Təhsil Nazirliyi Mövzunun adı: Azərbaycanda turizm sənayesi məhsullarının yaradılmasının əsas problemləri

Nəticə

Turizm məhsulu turizm və istirahət resurslarından, habelə turist ehtiyaclarını qarşılamağa yönəldilmiş mal və xidmətlərdən ibarət kompleksdir.

Turizm, dünyanın sosial və iqtisadi əməliyyatlarını tənzimləyən böyük bir sektordur, biznes maraqlarının ölçüsünü artırır və bununla qarşılıqlı əlaqələr yaradır. Azərbaycanda turizmin inkişafı üçün siyasi sabitlik, iqtisadi, tarixi, təbii və coğrafi potensial mövcuddur. Azərbaycan turizmin inkişafı üçün əlverişli mühitə malik olan ölkələrin siyahısında 83-cü yerdədir.

Azərbaycanda turizm sektoru inkişafda olan iqtisadi sektorlar arasındadır. Bunun əsas səbəbi ölkəmizin böyük turizm potensialının mövcudluğu , lokal və xarici turistləri cəlb edəcək turizm məhsulları ,rahat turizm infrastrukturunun mövcudluğudur. Bununla yanaşı, bu sektorun inkişafında bri sıra ciddi problemlər qalmaqdadır.Təbii ki, yüksək ixtisaslı mütəxəssislər Azərbaycanda turizmin inkişafı və irəliləməsi üçün əsas amillərdir. Qeyri-neft sektorunun kifayət qədər inkişafı üçün zəruri olan qanun və qaydalar, onların tətbiqi ilə bağlı problemlər və bəzi digər məsələlər hələ də mövcuddur. Turizm xidməti sahələrinin genişləndirilməsi turizmin inkişafı üçün prioritet bir məsələ ola bilər. Bu, yaxşı inkişaf etmiş ölkələrin təcrübəsi ilə əməkdaşlıq edilərək əldə edilə bilər. Azərbaycanda turizmin inkişafı sosial inkişaf baxımından da vacibdir. Yeni iş yerləri açılır, lokal əhali əlavə gəlir qazanmaq imkanına malik olur, lokal məhsullar üçün yeni bazar açılır, səhiyyə yaxşılaşdırılır və ətraf mühitin mühafizəsi barədə məlumatlılıq daha çox olur.

Azərbaycanda turizmin inkişafı, turizm məhsulların daha yaxşı realizasiya olunması və müvafiq olaraq turizm gəlirlərinin artması üçün aşağıdakı təkliflər irəli sürülür:

- müasir turizm obyektlərinin sayının artırılması,

- xidmət keyfiyyətinin artırılması - turizm işçilərinin hazırlanması,

- geniş miqyaslı ekskursiya turlarının yaradılması,

- regionlarda və bölgələrdə lokal turizm mərkəzlərinin yaradılması,

-Qış turizminə lazımi infrastrukturun yaradılması.

Bütün bu təkliflər çərçivəsində baş verəcək inkişaf Azərbaycan iqtisadiyyatına töhfə verəcək və nəticədə ölkəmizdə turizm mühüm sektorlardan birinə çevriləcəkdirr.