İİS və ES-lər qarşılıqlı inteqrasiya olunaraq hibrid sistemlər və unikal texnologiyalar əmələ gətirir.
Təbii dilin və nitqin tanınması sistemləri. Əgər biz kompüterlə öz təbii dilimizdə danışa bilsək, bir sıra məsələlərin həlli xeyli sadələşə bilər. Təbii dili anlamaq üçün kompüter linqvistik, ümumi məlumatlara, həmçinin, istifadəçi və onun məqsədləri haqda informasiyaya malik olmalıdır. Bu cür sistemlərin tətbiq sahələri :
Intellektual interfeys (əsasən, verilənlər bazası üçün)
mətnlərin qrammatik və leksik analizi, həmçinin referatların, məktub və tərcümələrin hazırlanması
mətni bir proqramlaşdırma dilindən başqasına keçirmək
nitqin kompüter vasitəsilə tanınması və sintezi və s.
Belə sistemlərin keyfiyyəti nə qədər yüksək olsa qiyməti o qədər baha olar (məs., səsin sintezinin keyfiyyəti çox yüksək ola bilər). Bəzi banklar müştərilərə sintez olunmuş nitqlə xidmət edir. Yəni balans, nəqdləşdirmə və s. haqda suallara süni nitqlə cavab verən sistemlər artıq tətbiq edilməyə başlayıb.
