T. Bekjäýew Köne türKmen ýazuwy ﻯﻭﺯﺎﻴ

«Kap»
kararym galmady aşyk bolup ruhsaryňa,
«Käp»
gelip sorgul bu halym, rehim kyl bimaryňa,
«Mim»
melamatlyk bile ömrümni ötgerdim riýa,
«Lam»
lagyly‑şerbeti çün noşy kyl naçaryňa,
«Nun»
nikabyň aç ýüzüňden misli bihemata erer.
«Waw»
waweýla diýip, halyňy niçik bolgysydyr,
«Hi»
heläk bolup, yzyňda aglaýyp galgasydyr,
«Lam-elibu»
‑laezal hak barçany algasydyr,
«Ya»
rahym‑a, gözýaşym derýa kibi dolgysydyr,
Dünýä bir kerwensaraý, Magrupy bir myhman erer.
Berdinazar (XIX asyr türkmen şahyry)
Gözelim
Eý kamatyň 
«elipdir»,
ýüzüň gülden, gözelim,
«Bi»
beladan saklasyn, ýüz‑müň dilden, gözelim,
«Tiden»
waspyň aýtmyşam, sözüň baldan gözelim,
«Siden»
sorag salmyşam, gözläp ilden, gözelim.

---

41
«Jim»
jemalyň perisi aldy akyl‑huşumy,
«Hi»
hylwat eýlesem, pynhan etsem işimi,
«Hy»
diýip okasam, «dala» tutsam başymy,
«Zal»
garyba ýetende, aldy rakyp daşymy,
Şonda boldum biarman, guçsam bilden, gözelim.
«Ri»
dabaraň düşüpdir, älem‑jahan çaw edip,
«Zi»
zülpleriň goýberseň, ak ýüzüňden tow edip,
«Sinden»
«şine»
ezerler aşyklaryn suw edip,
«Sat»
salamat saklasyn ýüz‑müň bela dep edip,
Egin parçaň guralmaş şemle şaldan, gözelim.
«Zat»
bilen köýdürip aldyň meniň kararym,
«Taý»
tebibim tapdyrmaz alagözli maralym,
«Zaý»
sypanyp çykaňda aldyň sabry‑kararym,
«Aýn»
aban ýat eýläp, säherler intizaryň,
Elwan‑elwan bezenip, ýüz‑müň hilden, gözelim.
«Gaýn»
bilen galkynyp, arzuw bilen barar men,