucak kasabasında Ermeni cemâ‘atine â’id mekteb ve kilisenin emr i âlîye rabtına mütedâ’ir olan evrâk, komisyon ı mahsûsunca lede't tedkîk tanzîm kılınan mazbata ile makâm ı sâmî i Sadâret'e takdîm ve ahîren de te’kîd edildiği Adliye ve Mezâhib Nezâret i Celîlesi'nden bildirilmişdir. Ol bâbda.
195
Dâhiliye Nezâret i Celîlesine Devletlü efendim hazretleri Ankara vilâyetinde Mihalıçcık kazâsı merkezi olan Kuyucak kasabasında Kalaycı Yorgi nâmında birinden iştirâ edilen mülk bir arsa üzerine Ermeni cemâ‘atine mahsûs olmak üzere evvelce inşâ edilmiş olan kilise ile kezâlik evvelce cemâ‘at i mezkûre etfâline mahsûs yapılan mektebin tasdîk ı mevcûdiyyetleri hakkında Adliye ve Mezâhib Nezâret i Celîlesi makâmının tezkiresi üzerine Şûrâ yı Devlet karârıyla tanzîm ve takdîm olunan irâde i seniyye lâyihası imzâ yı hümâyûn ı cenâb ı pâdişâhî ile tasdîk buyurulduğundan sûret i musaddakası leffen savb ı âlîlerine isrâ ve Nezâret i müşârun ileyhâ ile devâ’ir i müte‘allikaya teblîğât icrâ kılınmağla îfâ yı muktezâsına himmet buyurulması siyâkında tezkire i senâverî terkîm olundu efendim. Fî 10 Cumâde'l evvel, sene [1]331 Fî 4 Nisan, sene [1]329 Sadra‘zam nâmına Müsteşâr (imza) DH. İD. 162 1/53_7 Bâb ı Âlî Dâ’ire i Sadâret Tahrîrât Kalemi İrâde i Seniyye Sûretidir Ankara vilâyeti dâhilinde Mihalıçcık kazâsı merkezi olan Kuyucak kasabasında Kalaycı Yorgi nâmında birinden iştirâ edilen dörtyüz zirâ‘ vüs‘atinde mülk bir arsa üzerine Ermeni cemâ‘atine mahsûs olmak üzere evvelce inşâ edilmiş olan yirmidört zirâ‘ tûlünde ve onbir zirâ‘ arzında ve sakfı dâhil olmayarak yedi zirâ‘ irtifâ‘ında bir kilisenin ve Ma‘ârif i Umûmiyye Nizâm nâmesi'nin Yüzyirmidokuzuncu Mâddesi ahkâmına ri‘âyet edilmek üzere kezâlik evvelce cemâ‘at i mezkûre etfâline mahsûs yapılan on zirâ‘ tûlünde ve altı zirâ‘ arzında ve sakfı hâric olarak dokuz zirâ‘ irtifâ‘ındaki mektebin tasdîk ı mevcûdiyyetleri Şûrâ yı Devlet karârıyla tensîb edilmişdir. İşbu irâde i seniyyenin icrâsına Dâhiliye ve Adliye ve Mezâhib ve Mâliye ve Ma‘ârif Nezâretleri me’mûrdur. Fî 29 Rebî‘u'l evvel, sene [1]331 Fî 25 Mart, sene [1]329
Aslına mutâbıkdır. Sadâret Tahrîrât Dâ’iresi Müdîriyyeti (mühür) DH. İD. 162 1/53_6 Dâhiliye Nezâreti Muhâberât ı Umûmiyye Dâ’iresi 3 Şu‘be 466
Evrâk Numarası 195 Târîh 8 Nisan, sene [1]329 Ankara Vilâyet i Aliyyesine Mihalıçcık kazâsının merkezi olan Kuyucak kasabasında Kalaycı Yorgi nâmında birinden iştirâ edilen mülk bir arsa üzerine Ermeni cemâ‘atine mahsûs olmak üzere evvelce inşâ edilmiş olan kilise ile kezâlik evvelce cemâ‘at i mezkûre etfâline mahsûs yapılan mektebin tasdîk ı mevcûdiyyetleriyle Adliye ve Mezâhib Nezâret i Celîlesi makâmının tezkiresi üzerine Şûrâ yı Devlet karârıyla bi'l istîzân irâde i seniyye i cenâb ı pâdişâhî şeref müte‘allik buyurularak Nezâret i müşârun ileyhâ ile devâ’ir i müte‘allikaya teblîğât icrâ kılındığı bâ tezkire i sâmiye izbâr ve mevdû‘ irâde i seniyye lâyihası sûreti leffen tisyâr kılınmış olmağla îfâ yı muktezâsı bâbında. Yüklə 27,26 Kb. Dostları ilə paylaş:
|