12. Korxonaning filial va vakolatxonalari
12.1. Korxona o‘z Ta`sischisi bilan kelishgan holda O‘zbekiston
Respublikasi hududida va undan tashqarida qonunchilik talablariga
rioya etgan holda filiallar tashkil etishi hamda vakolatxonalar ochishi
mumkin.
12.2. Filial yoki vakolatxona ochilganidan keyin bir hafta muddat
ichida korxona O‘zbekiston Respublikasi Davlat mulkini boshqarish
qo‘mitasini (yoki uning hududiy boshqarmasini) bundan xabardor etishi
shart.
12.3. O‘zbekiston Respublikasi hududidan tashqarida ochilgan
filial va vakolatxonalar korxona tomonidan tasdiqlanadigan Nizom
hamda o‘zlari faoliyat yuritayotgan davlat qonunchiligi talablari asosida
ish yuritadi.
12.4. Direktor o‘z Ta`sischisi bilan kelishgan holda filial yoki
vakolatxona rahbarini lavozimga tayinlaydi, mazkur rahbar o’ziga
berilgan ishonchnoma asosida faoliyat olib boradi. U bilan tuzilgan
e-qaror.gov.uz
17.05.2022
12
mehnat shartnomasi bekor qilinganda ushbu ishonchnoma ham bekor
qilinishi shart.
12.5. Korxona tomonidan ochilgan filial va vakolatxonalarning
majburiyatlari bo‘yicha korxona javobgar bo’ladi.
13. Korxonaning tugatish va qayta tashkil etish
13.1. Korxona qonunchilikda belgilangan tartibda Ta`sischining
Davlat mulki qo‘mitasi yoki uning hududiy boshqarmasi bilan
kelishgan holdagi qarori yoxud sudning qarori bilan qayta tashkil etilish
yoki tugatilishi mumkin.
