Əşyaların canlandırılması
texnikasında şagirdlərə təklif edilir ki, canlandırılmış
əşyalarla (çaydan, çətir, sabun və s.) bağlı əhvalat fikirləşsinlər və söyləsinlər.
Atalar sözləri ilə iş
texnikası 2 variantda tətbiq edilir. Birinci variantda öyrənilən
obyekt və ya hadisə üzrə atalar sözü, hikmətli söz və ya məsəl seçilir. İkinci variantda isə
atalar sözü, hikmətli söz və ya məsəl qurulur.
Fantaziyanın binomu
texnikasında fantastik ideyanın alınması nəzərdə tutulur.
Məsələn: «it» və «şkaf». İdeyalar:
it şkafda, şkaf itin üstündə, şkaf itin içində, itin şkafı, itdən
şkaf. Bu kombinasiya binomu təklif edilir.
Fantaziyanın polinomları
texnikasında məqsəd: yaradıcı təfəkkürün inkişaf
etdirilməsidir. Proses bütün siniflə 2 variantda aparılır. Birinci variantda uşaqların
masalarının üstünə rəngarəng əşya və hadisələr əks edilmiş şəkillər üzüaşağı qoyulur.
Müəllim ardıcıllıqla hər bir şəkil üzrə suallar verir (Kim idi? Harada idi? Nə edirdi? Nə dedi?
İnsanlar nə dedi? Nə ilə bitdi (sona çatdı?). Uşaqlar isə müəyyən ardıcıllıqla şəkilləri çevirir
və hər növbəti suala həmin şəkillərin təsvirinə əsaslanaraq cavab verməyə çalışırlar.
Çətinlik çəkənlərə yoldaşları kömək edirlər. Oyun texnikasının sonunda uşaqların
cavablarından istifadə edərək hamı üçün bir hekayə fikirləşmək mümkündür.
İkinci variantda
uşaqlar 3 hərfdən ibarət bir söz tapırlar. Yenə əşya şəkilləri əks
edilmiş kartoçkalardan istifadə edirlər. Məsələn, uşaqlar deyir «büdcə». Onu səslərə bölür
və yalnız həmin səsə uyğun sözlər yazırlar və ya şifahi deyirlər.
«B»
–
Bakı, bazar, büdcə, baba....
«Ü»
–
ütü, üz, üzərlik…
“D”
–
dovşan, dəvə, dərə, dərs....
“C”
–
coğrafiya, Cəfər, corab, cücə…
“Ə”
-
ərik, əmi, əzgil, əsli....
Təşkilati texnikaların tətbiqi
şagirdlərə təşkilatçılıq bacarıqları aşılayır. Dərslərdə
|
