Modulun adı: Təlim və tərbiyə prosesinin həyata keçirilməsi 127
fikirləşə bilməməsini təsdiq edir.
Asudə vaxtın çox hissəsini fəal istirahət üçün ayırmaq məsləhətdir. Açıq havada
gəzmək, müxtəlif hərəkətlər və əyləncəli oyunlarla məşğul olmaq, müəyyən qədər
televizora, teatr tamaşalarına və kino
-
filmlərə baxmaq mədəni səviyyəni yüksəldir. Onlar
asudə vaxtın daha maraqlı və məzmunlu keçməsinə zəmin yaradır. Asudə vaxtın müəyyən
bir hissəsinin mütaliəyə, maraqlı sahələr üzrə yeni məlumatlar əldə etməyə, sevimli yazıçı
və şairlərin əsərləri ilə tanış olmağa, ailə kitabxanasını zənginləşdirməyə sərf edilməsi də
faydalıdır. Asudə vaxtın müəyyən bir hissəsini bədən tərbiyəsi və idmana, ictimai faydalı işə,
həmçinin təbiətə qayğı göstərməyə həsr etmək vacibdir.
Həyət və yol kənarındakı, məktəbin
həyətindəki ağaclara və yaşıllıq kollarına qulluq etmək fərəhvericidir. Asudə vaxtlarda
məktəblilərin məktəbdənkənar tərbiyə və mədəni
-
maarif ocaqlarında fəaliyyət göstərməsi,
bəbii
-
texniki dərnəklərdə məşğul olması çox yaxşıdır.
İnsan üçün ən gözəl keyfiyyətlərdən biri də düzlükdür. Hər bir insan şahidi olduğu
əhvalatı, həqiqəti düz demək, yoldaşlarının nöqsanlarını yerindəcə üzünə söyləmək bacarığı
nümayiş etdirməlidir. Sözlə iş arasında tam uyğunluq, əlaqə olmalıdır. Bəzi şagirdlər
tapşırılan işdən boyun qaçıran, müvafiq qaydaları pozan yoldaşlarının eybini onların üzünə,
valideynlərinə, yaxud müəllimlərinə deməyi yoldaşa xəyanət, satqınlıq hesab edirlər.
Əksinə, yoldaşa qarşı bu cür passiv, ögey mövqe tutmaq, onun gələcək həyatının təhlükə
altına alınmasına, bir şəxsiyyət kimi sıradan çıxmasına səbəb olur. Buna görə də həmişə hər
yerdə doğru
-
düzgün mövqe tutmaq lazım gəlir.
İnsanlar anadan qorxaq, yaltaq və yalançı doğulmurlar. Müsbət keyfiyyətlərdən olan
düzlük
-
doğruçuluq kimi bu cür qeyri
-
insani xüsusiyyətlər adamlarda mühitin təsiri ilə
yaranır. Hər bir uşaq, yeniyetmə lap kiçik yaşlarından hiss etməlidir ki, doğru danışmaq,
deyilənlərə əməl etmək həmişə hörmət və etibara, yalan danışmaq isə qərəzçiliyə, ədavətə,
qorxaqlığa səbəb olur. Dostunun, yoldaşının yaxşı və pis əməllərini onun üzünə yerindəcə
demək, düzgün qiymətləndirmək həm də yaltaqlığın, lovğalığın qarşısını vaxtında alır.
Özünənəzarət, ədalətlilik hissini inkişaf etdirir, insanı əsl şəxsiyyət kimi formalaşdırır.
