Tarbiyaviy ishlar metodikasi fanidan mustaqil ishi mavzu: guruh tarbiyaviy ishlarini rejalashtirish

Tarbiyaviy ishlarni rejalashtirishning asosiy omillari;

- Vatanga muhabbat va insonparvarlik.

- Milliy istiqlol mafkurasini shakllantirish.

- Jismoniy barkamollik (sog‘lom avlod uchun).

- Ota-onalar bilan ishlash.

- Ma’naviy tarbiya (odob-axloq).

- Go‘zallik tarbiyasi.

-Iqtisodiy tarbiya.

-Ekologik tarbiya.

Bu ishlarni rejalashtirishda tanlanadigan mavzular quyidagi talablarga javob berishi kerak:

1. 
   Tarbiyaviy tadbirlar rejasi va undagi mavzular davr talabiga javob berishi.
   
2. 
   Tanlangan mavzular milliy va umuminsoniy qadriyatlar qamrovida bo‘lishi.
   
3. 
   Tarbiyaviy tadbirlar uzviylik qoidasiga amal qilingan bo‘lishi.
   
4. 
   Mavzular o'quvchilarning yoshi va bilim saviyasiga mos bo‘lishi.
   

Tarbiyaviy ishlarni amalga oshirish bosqichida o‘qituvchining mas’uliyatli lahzalari talaygina.

Birinchidan, dasturda ko‘zda tutilgan ishlarni tayyorlangan ssenariy asosida uning borishiga tuzatishlar kiritib, vazifasini amalga oshiradi va kuzatib boradi.

Ikkinchidan, o'qituvchi butun jamoa va ayrim tarbiyalanuvchilarni kuzatib boradi, chunki u biladiki, tarbiyaviy ishlar tarbiyalanuvchilarda muayyan fazilatlarni rivojlantiradi, bu fazilatlarning shakllanganlik darajasini aniqlashga imkon beradi.

Uchinchidan,o'qituvchi tashkiliy masalalarning aniq hal etilishini kuzatib boradi. Umuman, bu bosqichdagi boshqaruv faoliyati darsdagi ayni shunday faoliyatdan kam farqlanadi, ammo u murakkabroq, chunki hisobga olish, nazorat qilish va ko'plab omillarga tuzatish kiritish lozim bo'ladi:

— tarbiyalanuvchilarni o'zining ishtiroki bilan chegaralab qo'ymaslik kerak.

— tarbiyalanuvchilarga o ‘z fikrlari va hissiyotlarini erkin ifodalashlari uchun xalaqit bermaslik lozim.

— hodisalarning rivojini diqqat bilan kuzatish va uning nazoratdan chekkaga chiqishiga yo‘l qo'ymaslik kerak.

— nomaqbul harakatlarni oqilona va o'z vaqtida tuzatish.

— bo'lib o'tayotgan jarayonni sezdirmasdan qayd etib borish lozim.

— natijalarni e’lon qilish.

— jamoaviy muhokama yoki individual pedagogik tahlil hamda yutuq va kamchiliklarning sabablarini ochish maqsadi qo‘yiladi.

Sinf rahbarining tarbiyaviy faoliyatini rejalashtirishga qo‘yiladigan asosiy uslubiy talablar nimalardan iborat?

Sinf rahbarlari o‘tkazilayotgan ishlarni hamda ularning o'quvchilar tarbiya-siga ko‘rsatgan ta’sirini har kuni tahlil qilishlari, o‘zlari erishgan yutuqlari va muvaffaqiyatsizliklari sabablarini tushunishga harakat qilishlari, jamoasining rivojlanishida ro‘y berayotgan o‘zgarishlatni qayd qilishlari kerak. Shunday qilib, rejalashtirishning har bir bosqichiga tayyorlanish muntazam olib boriladi. Jamoani va ayrim o‘quvchilami o‘rganish yuzasidan olib borilgan barcha ishlar yakunida sinfga pedagogik tavsifnoma yoziladi. Mazkur tavsifhoma sinf jamoasining o‘ziga xos aniq xususiyatlarini hisobga olish imkonini beradi.

Har bir sinf rahbari o‘z-o‘zini boshqarishning saylab qo‘yiladigan o‘quvchilar qo‘mitasi hamda bolalar va yoshlar tashkilotlari bilan birga ishlab, sinf jamoasiga rahbarlik qilish yuzasidan olib boriladigan amaliy ishlarda bu talabni ro‘yobga chiqaradi.

Tajribali sinf rahbarlari o‘zining kuzatishlari va xulosalarini alohida varaqlarga qisqacha qilib yozib boradi. Bular maxsus jildlarda saqlanadi.

To‘plangan ma’lumotlar o'quvchilar jamoasi hayotini, uning erishgan yutuqlari va kamchiliklarini keyinchalik tahlil qilish uchun xizmat qiladi.

Sinf rahbari o‘quv yili oxirida sinf jamoasi ishini tahlil qilishga alohida e’tibor beradi. Bunda rejada belgilangan vazifalami qanday hal etilganligini, sinf ijtimoiy hayotida qanday ishtirok etganligini, mamlakatimizdagi va chet ellardagi voqealarga qanday qaraganligini, amalga oshirilgan ishlardan qaysilari muvaffaqiyatli bo'lgan va an’anaga aylanishi kerakligini, o'quvchilar o‘rtasida qanday munosabatlar vujudga kelganligini, sinf faollarining tashabbuskorligi,mustaqilligi, obro‘-e'tibori va boshqa masalalarni atroflicha tahlil qilish muhimdir.

Sinf rahbari tajriba orttirgan sari ancha murakkab masalalar bilan qiziqa boshlaydi. Uni sinfdagi ishlar qanchalik muvaffaqiyatli o‘tgani emas, balki ular o‘quvchilarga qanday ta’sir ko‘rsatgani, sinfning ijtimoiy foydali ishlarda ishtirok etishi emas, balki ishtirok etish sabablari qiziqtiradi. Shuni nazarda tutish kerakki, sinf rahbari o‘z sinf jamoasi oldiga qo‘yadigan aniq tarbiyaviy vazifalari dastlabki vaqtlarda uncha murakkab bo‘lmasligi mumkin. Masalan, sinf rahbari sinfga kelgandan so‘ng deyarli hamma o‘quvchilar yaxshi ishlashini, lekin ularning bir-biri bilan aloqasi yo‘qligini aniqladi. Bunday sinfda shunday bir ish topish kerakki, bu ish hamma o‘quvchilami yagona maqsadga olib borsin. Bolalarga bu vazifa - ijtimoiy foydali mehnat vaqtida amalga oshirilishi mumkin. Masalan, qog‘oz chiqindilarini topib topshirish yoki temir-tersak chiqindilarini yig‘ish va jo‘natish shaklida.O‘z mazmuniga ko‘ra juda oddiy bo’lgan bu topshiriq o‘quvchilarda qiziqish uyg'otadi. Ularda temir-tersak yig‘ishda bir-birlari bilan musobaqalashib, uni tezroq bajarish ishtiyoqini hosil qiladi.

Boshqa bir sinf rahbari o‘z ishlarini tahlil qilib chiqib, shunday xulosaga keldi: sinfda ko‘p ishlami o‘zi bajaradi, o‘quvchilar esa shaxsiy hayot egalari bo‘lib emas, balki ko‘pincha ishning ijrochilari bo‘lib qoladilar. Shuning uchun u o‘quvchilarning tashabbus va mustaqilligini rivojlantirish, barcha o‘quvchilarni sinf ijtimoiy faoliyatiga jalb etish va har bir o‘quvchida o‘ziga yoqadigan ish bo‘lishga erishish vazifasini qo'yadi. Shunday vazifa qo‘ygach, sinf rahbari o‘quvchilarning ko‘pchilik qismini zarur malaka va ko‘nikmalar bilan qurollantirish uchun o‘z diqqat-e’tiborini sinf faollarini tarbiyalashga qaratish kerakligini tushunadi.

Ana shu yo‘sinda izchil ish olib borilsa, tarbiyaviy vazifalar o‘quvchilar uchun qiziqarli, istiqbolli vazifalarga aylanadi.

Sinf rahbari turli reja!ar tuzib olishi mumkin: kelajakka mo’ljallangan, ya’ni istiqbolli (yillik, bir necha yillik) va muvaqqat (oylik, haftalik, kunlik). Xo‘sh rejaning asosiy manbai nimalardan iborat bo‘lishi kerak?

Sinf rahbari g’oyaviy-siyosiy ishlarni rejalashtirishda bolalarni faqat kitobiy bilimlar bilan emas, balki amaliy, hayotiy tajribalar bilan qurollantirishni nazarda tutishi zarur. Bu ma’ruzachilar, siyosiy maktablar, siyosiy klublar va hokazolarni tashkil qilish mo’ljallanayotganvaqtda o’quvchilarning o’z g'oyaviy e’tiqodlarini qay darajada ekanligini sinab ko’rishga imkon beradigan vaziyatlarni vujudga keltirishni nazarda tutadi. Bu ishlami munozaralarda, bahslarda, og’zaki va yozma jumallarda, mehnat harakatlarida, bayramlarda, bolalar va yoshlar tashkilotlari ishlarida, tabiatni, hayvonot dunyosini, tarixiy yodgorliklarni qo‘riqlash kabi rang-barang tadbirlarda amalga oshirish mumkin.

Axloqiy va vatanparvarlik tarbiyalariga istiqlol ruhi tom ma’nosi bilan singib ketgan bo’lishi kerak. Ba’zan ayrim sinf rahbarlari ish faoliyatida ko’ngilochar o’yinlarni ko'proq o’tkazish an’anasi ko’zga tashlanadi. Rejalashtirishda shuni nazarda tutish kerakki, u o’yinmi, u ishmi biror maqsadga qaratilganligiga, uning tarbiyaviy ahamiyatiga e’tibor berish kerak bo’ladi.