|
Qaçaq Nəbinin qəhrəmanlığı o qədər xalq arasında geniş rəğbətlə qarşılanmış və Qaçaq Nəbi bədii ədəbiyyatın ən sevilən qaçaq qəhrəmanlarından biri, bəlkə də birincisi olmuşdur. Şifahi xalq ədəbiyyatımızın bu dəyərli nümunəsi bədii-estetik, tarixi-etik dəyərləri ilə ədəbiyyat və incəsənət xadimlərinin diqqətini çəkmişdir (112, s.234) Belə ki, Cəlal Bərgüşadın “Boz atın belində” romanı, Süleyman Rüstəmin “Qaçaq Nəbi” pyesi, Məmməd Rahimin “Qaçaq Nəbi” əsəri, Süleyman Rəhimovun “Aynalı” povesti, “Qafqaz qartalı” romanı, Cəlal Cavadovun “Üsyan” romanı, Əli Vəliyevin “Həcər” hekayəsi, Həsən Qasımovun “Dağlara çəkildi”, Əşir Bəşiroğlunun “Qoşa qartal” romanı, M.H.Təhmasibin “Nəbi” ssenarisi Qaçaq Nəbiyə həsr edilmiş bədii əsərlər siyahısındadır. Yazılı ədəbiyyat nümunələri dastandakı faktlara əsaslanır və Nəbi bir qəhrəman kimi real cizgilərlə bədiiləşir.
Dostları ilə paylaş: |
