TəLİm və TƏRBİYƏ prosesiNİn həyata keçİRİLMƏSİ Layihə Avropa İttifaqı tərəfindən maliyyələşdirilir

1.6. Təlim prosesində oyun texnikalarını tətbiq edir
 
1.6.1. Təlimlə bağlı oyun texnikaları və onların tətbiqi
Oyun təlim metodu kimi yaşlı nəslin kiçiklərə insanların qədimdən tutmuş müasir 
dövrə qədər istifadə etdikləri təcrübəni verməkdən, ötürməkdən ibarətdir. Uşaqlar üçün 
çoxlu texnikalar mövcuddur ki, müəllim onları dərslərində tətbiq etməyi bacarmalıdır. Oyun 
texnikaları təlimdə gərginliyi götürmək, şagirdlərin fəaliyyətini canlandırmaq məqsədi 
güdür.
Məktəblilərin inkişafında didaktik əyləncəli oyunların əhəmiyyəti böyükdür. 
Mütəhərrik oyunlar gənc nəslin fiziki tərbiyəsinə xidmət edirsə, zehni oyunlar şagirdlərin 
təfəkkürünün inkişafına xidmət edir. Bunların hər ikisindən tədrisdə istifadə edilməsi 
şagirdlərin həm zehni inkişafına, həm də onların gümrah böyüməsinə, orqanizminin 
sağlamlığına səbəb olur və biliyin hərtərəfli mənimsənilməsinə zəmin yaradır. Didaktik 
oyunların məzmunu estetik tərbiyənin tələblərinə cavab verdiyindən şagirdi maraqlandırır, 
əyləndirir və onu yormur. Nəticədə çətin mövzuları şagird asanlıqla başa düşür və bilikləri 
mənimsəməkdə çətinlik çəkmir. Məzmun şagirdin hafizəsində təkrarlanır, dərin iz 
qoyur.Buna görə də mövzu heç vaxt yaddan çıxmır. Oyunların köməyi ilə şagirdlərdə 
çeviklik, cəldlik, bacarıq, qüvvələrini səfərbər etmək, hazırcavablıq kimi keyfiyyətlər, o 
cümlədən idrak fəallığı yüksəlir. Çünki burada uşağı maraqlandıran, onun zehni fəaliyyətinə 
təsir edən şəkillər, sxemlər, cədvəl və qrafiklər, müəyyən məqsəd daşıyan tapmaca və atalar 
sözləri, əyləndirici suallar və s. formalar əksini tapır.
Dərslərdə tətbiq etmək üçün oyun texnikalarının seçilməsində bir sıra prinsiplər 
nəzərə alınmalıdır. Oyun texnikaları:
•
Mövzuya, şagirdlərin yaş və bilik səviyyəsinə uyğun olmalıdır. O, tədris edilən 
mövzunun asan mənimsənilməsinə xidmət etməlidir;
•
Yalnız dərs prosesində deyil, dərsdənkənar tədbirlərdə də tətbiq edilməlidir;
•
Qeyri
-
sabit olmaqla, şagirdlərin maraq və meyillərinə uyğun təşkil edilməli, onları 
əyləndirməli, güldürməli, bilik və bacarıqlarını möhkəmləndirməlidir;
•
Lazımi illüstrasiyalar, şəkil və tablolarla zənginləşdirilməli, şagirdlərin idrak 
fəallığının artırılmasına xidmət göstərməlidir; 
•
Şagirdlərin qruplara, komandalara bölünməsinə və onlar arasında yarış xarakteri 
daşımasına imkan yaratmalıdır;
•
Tətbiq edilərkən şagirdlərdə məntiqi, tənqidi və yaradıcı təfəkkürü inkişaf 
etdirməlidir;
•
Müxtəlif mövzularla digər fənlərlə, həyatla əlaqə, inteqrasiya yaradılmasına imkan 
verməlidir.
Dərsdə oyun texnikalarını tətbiq edərkən müəllim təlim problemlərinin həllinə istinad 
etməli olur. Şagirdlər qarşısında təlim problemləri oyun texnikaları əsasında qoyulur.
Oyun texnikaları pedaqoji problemlərin həllinə xidmət edir. Burada iki və daha çox 
adam iştirak edir. Oyunda iştirakçılar birgə fəaliyyətdə
və qarşılıqlı ünsiyyətdə olurlar. Bu 

---