Müvəffəqiyyət – təhsilalanların tədris proqramlarının tələblərinə əsasən peşəkar elmi
bilik və
bacarıqların əldə edilməsinin xüsusiyyətləri. Təhsilalanların müvəffəqiyyətinin
göstəriciləri, əsasən, cari, cari mövzuya görə, yarımilliklərə əsasən, yekun
-
yəni, bütün il
boyu fənn üzrə beşballıq sistem əsasında olan qiymətlər hesab edilir.
Nailiyyət – müəyyən əlamət üzrə səviyyəni təsvir edən miqyas (ölçü). Ölçünün dəqiq sıfır
nöqtəsi və müəyyən yuxarı səviyyəsi yoxdur. Nailiyyət dərəcəsi (norması) fərdlərin rəsmi
şəkildə cəlb olunduğu təhsilin ən yüksək səviyyədəki ölçüsüdür. Nailiyyət hədəfi tələbələrin
hər bir fənn üzrə gözlənilən bilik və bacarıqlarının formal təsviridir.
Nəticə – tədris məqsədinə nail olmaq üçün şagirdlərdən tələb olunan bilik və bacarıqların
yekun nəticəsi.
Obyektiv – subyektin şüur, iradə və arzusundan asılı olmayaraq əldə edilən
nəticənin
səciyyəvi xüsusiyyəti.
Obyektivlik – cavablar qiymətləndirilərkən qiymətləndirən subyektlərin şüur, iradə və
arzusundan asılı olmayaraq, hər hansı kənar səbəblərin təsiri ilə deyil, yalnız müvafiq
meyarlar çərçivəsində həmin subyektlər arasında
əldə edilən razılaşmanın səviyyəsi.
Öyrənmə çətinliyi – xüsusi təhsil ehtiyacları olan şagird qrupunun məktəbdə yeni
bacarıqlar əldə etdiyi zaman qarşısına çıxan çoxcəhətli problemlər və maneələr.
Öyrənmə çətinliyi olan şagird – tədris prosesində öyrənmə çətinliyi olan şagirdlər. Bu
şagirdlər tədris olunan fənləri, yeni vərdiş və bacarıqları mənimsəməkdə çətinlik çəkirlər
və xüsusi təhsil ehtiyacları olan şagirdlər qrupuna aid edilirlər.
Öyrənmə prosesində dəstək – öyrənənlərə müxtəlif forma və vasitələrlə
göstərilən əlavə
köməyin təmin edilməsi.
